Hongkongse nasionale krieketspan

in Wikipedia, die vrye ensiklopedie
Jump to navigation Jump to search
Hongkong
Flag of Hong Kong.svg
KonferensieHongkongse Krieketraad
Personeel
KapteinAizaz Khan
AfrigterVlag van Ierland Trent Johnston
Spaninligting
StadHongkong
Tuisgrond(e)Mission Road Ground
Internasionale Krieketraad
IKR-statusAssosiaatlid (1969)
IKR-streekAKR (Asië)
IKR-ranglys Tans[1] Beste rang tot dusver
T20I20ste
Internasionale eendagwedstryde
Eerste EDIt Vlag van Bangladesj Bangladesj op Singalese Sportklub-krieketveld, Colombo; 16 Julie 2004
Laaste EDIt Vlag van Verenigde Arabiese Emirate Verenigde Arabiese Emirate op Doebai Internasionale Krieketstadion, Doebai; 18 September 2018
EDIs Gespeel Gewen/Verloor
Totaal[2]269/16
(0 gelykop, 1 geen uitslag)
Vanjaar[3]00/0
(0 gelykop, 0 geen uitslag)
verskynings tydens wêreldbeker-kwalifiserings8 (eerste in 1982)
Beste uitslag3de plek (in 2014)
Twintig20s
Eerste T20It Vlag van Nepal Nepal op Zohur Ahmed Chowdhury-stadion, Chittagong; 16 Maart 2014
Laaste T20It Vlag van Maleisië Maleisië op Kinrara-ovaal, Kuala Lumpur; 26 Februarie 2020
T20Is Gespeel Gewen/Verloor
Totaal[4]4013/27
(0 onbeslis, 0 geen uitslag)
Vanjaar[5]50/5
(0 onbeslis, 0 geen uitslag)
Verskynings by T20-wêreldbeker-toernooie2 (eerste in 2014)
Beste uitslagGroepfase (in 2014 en 2016)
Verskynings by T20-wêreldbeker-kwalifiserings4 (eerste in 2012)
Beste uitslag4de plek (in 2015)
EDI- en T20I-klere

Die Hongkongse nasionale krieketspan (Chinees: 香港板球) verteenwoordig Hongkong in die spel van krieket en word geadministreer deur die Hongkongse Krieketraad. Hongkong het sy eerste krieketwedstryd in Maart 1866[6] gespeel en is sedert 1969 ’n assosiaatlid van die Internasionale Krieketraad (IKR).[7]

Hongkong het sy eerste EDIs tydens die Asiatiese beker 2004 gespeel,[8] en in Januarie 2014 is, nadat hulle tydens die Krieketwêreldbekerkwalifisering 2014 derde geëindig het, aan hulle EDI-status tot in 2018 toegeken.[9] Die span het in November 2013 Twintig20-status verkry, nadat hulle vir die Twintig20-wêreldbeker 2014 gekwalifiseer het.[10] Hongkong het sy EDI-status in Maart 2018 verloor, nadat hulle in die uitspeelwedstryd tydens die Krieketwêreldbekerkwalifisering 2018 teen Nederland verloor het.[11] Hongkong het egter twee bykomende EDI-wedstryde tydens die Asiatiese beker in September 2018 gespeel, nadat hulle die Twintig20-wêreldbekerkwalifikasie kon wen, en die IKR aangekondig het dat al die wedstryde tydens die uitklopfase as EDI-wedstryde erken sal word.[12]

Hongkong het tot dusver aan elke krieketwêreldbekerkwalifiseringstoernooi, behalwe vir dié van 1979 en 2005, deelgeneem.[13] Hulle het ook aan twee Interkontinentale Bekertoernooie deelgeneem, in 2005[14] en in 2015–17, asook aan twee Twintig20-wêreldbekertoernooie, in 2014 en 2016.

In April 2018 het die IKR besluit om aan al sy lede volle T20-status toe te ken. Vervolgens sal elke T20-wedstryd wat Hongkong ná 1 Januarie 2019 teen ander IKR-lede speel, as volle T20I erken word.[15] Hongkong is tans (26 Februarie 2020) 20ste op die Twintig20-wêreldranglys.[16]

Geskiedenis[wysig | wysig bron]

Vroeë jare[wysig | wysig bron]

Die sport is deur die Britte na Hongkong gebring, die eerste bekende krieketwedstryd in Hongkong is in 1841 gespeel, en die Hongkongse krieketklub is tien jaar later gestig. Die Krieketklub (wat as Hongkong gespeel het) het enkele tussenhawenswedstryde teen spanne van die Chinese vasteland gespeel, waarvan in 1866 die eerste teen Sjanghai, en in 1890 het hulle vir die eerste keer teen Ceylon (nou Sri Lanka) te staan gekom.[6]

In 1892 het die SS Bokhara, wat die span van Sjanghai terugvervoer het, in ’n tifoon gesink, wat die lewe van 125 mense geëis het. Net 23 mense het dié ramp oorleef, insluitende 2 van die 13 spanlede. Die ander 11 lede van die span het in die ongeluk omgekom, insluitende die Surrey-krieketspeler John Dunn.[17]

In 1948 is die laaste wedstryd teen Sjanghai gespeel.[6] Jack Chegwyn het in 1952 die eerste internasionale span na Hongkong aangevoer, en die eerste toer deur die Marylebone Krieketklub (MKK) was in 1966.[6] Die MKK, aangevoer deur Mike Smith, het teen die nasionale span gespeel en met 74 lopies gewen.[18] In 1969 het die Hongkongse Krieketvereniging ’n geassosieerde lid van die IKR, die internasionale beheerliggaam van krieket, geword.[7]

IKR-lidmaatskap[wysig | wysig bron]

Een jaar later het die Hongkongse nasionale span teen ’n MKK-span onder kapteinskap van Tony Lewis gelykop gespeel,[19] maar Hongkong sou sy volgende wedstryd eers tydens die IKR-trofee 1982 speel.[6] Tydens dié toernooi het die Hongkongse span, insluitende die toekomstige Engelse toetsspeler Dermot Reeve, versuim om vanaf die eerste rondte te vorder.[20]

Hongkong het aan die volgende drie IKR-trofee-toernooie deelgeneem, maar in 1986 weer versuim om vanaf die eerste rondte te vorder,[21] in 1990 die plaatkompetisie behaal[22] en in 1994 tot die tweede rondte gevorder.[23] Hongkong het in 1996 aan die eerste AKR-trofee deelgeneem,[6] maar versuim om vanaf die groepfase te vorder nadat hulle teen beide Bangladesj en Fidji verloor het.[24]

In 1997 het Hongkong onder Chinese beheer teruggekom. In dieselfde jaar het die nasionale span tydens die IKR-trofee op die agtste plek geëindig.[25] Hulle het in 1998 weer aan die AKR-trofee deelgeneem, en in die halfeindstryd teen Maleisië verloor.[26]

21ste eeu[wysig | wysig bron]

2000–2009[wysig | wysig bron]

In 2000 het Hongkong die eindstryd van die AKR-trofee gemaak, waar hulle teen die Verenigde Arabiese Emirate verloor het.[27] Nietemin het hulle vir die Asiatiese beker 2002 gekwalifiseer (wat later na 2004 verskuif is), en dus vir die eerste keer EDI-krieket geproe.[6]

Hongkong het tydens die IKR-trofee 2001 swak gevaar, aangesien hulle reeds in die groepfase uitgeskakel is, nadat hulle net teen Papoea-Nieu-Guinee ’n oorwinning aangeteken het.[28] In 2002 het Hongkong die halfeindstryd van die AKR-trofee bereik, en weer teen die Verenigde Arabiese Emirate verloor.[29]

Tydens die Asiatiese beker 2004 in Sri Lanka is Hongkong saam met die toetsnasies Bangladesj en Pakistan in een groep geloot. Hulle het albei wedstryde duidelik verloor, ondanks hul beperking van Bangladesj op ’n 221/9 in die eerste wedstryd.[30][31]

Tydens die AKR-trofee 2004 het Hongkong versuim om vanaf die eerste rondte te vorder, nadat hulle in die groepfase teen beide Oman en Bahrein verloor het en vervolgens nie vir die IKR-trofee 2005 in Ierland kon kwalifiseer nie.[32] In dieselfde jaar het hulle ook die eindstryd van die AKR se Fast Track Countries-toernooi bereik, maar teen die Verenigde Arabiese Emirate verloor.[6] Hongkong het in 2005 vir die eerste keer aan die Interkontinentale beker deelgeneem. Hulle het teen die VAE verloor en teen Nepal gelykop gespeel, en die halfeindstryd misgeloop.[14] Hulle het tydens die Fast Track Countries-toernooi dieselfde jaar laaste geëindig.[33]

In 2006 het Hongkong in die eindstryd van die AKR-trofee weer teen die VAE verloor,[34] en tydens die AKR se Premierliga vierde geëindig.[35] Die volgende jaar het hulle na Darwin, Australië, vertrek om aan die afdeling drie van die Wêreldkrieketliga deel te neem en vyfde geëindig,[36] waarvolgens hulle in 2008 na die vierde afdeling afgegradeer is.[37]

In Oktober/November 2007 het Hongkong aan die eerste AKR T20-beker in Koeweit deelgeneem, en hulle het in Groep B teen die Verenigde State, Singapoer, Koeweit en Saoedi-Arabië te staan gekom. Hongkong het in sy groep vierde geëindig en die halfeindstryd misgeloop.

In Junie 2008 het Hongkong aan die Asiatiese beker in Pakistan deelgeneem. Hulle het versuim om tot die volgende rondte te vorder, nadat hulle albei wedstryde teen Indië en Pakistan duidelik verloor het.[38]

In Oktober 2008 het die Hongkongse span na Dar-es-Salaam, Tanzanië, vertrek om aan afdeling vier van die Wêreldkrieketliga deel te neem. Hongkong het vier groepwedstryde teen Fidji, Italië, Jersey en die gasheer gewen, maar twee keer teen Afghanistan in onderskeidelik hul groepwedstryd en die eindstryd verloor.[39] Hongkong is vervolgens tot afdeling drie hergradeer.[40]

2010–hede[wysig | wysig bron]

In 2011 het Hongkong afdeling drie aangebied en dié toernooi gewen, nadat hulle Papoea-Nieu-Guinee in die eindstryd verslaan en sodoende vir afdeling twee in die VAE gekwalifiseer het.[41] In afdeling twee het hulle vierde geëindig en tot die 2014-krieketwêreldbekerkwalifisering in Nieu-Seeland gevorder.[42]

In 2013 het die VAE die T20-wêreldbekerkwalifisering aangebied, waartydens Hongkong ná hul oorwinning oor Papoea-Nieu-Guinee sesde geëindig het, genoeg om vir die T20-wêreldbeker die volgende jaar in Bangladesj te kwalifiseer.

In 2014 het Nieu-Seeland die krieketwêreldbekerkwalifisering aangebied, waartydens Hongkong derde geëindig het; ondanks hul versuiming van die Krieketwêreldbeker 2015 het hulle saam met Papoea-Nieu-Guinee EDI-status verkry.

In Maart 2014 het Hongkong tydens die T20-wêreldbeker die gasheer Bangladesj met 2 paaltjies en nog twee aflewerings oor verslaan, maar hulle het die volgende rondte misgeloop omdat hulle die twee vorige wedstryde teen Afghanistan en Nepal verloor het.[43]

Hongkong het op 8 Maart 2018 sy eerste oorwinning oor ’n volle lid aangeteken, nadat hulle tydens die krieketwêreldbekerkwalifisering Afghanistan verslaan het;[44] hulle het egter nie daarin geslaag om vir die Krieketwêreldbeker 2019 te kwalifiseer nie.

Rekords[wysig | wysig bron]

Twintig20-rekord[wysig | wysig bron]

Jaar Uitslag
2007 Nie gekwalifiseer nie
2009 Nie gekwalifiseer nie
2010 Nie gekwalifiseer nie
2012 Nie gekwalifiseer nie
2014 Groepfase
2016 Groepfase
2020 Nie gekwalifiseer nie
2021 N.v.t.

Sien ook[wysig | wysig bron]

Verwysings[wysig | wysig bron]

  1. (en) "ICC Rankings". Internasionale Krieketraad.
  2. (en) "ODI matches – Team records". ESPNcricinfo.
  3. (en) "ODI matches – 2020 Team records". ESPNcricinfo.
  4. (en) "T20I matches – Team records". ESPNcricinfo.
  5. (en) "T20I matches – 2020 Team records". ESPNcricinfo.
  6. 6,0 6,1 6,2 6,3 6,4 6,5 6,6 6,7 (en) "Chronology of Hong Kong cricket". ESPNcricinfo.
  7. 7,0 7,1 "Hong Kong" (in Engels). CricketArchive. Geargiveer vanaf die oorspronklike op 3 Februarie 2020.
  8. "List of Hong Kong ODIs" (in Engels). CricketArchive. Geargiveer vanaf die oorspronklike op 12 Oktober 2008.
  9. "Scotland and UAE battle lock horns in final of ICC CWCQ 2014" (in Engels). Internasionale Krieketraad. 31 Januarie 2014. Geargiveer vanaf die oorspronklike op 6 Maart 2014. Besoek op 31 Januarie 2014.
  10. "Hong Kong, Netherlands through to World T20" (in Engels). ESPNcricinfo. 28 November 2013. Geargiveer vanaf die oorspronklike op 3 Februarie 2020. Besoek op 26 Februarie 2020.
  11. "CWCQ 2018 Report Card: Hong Kong". Internasionale Krieketraad (in Engels). Geargiveer vanaf die oorspronklike op 3 Februarie 2020. Besoek op 26 Februarie 2020.
  12. "ICC awards Asia Cup ODI status". Internasionale Krieketraad (in Engels). Geargiveer vanaf die oorspronklike op 16 Junie 2019. Besoek op 26 Februarie 2020.
  13. "ICC Trophy matches played by Hong Kong" (in Engels). CricketArchive. Geargiveer vanaf die oorspronklike op 19 Oktober 2012.
  14. 14,0 14,1 "2005 ICC Intercontinental Cup" (in Engels). CricketEurope. Geargiveer vanaf die oorspronklike op 2 Februarie 2014.
  15. "All T20 matches between ICC members to get international status". Internasionale Krieketraad (in Engels). 26 April 2018. Geargiveer vanaf die oorspronklike op 3 November 2019. Besoek op 26 Februarie 2020.
  16. "Men's T20I Team Rankings" (in Engels). Internasionale Krieketraad. 15 Februarie 2020. Geargiveer vanaf die oorspronklike op 11 Mei 2020. Besoek op 26 Februarie 2020.
  17. (en) "Sinking of the SS Bokhara". Hongkongse Krieketvereniging. [dooie skakel]
  18. "Telkaart van Hongkong t MKK op 19 Maart 1966" (in Engels). CricketArchive. Geargiveer vanaf die oorspronklike op 19 Februarie 2020.
  19. "Telkaart van Hongkong t MKK op 15 Maart 1970" (in Engels). CricketArchive. Geargiveer vanaf die oorspronklike op 19 Februarie 2020.
  20. "ICC Trophy, 1982: England". ESPNcricinfo (in Engels). Geargiveer vanaf die oorspronklike op 17 Julie 2019. Besoek op 26 Februarie 2020.
  21. "1986 ICC Trophy in England" (in Engels). ESPNcricinfo. Geargiveer vanaf die oorspronklike op 7 Julie 2019. Besoek op 26 Februarie 2020.
  22. "ICC Trophy 1990: Netherlands" (in Engels). ESPNcricinfo. Geargiveer vanaf die oorspronklike op 7 Julie 2019. Besoek op 26 Februarie 2020.
  23. "Kenya: ICC Trophy" (in Engels). ESPNcricinfo. Geargiveer vanaf die oorspronklike op 7 Julie 2019. Besoek op 26 Februarie 2020.
  24. (en) "1996 ACC Trophy". CricketEurope. [dooie skakel]
  25. "Carlsberg ICC Trophy, Mar–April 1997" (in Engels). ESPNcricinfo. Geargiveer vanaf die oorspronklike op 8 Julie 2019. Besoek op 26 Februarie 2020.
  26. (en) "1998 ACC Trophy". CricketEurope. [dooie skakel]
  27. (en) "2000 ACC Trophy". CricketEurope. [dooie skakel]
  28. "2001 ICC Trophy" (in Engels). ESPNcricinfo. Geargiveer vanaf die oorspronklike op 7 Julie 2019. Besoek op 26 Februarie 2020.
  29. (en) "2002 ACC Trophy". CricketEurope. [dooie skakel]
  30. "Asia Cup, 1st Match: Bangladesh v Hong Kong at Colombo (SSC), Jul 16, 2004" (in Engels). ESPNcricinfo. 16 Julie 2014. Geargiveer vanaf die oorspronklike op 19 Februarie 2020. Besoek op 26 Februarie 2020.
  31. "2004 Asia Cup points table" (in Engels). CricketArchive. Geargiveer vanaf die oorspronklike op 19 Februarie 2020.
  32. (en) "2005 ICC Trophy official website – Asian qualifying". Geargiveer vanaf die oorspronklike op 6 Februarie 2012. [dooie skakel]
  33. (en) "2005/06 Fast-track nations tournament". Asiatiese Krieketraad. Geargiveer vanaf die oorspronklike op 25 Maart 2008. [dooie skakel]
  34. (en) "2006 ACC Trophy". CricketEurope. [dooie skakel]
  35. (en) "2006/07 ACC Premier League". CricketEurope. [dooie skakel]
  36. (en) "2007 ICC World Cricket League Division Three". CricketEurope. Geargiveer vanaf die oorspronklike op 24 Oktober 2007. [dooie skakel]
  37. (en) Andrew Nixon (2 Junie 2007). "Uganda lift Division Three title". CricketEurope. Geargiveer vanaf die oorspronklike op 24 Mei 2011. [dooie skakel]
  38. "Points Table – Asia Cup – ESPNcricinfo". ESPNcricinfo (in Engels). Geargiveer vanaf die oorspronklike op 16 September 2019. Besoek op 26 Februarie 2020.
  39. "Results / ICC World Cricket League (Old)" (in Engels). ESPNcricinfo. Geargiveer vanaf die oorspronklike op 19 Februarie 2020. Besoek op 26 Februarie 2020.
  40. "Afghanistan claim another title" (in Engels). ESPNcricinfo. 11 Oktober 2008. Geargiveer vanaf die oorspronklike op 19 Februarie 2020. Besoek op 26 Februarie 2020.
  41. "Hong Kong defeat Papua New Guinea to ensure promotion to WCL Division 2". CricketEurope (in Engels). 28 Januarie 2011. Geargiveer vanaf die oorspronklike op 2 Februarie 2014. Besoek op 2 Februarie 2014.
  42. "UAE and Namibia contest final". CricketEurope (in Engels). 15 April 2011. Geargiveer vanaf die oorspronklike op 1 Februarie 2014. Besoek op 2 Februarie 2014.
  43. "Dar guides HK to historic win" (in Engels). ESPNCricinfo. 20 Maart 2014. Geargiveer vanaf die oorspronklike op 22 Desember 2019. Besoek op 26 Februarie 2020.
  44. "Afghanistan suffer massive dent to World Cup hopes". ESPNcricinfo (in Engels). 8 Maart 2018. Geargiveer vanaf die oorspronklike op 19 Februarie 2020. Besoek op 26 Februarie 2020.

Eksterne skakels[wysig | wysig bron]