Nepalese nasionale krieketspan

in Wikipedia, die vrye ensiklopedie
Jump to navigation Jump to search
Nepal
Nepal national cricket team.svg
Kenteken van Nepalese nasionale krieketspan
BynaamThe Rhinos, Gorkhalis
KonferensieNepalese Krieketvereniging
Personeel
KapteinGyanendra Malla
AfrigterJagat Tamata (voorlopig)
Internasionale Krieketraad
IKR-statusAssosiaatlid met EDI-status (1996)
IKR-streekAKR (Asië)
IKR-ranglys Tans[1] Beste rang tot dusver
EDI16de14de
T20I12de11de
Internasionale eendagwedstryde
Eerste EDIt Vlag van Nederland Nederland op VRA-krieketveld, Amstelveen; 1 Augustus 2008
Laaste EDIt Vlag van Verenigde State van Amerika Verenigde State op Tribhuvan Universiteit se Internasionale Krieketveld, Kirtipur; 12 Februarie 2020
EDIs Gespeel Gewen/Verloor
Totaal[2]105/5
(0 gelykop, 0 geen uitslag)
Vanjaar[3]42/2
(0 gelykop, 0 geen uitslag)
verskynings tydens wêreldbeker-kwalifiserings3 (eerste in 2001)
Beste uitslagAgtste plek (in 2018)
Twintig20s
Eerste T20It Vlag van Hongkong Hongkong op Zohur Ahmed Chowdhury-stadion, Chittagong; 16 Maart 2014
Laaste T20It Flag of the Maldives Maledive op Tribhuvan-universiteits Internasionale Krieketveld, Kirtipur; 9 Desember 2019
T20Is Gespeel Gewen/Verloor
Totaal[4]3115/15
(0 onbeslis, 1 geen uitslag)
Vanjaar[5]00/0
(0 onbeslis, 0 geen uitslag)
Verskynings by T20-wêreldbeker-toernooie1 (eerste in 2014)
Beste uitslagGroepfase (in 2014)
Verskynings by T20-wêreldbeker-kwalifiserings3 (eerste in 2012)
Beste uitslagDerde plek (in 2013)
EDI- en T20I-klere

Die Nepalese nasionale krieketspan (Nepalees: नेपाल राष्ट्रिय क्रिकेट टिम), ook bekend as The Rhinos[6] of Gorkhalis, verteenwoordig Nepal in die spel van krieket en word beheer deur die Nepalese Krieketvereniging. Nepal speel sy tuiswedstryde in Katmandoe en het tydens die T20-wêreldbeker 2014 in Bangladesj sy eerste verskyning gemaak. Nepal is tradisioneel een van die sterker Asiatiese nasionale krieketspanne buite die vyf toetsnasies van Suid-Asië.

Nepal is sedert 1996 ’n geassosieerde lid van die Internasionale Krieketraad, nadat hulle sedert 1988 ’n geaffilieerde lid was.[7] Aan Nepal is in Junie 2014 deur die IKR tot en met die T20-wêreldbekerkwalifisering 2015 T20-status toegeken.[8][9] Op 15 Maart 2018 het Nepal vir die eerste keer internasionale eendagwedstryd-status (EDI) behaal (asook hul T20I-status terugontvang), nadat hulle die eerste uitspeelwedstryd tydens die Krieketkampioenskapskwalifisering 2018 gewen het.[10][11][12]

Nepal het al sedert 1996 in internasionale wedstryde verskyn, insluitende elke AKR-trofee behalwe vir die 2015 AKR Twintig20-beker in die Verenigde Arabiese Emirate, waaraan hulle nie deelgeneem het nie. Nepal het ook aan die krieketwêreldbekerkwalifiseringstoernooie in 2001, 2014 en 2018, T20-wêreldbekerkwalifikasie in 2012, 2013 en 2015, Internasionale bekertoernooie in 2004 en 2005, AKR Fast Track Countries-toernooie in 2004, 2005 en 2006, AKR T20-bekertoernooie in 2007, 2009, 2011 en 2013, Asiatiese Spele in 2010 en 2014, asook die AKR Premierliga in 2014 deelgeneem. Nepal kon egter nog nie vir ’n krieketwêreldbekertoernooi, die IKR se vernaamste toernooi, kwalifiseer nie.

In teenstelling met ander kleiner krieketnasies, wie se spanne veral uit buitelanders bestaan, bevat die Nepalese nasionale span inheemse spelers wat meestal deur die geledere gekom het om ouderdomsgroepkrieket te speel.[13] In onlangse jare het Nepalese krieket ’n sterk vordering gesien, veral danksy die groot invloed van die krieketnasie Indië. Nepal se nabyheid aan Indië het gehelp om die speel in Nepal te laat ontwikkel. Op 15 Maart 2018 is Nepal vir die eerste keer EDI-status toegeken, nadat hulle tydens die 2018-krieketwêreldbekerkwalifiseringstoernooi se negende plek-uitspeelwedstryd Papoea-Nieu-Guinee verslaan het.[12]

In April 2018 het die IKR besluit om aan al sy lede volle Twintig20-status toe te ken. Vervolgens sal elke T20-wedstryd wat Nepal ná 1 Januarie 2019 teen ander IKR-lede speel, as volle T20I erken word.[14] Nepal is tans (26 Februarie 2020) 16de op die eendagranglys, en 12de op die Twintig20-wêreldranglys.[15][16]

Geskiedenis[wysig | wysig bron]

Beginjare[wysig | wysig bron]

Krieket is deur die Britte tydens hul koloniale bewind in Indië ook na die Brits-beïnvloede Koninkryk Nepal saamgeneem. Volgens die 1877-boek History of Nepal, soos geredigeer deur Daniel Wright, "het hul tutors verskeie kere pogings aangewend om die jong mans krieket en ander spele te laat beoefen, maar sulke vermaaklikheid is as vernederend beskou".[17] Oor die tyd heen is krieket as ’n sport vir here beskou, en deelname was veral op die hersende Rana-dinastie en ander lede van die Nepalese hoër klas beperk.

In 1946 is die Nepalese Krieketvereniging gestig om krieket onder die adelstand te bevorder. Ná die demokratisering ingevolge die 1951-rewolusie het krieket ook onder die bevolking gewildheid verwerf. In 1961 het, in ’n poging om krieket in die hele Nepal te bevorder, die Nepalese Krieketvereniging by die Nasionale Sportraad aangesluit. Nietemin was die nasionale wedstryde tot in die 1980’s op Katmandoe beperk.[18]

IKR-lidmaatskap[wysig | wysig bron]

Verbeteringe in Nepal se kommunikasie- en vervoerinfrastruktuur het toegelaat om die spel in die 1980’s buite Katmandoe te versprei,[18] en Nepal het in 1988 ’n geassosieerde lid van die Internasionale Krieketraad geword.[7] In die vroeë 1990’s is ’n groot ontwikkelingsprogram van stapel gestuur, waarvolgens plaaslike en distriktoernooie gestig en krieket meer en meer op skole aangebied is.[18]

Die bevolking se belangstelling in krieket het vinnig toegeneem, en die navraag om krieket te speel was só groot dat beperkings afgelas moes word om die aantal spanne by verskeie toernooie te beperk totdat in die middel-1990’s meer geriewe opgerig is.[18] Nepal het in 1996 ’n assosiaatlid van die IKR geword,[7] en die nasionale span het in dieselfde jaar vir die eerste keer aan die AKR-trofee in Kuala Lumpur deelgeneem. Nepal het op die vierde plek geëindig, nadat hulle beide Broenei en Japan verslaan het.[verwysing benodig]

Teen 1998 het die geriewe in Nepal voldoen om die AKR-trofee op die krieketvelde van Lalitpur en Kirtipur (op die Tribhuvan Universiteit se Internasionale Krieketveld) en Katmandoe te huisves.[19] Die gasheer Nepal was in dié toernooi egter nie suksesvol nie, en kon nie ’n enkele oorwinning aanteken nie.[verwysing benodig]

Nepal beskik tans oor een van die gretigste ondersteuners onder die assosiaatlede. Nepal het sy beheerliggaam – die Nepalese Krieketvereniging – in 2016 verloor, nadat dit deur die IKR weens onnodige inmenging van die regering verban is, maar dit is in Oktober 2019 heringestel.[20][21]

T20I-status en reekse[wysig | wysig bron]

Op 28 Junie 2014 het die IKR T20I-status aan Nepal toegeken, nadat dié nasionale span tydens die T20-wêreldbeker 2014 uitstekend presteer het.[8][9] Nepal het al drie T20I-wedstryde gespeel voordat hulle dié status verkry het, nadat die IKR voorheen aangekondig het dat alle wedstryde tydens die T20-wêreldbeker 2014 T20I-status sal geniet.[22]

Nepal het sy T20-status in Julie 2015 verloor, nadat hulle versuim het om vir die T20-wêreldbeker 2016 te kwalifiseer.[23]

Nepal het in November 2014 sy eerste internasionale T20-reeks teen Hongkong in Sri Lanka gespeel. Tydens dié reeks is oorspronklik drie wedstryd beplan,[24] maar weens voortgesette reën en slegte veldtoestande kon net een wedstryd gespel word.[25] Nepal het dié wedstryd verloor, maar Sompal Kami het ’n goeie prestasie gelewer en 40 lopies van 31 aflewerings aangeteken,[26] nadat hy as nommer 10 die veld betree het. Dit is ’n wêreldrekord vir die hoogste telling van ’n kolwer op hierdie posisie.[27]

Tussen 30 Junie tot 3 Julie 2015 het Nepal sy tweede internasionale T20-reeks teen Nederland gespeel. Nepal het dié vier-wedstrydreeks met 3–1 verloor. Paras Khadka is as speler van die reeks aangewys.[28]

21ste eeu[wysig | wysig bron]

2000–2009[wysig | wysig bron]

Die Tribhuvan Universiteit se Internasionale Krieketveld naby Katmandoe dien as Nepal se tuisstadion
Die Nepalese nasionale krieketspan tydens die Krieketwêreldliga se afdeling drie 2013 in Bermuda
Kaptein Paras Khadka kolf tydens die Krieketwêreldliga se afdeling drie 2013 in Bermuda
Nepalese ondersteuners tydens die Krieketwêreldliga se afdeling drie 2013 in Bermuda
Die Nepalese nasionale krieketspan tydens die AKR-trofee 2013
Krieketwedstryd tussen Nepal en Kenia in Katmandoe, 2017

In 2000 het Nepal se jeugontwikkelingsbeleid begin om te presteer nadat die Nepalese o/19-span tydens die o/19-Krieketwêreldbeker op die agste plek geëindig het. Die seniorspan het tydens die AKR-trofee sy beste prestasie tot op hede behaal, nadat hulle die halfeindstryd bereik het, maar dié wedstryd teen Hongkong in Sharjah verloor het.[29] Die volgende jaar het hulle vir die eerste keer aan die IKR-trofee deelgeneem. In dié toernooi in Ontario het hulle Duitsland en Gibraltar verslaan, maar ’n nederlaag teen die latere naaswenner Namibië het hulle van hul vordering tot die volgende rondte ontneem.[30]

Nepal het tydens die AKR-trofee 2002 in Singapoer na die Verenigde Arabiese Emirate as naaswenners geëindig[31] en hulle het die AKR se opkomende nasiestoernooi in 2003 aangebied, waarin hulle maklik teen Bhoetan en die Maledive kon wen. Hul oorwinning was so omvattend, dat hulle vir die volgende toernooi in 2005 nie meer genooi is nie.[18] Raju Khadka het tydens dié toernooi die eerste Nepalese krieketspeler geword om ’n internasionale honderdtal aan te teken, nadat hy teen Bhoetan ’n onoorwonne 105 van net 50 aflewerings geslaan het.[32]

Nepal het in 2004 vir die eerste keer eersterangse krieket gespeel, en tydens die Interkontinental beker teen die VAE en Maleisië gespeel. Hulle het teen Maleisië gewen,[33] maar teen die VAE net gelykop gespeel,[34] waarvolgens hulle nie tot die halfeindstryd kon vorder nie. Nepal het tydens die Fast Track Countries Tournament 2004 op die derde plek geëindig, waarvolgens hulle vir die Interkontinentale beker 2005 gekwalifiseer het,[35] en vyfde tydens die AKR-trofee 2004 geëindig, waarvolgens hulle die uitspeeltoernooi van die IKR-trofee 2005 gemaak het. Hulle eindig in dié toernooi derde nadat hulle in ’n uitspeelwedstryd Katar verslaan het,[36] waarvolgens hulle nie meer vir die IKR-trofee 2005 kon kwalifiseer nie. Shakti Gauchan het teen Italië ’n honderdtal aangeteken en tydens die toernooi ’n onoorwonne 106 van 103 aflewerings geslaan.[37] Tydens die Interkontinentale beker 2005 verslaan hulle die VAE en speel gelykop teen Hongkong, maar het die kwalifisering met ’n halwe punt net-net misgeloop. Die Fast Track Countries Tournament 2005 het hulle as naaswenners na die VAE afgesluit.[38]

In Maart 2006 het Nepal in ’n uitspeelwedstryd teen Namibië in Windhoek gespeel om die laaste plek in die Interkontinentale beker 2006 te bespreek. Nepal moes duidelik wen om vir dié toernooi te kwalifiseer, maar die wedstryd eindig gelykop nadat op die eerste dag nie gespeel is nie.[39] Later die jaar het hulle na Pakistan getoer, en een wedstryd teen die Pakistan Krieketakademie gespeel[40] voordat hulle aan die AKR-trofee in Kuala Lumpur deelgeneem het.

Tydens die AKR-trofee 2006 het Nepal Mianmar vir net 10 in 12.1 boulbeurte uitgeboul, nadat Nepal die loot gewen en Mianmar ingestuur het; geen kolwer het meer as een lopie aangeteken nie, die beurte het vyf eende ingesluit, en ekstras behaal met vyf (drie beenbyes en twee wydlopers). Mehboob Alam en Binod Das het onderskeidelik sewe en drie paaltjies geneem.[41] In antwoord daarop het Nepal drie van die eerste aflewering geslaan, opgevolg deur drie wydlopers wat vir vyf gegaan het, en toe ’n ander drie van die tweede aflewering aangeteken om die wedstryd met 10 paaltjies te beklink. Sommige kritici het dit die grootste wanverhouding in die geskiedenis van internasionale krieket genoem[42] en die telling van 10 is die laagste van enige vlak in internasionale krieket vir mans. Nepal het in dié toernooi vierde geëindig nadat hulle in ’n uitspeelwedstryd teen Afghanistan verloor het.[43] Hulle kon die AKR se Premierliga 2006 wen.[44]

Nepal het aan die AKR se T20-beker 2007 in Koeweit deelgeneem, en vierde in hul eerste groep geëindig.[45]

In Mei 2008 het Nepal na Jersey vertrek om aan die Wêreldkrieketliga 2008 se afdeling vyf deel te neem. Mehboob Alam het die wêreldrekord opgestel en al die tien paaltjies in die wedstryd teen Mosambiek geneem. Hy het sy naam in die Guinness World Records ingeskryf, nadat hy die eerste bouler geword het om alle 10 paaltjies in ’n internasionale krieketwedstryd met beperkte boulbeurte te neem.[46] Nepal eindig ná die groepfase eerste in Groep A, maar verloor teen Afghanistan in die halfeindstryd[47] en eindig derde nadat hulle die Verenigde State in die uitspeelwedstryd om die derde plek verslaan.[48] Aangesien net die twee beste spanne van hierdie toernooi tot die Wêreldkrieketliga se afdeling vier in Tanzanië later die jaar kon vorder, het Nepal die kans misgeloop om sy droom vir deelname aan die Krieketwêreldbeker 2011 verder te neem. Later het Nepal in die AKR-elitetrofee verskyn en vierde geëindig, nadat hulle in die halfeindstryd deur die VAE[49] en in die uitspeelwedstryd om die derde plek deur Afghanistan verslaan is.[50]

Nepal eindig vyfde tydens die AKR se T20-beker 2009, nadat hulle Singapoer met 9 paaltjies in die uitspeelwedstryd om die vyfde plek verslaan.[51] In ’n groepwedstryd teen Koeweit het Nepal 7 lopies uit die laaste aflewerings benodig om te wen. Binod Bhandari, wat sy debuut vir die nasionale span gemaak het, het met die laaste aflewering ’n grenshou aangeteken om dié wedstryd gelykop te laat eindig. Nepal het dié wedstryd ná die uitboul gewen.[52]

2010–2014[wysig | wysig bron]

Nepal kon in Februarie 2010 sy eerste vername toernooi wen nadat hulle die VSA in die eindstryd van die Wêreldkrieketliga se afdeling vyf in Katmandoe verslaan het.[53] Sharad Vesawkar het ’n honderdtal aangeteken en onoorwonne met 105 van 134 aflewerings teen Fidji tydens dié toernooi gebly.[54] Nepal het uitstekend tydens die AKR se elitetrofee 2010 gevaar, nadat hulle al hul wedstryde in die groepfase gewen en Maleisië met 8 lopies in die halfeindstryd verslaan het[55] maar hulle is in die eindstryd deur die EDI-span Afghanistan met 95 lopies verslaan en het sodoende as naaswenners geëindig.[56] Nepal eindig derde in die Wêreldkrieketliga se afdeling vier, en het vervolgens in dié afdeling aangebly.[57] In November het Nepal aan die Asiatiese Spele deelgeneem en in die kwarteindstryd teen Sri Lanka verloor.[58] Dit was die eerste wedstryd wat Nepal teen ’n volle lid gespeel het.

In Desember 2011 het Nepal die AKR se T20-beker aangebied, vierde geëindig, en sodoende tot die T20-wêreldbekerkwalifisering 2012 gevorder.[59]

Nepal eindig tydens die T20-wêreldbekerkwalifisering 2012 sewende nadat hulle Kenia[60] en Papoea-Nieu-Guinee[61] in uitspeelwedstryde verslaan het. Shakti Gauchan het tydens dié toernooi teen Denemarke die eerste internasionale driekuns vir Nepal behaal.[62] In September 2012 het Nepal in die Wêreldkrieketliga se afdeling vier verskyn, waartydens beide Subash Khakurel en Anil Mandal honderdtalle aangeteken het. Subash Khakurel teken 115 van 142 aflewerings teen die Verenigde State[63] en Anil Mandal 113 van 134 aflewerings teen Denemarke aan.[64] In ’n wedstryd teen Maleisië het Shakti Gauchan Nepal se oortuigende oorwinning met ’n nuwe rekord opgestel. Die linkerhandse ortodokse draaier se 10–8–2–3 is die beste ekonomiese boulwerk nog in kleiner krieketformaat-ontmoetings.[65][66] Nepal het al die ses wedstryde van dié toernooi gewen en tot Wêreldkrieketliga se afdeling drie 2013 gevorder. Nepalese spelers is in al die ses Nepalese wedstryde as onderskeidelike speler van die wedstryd aangewys en Basanta Regmi is as speler van die toernooi benoem, nadat hy gedurende dié toernooi altesaam 21 paaltjies geneem het.[67] In Oktober 2012 het Nepal aan die AKR elitetrofee deelgeneem en die trofee met die VAE gedeel, nadat hulle op 12 Oktober 2012 in ’n naelbyter-eindstryd op die Sharjah-krieketstadion gelykop eindig. VAE behaal 241, ’n teiken wat Nepal glo ná sy openingsstaander van 94 lopies kon haal. Hulle het egter agtereenvolgende paaltjies verloor, en uiteindelik 12 in die laaste beurt met een oorblywende paaltjie benodig. Shakti Gauchan het Shadeep Silva se linkerhandse aflewering vir ’n ses geslaan, maar kon van die laaste aflewering net een lopie slaan, waarvolgens ’n skitterende eindstryd in ’n gelykop eindig.[68] Die kaptein Paras Khadka het tydens dié toernooi ’n onoorwonne 106 van net 77 aflewerings teen Koeweit geslaan, sy eerste honderdtal vir Nepal.[69]

Nepal het aan die AKR se T20-beker op die tuisgronde Kirtipur en Lalitpur deelgeneem. Nepal kon maklik deur dié toernooi na die eindstryd met ’n uitstekende prestasie deur hul kaptein, Paras Khadka, stap en die span het die VAE met 6 paaltjies afgeransel.[70] Nepal het voorheen tot die T20-wêreldbekerkwalifisering 2013 gevorder, en die halfeindstryd van dié toernooi gemaak. Nepal moes met die status as naaswenner tevrede wees, nadat hulle deur die EDI-span Afghanistan met 7 paaltjies verslaan is.[71] Die Nepalese span is tydens die hele toernooi deur ’n reuse skaar ondersteuners begelei, met ’n gemiddelde bywoning van tussen 15 000 en 20 000 (sowat 25 000 in beide die halfeindstryd en eindstryd) tydens hul wedstryde, terwyl honderdduisend regstreeks op televisie ingeskakel het – ongetwyfeld die grootste publieke ondersteuning buite die toetsnasies.[72] Nepal het die Wêreldkrieketliga se afdeling drie in Bermuda gewen en tot die Krieketwêreldbekerkwalifisering 2014 gevorder.[73] Nepal het ook aan die AKR se opkomende spannebeker in 2013 deelgeneem, saam met die o/23-spanne van die vier toetsnasies – Bangladesj, Indië, Pakistan en Sri Lanka – asook VAE, Afghanistan en die gasheer Singapoer.[74] Nepal eindig derde in die T20-wêreldbekerkwalifisering in die VAE[75] en het tot die T20-wêreldbeker 2014 gevorder, nadat hulle Hongkong met die laaste aflewering in ’n naelbyter-kwarteindstryd verslaan het.[76]

Nepal is tydens die kwalifisering vir die Krieketwêreldbeker 2015 in Januarie 2014 uitgeskakel, en eindig negende in die Krieketwêreldbekerkwalifisering 2014 in Nieu-Seeland.[77] Nepal was die beste van die drie assosiaatlede wat in Groep A van die T20-wêreldbeker 2014 meegeding het. Hulle kon Hongkong duidelik verslaan,[78] met hul kolfblad teen Bangladesj meeding,[79] en ’n sterk oorwinning oor Afghanistan aanteken,[80] hul eerste sedert 2004 in enige formaat van krieket.[81] Die Nepalese boulers het nie een wydloper of geen bal deur die hele toernooi geboul nie.[82] Nepal was ook die enigste span om nie 140 in ’n beurt af te staan nie.[83] Nepal het derde tydens die AKR se Premierliga 2014 geëindig, nadat hulle die EDI-spanne VAE[84] en Hongkong verslaan het, om sodoende vir die AKR-kampioenskap 2014 te kwalifiseer.[85] In September 2014 het Nepal aan die Asiatiese Spele deelgeneem, maar kon nie tot die halfeindstryd vorder nie.[86] Nepal het die Wêreldkrieketliga se afdeling drie in Maleisië gewen en sodoende vir die Wêreldkrieketliga se afdeling twee 2015 gekwalifiseer.[87] Gyanendra Malla het in dié toernooi sy eerste honderdtal aangeteken, 114 van 125 aflewerings teen Singapoer.[88] In November het Nepal na Sri Lanka getoer, nadat Sri Lanka Krieket ’n aansoek van die Asiatiese Krieketraad goedgekeur het om die nie-toetsnasies te ondersteun,[89] waar hulle twee driedaagse wedstryde teen ’n saamgestelde Sri Lanka-span gespeel het.[90][91] en ’n T20-reeks teen Hongkong.

2015–2017[wysig | wysig bron]

Nepal eindig vierde in die Wêreldkrieketliga se afdeling twee in Namibië[92] en het sodoende vir die Wêreldkrieketligakampioenskap 2015–17 gekwalifiseer.[93] Maar Nepal het versuim om tot die Wêreldkrieketliga se afdeling een te vorder en sodoende vir die Interkontinentale Beker 2015–17 te kwalifiseer, nadat hulle derde in die groepfase eindig.[94][95] Basanta Regmi het die eerste bouler geword om 100 paaltjies in die Wêreldkrieketliga te neem. Hy het dié mylpaal behaal nadat hy tydens dié toernooi 2 paaltjies in die wedstryd teen Nederland geneem het.[96] Op 11 April 2015 het Nepal ’n huldewedstryd van 63-beurte (31.3 beurte per span) gehou vir die Australiese krieketspeler Phillip Hughes, wat op 63 gekolf het toe hy deur ’n opslagbal getref is. Dié wedstryd is op Tribhuvan-universiteits Internasionale Krieketveld, Kirtipur, tussen ’n span blou, saamgestel uit spelers van beide Nepal en Australië, en ’n rooi span, bestaande uit Nepalese spelers, gespeel.[97] In Junie het Nepal na Nederland getoer om ’n T20-reeks teen die gasheer te speel. Nepal het toe aan die T20-wêreldbekerkwalifisering in Ierland en Skotland deelgeneem, waar hulle sewende in Groep A eindig,[98] en dus versuim om vir die tweede agtereenvolgende T20-wêreldbeker te kwalifiseer.[99]

2018–hede[wysig | wysig bron]

Nepal eindig tweede in die Wêreldkrieketliga se afdeling twee en bespreek sodoende hul plek in die Krieketwêreldbekerkwalifikasie in 2018. Op 15 Maart is aan Nepal vir die eerste keer EDI-status toegeken, nadat hulle Papoea-Nieu-Guinee tydens die Krieketwêreldbekerkwalifikasie 2018 se uitspeelwedstryd om die negende plek verslaan het.[12] Met hul EDI-status het Nepal outomaties ook sy T20-status teruggekry. Nadat hulle EDI-status verkry het, het Nepal se kaptein tydens die Krieketwêreldbekerkwalifikasie, Paras Khadka, gesê dat hulle ook toetsstatus wil verkry, waarin hulle volgens hom binne tien of agt jaar sal slaag.[100]

Nepal het sy eerste EDI-reeks bestaande uit drie wedstryde teen die VAE gespeel en met 2–1 gewen, hul eerste EDI-reeksoorwinning. Paras Khadka het die eerste kolwer geword om ’n EDI-honderdtal vir Nepal aan te teken. Rohit Kumar Paudel het die wêreld se jongste speler geword om ’n EDI-vyftigtal en Sandeep Jora die wêreld se jongste speler om ’n T20-vyftigtal aan te teken. In Oktober 2019 is die Nepalese Krieketvereniging, wat in 2016 opgeskort is, weer as ’n IKR-lid toegelaat.[101]

Kushal Malla het op 15 jaar en 340 dae die jongste manskrieketspeler geword om ’n internasionale vyftigtal, teen die VSA op 8 Februarie 2020, aan te teken.[102] Op 12 Februarie 2020 het Nepal die VSA op net 35 lopies uitgeboul, dis die kleinste totale telling van ’n span in EDI-wedstryde tot dusver.[103]

Rekords[wysig | wysig bron]

Wêreldbekerrekord[wysig | wysig bron]

Jaar Uitslag
1979 Nie in aanmerking nie – nie ’n IKR-lid nie
1983 Nie in aanmerking nie – nie ’n IKR-lid nie
1987 Nie in aanmerking nie – nie ’n IKR-lid nie
1992 Nie in aanmerking nie – nie ’n IKR-lid nie
1996 Nie in aanmerking nie – nie ’n IKR-lid nie
1999 Nie in aanmerking nie – nie ’n IKR-lid nie
2003 Nie gekwalifiseer nie
2007 Nie in aanmerking nie – nie ’n IKR-lid nie
2011 Nie in aanmerking nie – nie ’n IKR-lid nie
2015 Nie gekwalifiseer nie
2019 Nie gekwalifiseer nie
2023 N.v.t.

Twintig20-rekord[wysig | wysig bron]

Jaar Uitslag
2007 Nie in aanmerking nie – nie ’n IKR-lid nie
2009 Nie in aanmerking nie – nie ’n IKR-lid nie
2010 Nie in aanmerking nie – nie ’n IKR-lid nie
2012 Nie gekwalifiseer nie
2014 Groepfase
2016 Nie gekwalifiseer nie
2020 Nie gekwalifiseer nie
2021 N.v.t.

Verwysings[wysig | wysig bron]

  1. (en) "ICC Rankings". Internasionale Krieketraad.
  2. (en) "ODI matches – Team records". ESPNcricinfo.
  3. (en) "ODI matches – 2020 Team records". ESPNcricinfo.
  4. (en) "T20I matches – Team records". ESPNcricinfo.
  5. (en) "T20I matches – 2020 Team records". ESPNcricinfo.
  6. "Nepal's Official Jersey at T10 Sports" (in Engels). Geargiveer vanaf die oorspronklike op 24 Junie 2018.
  7. 7,0 7,1 7,2 "Nepal's Profile at CricketArchive" (in Engels). CricketArchive. Geargiveer vanaf die oorspronklike op 1 April 2019. Besoek op 2 Mei 2005.
  8. 8,0 8,1 "Results of ICC Board meeting in Melbourne". Internasionale Krieketraad (in Engels). Geargiveer vanaf die oorspronklike op 2 Julie 2016. Besoek op 28 Junie 2014.
  9. 9,0 9,1 "Nepal, Netherlands get T20 international status". ESPNcricinfo (in Engels). 28 Junie 2014. Geargiveer vanaf die oorspronklike op 21 April 2020. Besoek op 26 Februarie 2020.
  10. "Nepal thrash PNG to secure ODI status". Internasionale Krieketraad (in Engels). 15 Maart 2018. Geargiveer vanaf die oorspronklike op 7 April 2019. Besoek op 26 Februarie 2020.
  11. "Historic moment for Nepal cricket: Rhinos get ODI status for first time in history". Online Khabar (in Engels). 15 Maart 2018. Geargiveer vanaf die oorspronklike op 13 November 2019. Besoek op 26 Februarie 2020.
  12. 12,0 12,1 12,2 "Nepal claim ODI status for the first time". ESPNcricinfo (in Engels). 15 Maart 2018. Geargiveer vanaf die oorspronklike op 29 April 2020. Besoek op 26 Februarie 2020.
  13. "Nepal looks to make case as neutral venue". ESPNcricinfo (in Engels). 15 Julie 2014. Geargiveer vanaf die oorspronklike op 23 Mei 2020. Besoek op 26 Februarie 2020.
  14. "All T20 matches between ICC members to get international status". Internasionale Krieketraad (in Engels). 26 April 2018. Geargiveer vanaf die oorspronklike op 3 November 2019. Besoek op 26 Februarie 2020.
  15. "Men's ODI Team Rankings" (in Engels). Internasionale Krieketraad. 15 Februarie 2020. Geargiveer vanaf die oorspronklike op 19 Mei 2020. Besoek op 26 Februarie 2020.
  16. "Men's T20I Team Rankings" (in Engels). Internasionale Krieketraad. 15 Februarie 2020. Geargiveer vanaf die oorspronklike op 11 Mei 2020. Besoek op 26 Februarie 2020.
  17. (en) Wright, Daniel, red. (1877). History of Nepal. Cambridge University Press. p. 74.
  18. 18,0 18,1 18,2 18,3 18,4 (en) Morgan, Roy (2007). The Encyclopedia of World Cricket. SportsBooks Ltd. ISBN 978-1-899807-51-2.
  19. "Pepsi ACC Trophy 1998" (in Engels). CricketArchive. Geargiveer vanaf die oorspronklike op 24 September 2015. Besoek op 2 Mei 2005.
  20. "Nepali Cricket: The Untold Story". Letzcricket (in Engels). Geargiveer vanaf die oorspronklike op 19 Julie 2019. Besoek op 26 Februarie 2020.
  21. (en) "Nepal re-admitted as ICC member". The Himalayan Times. Besoek op 26 Februarie 2020.
  22. "Big stage for two debutants" (in Engels). ESPNcricinfo. 15 Maart 2014. Geargiveer vanaf die oorspronklike op 21 Desember 2019. Besoek op 26 Februarie 2020.
  23. (en) "Nepal loses T20I status". República. Besoek op 19 Julie 2015. [dooie skakel]
  24. "ACC SCHOLARSHIPS CONTINUE FOR UMPIRES AND ANALYSTS" (in Engels). Asiatiese Krieketraad. Geargiveer vanaf die oorspronklike op 5 Maart 2016. Besoek op 26 Februarie 2020.
  25. "Hong Kong overcome Kami record" (in Engels). ESPNcricinfo. 24 November 2014. Geargiveer vanaf die oorspronklike op 23 Mei 2020. Besoek op 26 Februarie 2020.
  26. "Scorecard of Hong Kong v Nepal, Nepal tour of Sri Lanka 2014" (in Engels). ESPNcricinfo. 24 November 2014. Geargiveer vanaf die oorspronklike op 30 Desember 2019. Besoek op 26 Februarie 2020.
  27. "Highest score by a No. 10 batsman in Twenty20 International cricket" (in Engels). ESPNcricinfo. Geargiveer vanaf die oorspronklike op 19 Julie 2015. Besoek op 26 Februarie 2020.
  28. "Scorecard of Netherlands v Nepal, Nepal tour of Netherlands 2015" (in Engels). ESPNcricinfo. 3 Julie 2015. Geargiveer vanaf die oorspronklike op 23 Desember 2018. Besoek op 26 Februarie 2020.
  29. "Scorecard of Hong Kong v Nepal, ACC Trophy 2000" (in Engels). CricketArchive. Geargiveer vanaf die oorspronklike op 4 Maart 2016. Besoek op 2 Mei 2005.
  30. "ICC Trophy 2001" (in Engels). ESPNcricinfo. Geargiveer vanaf die oorspronklike op 23 Mei 2020. Besoek op 26 Februarie 2020.
  31. "Scorecard of Nepal v United Arab Emirates, ACC Trophy 2002" (in Engels). CricketArchive. Geargiveer vanaf die oorspronklike op 4 April 2018. Besoek op 2 Mei 2005.
  32. "Scorecard of Nepal v Bhutan, ACC Emerging Nations Tournament 2003" (in Engels). CricketArchive. Geargiveer vanaf die oorspronklike op 31 Mei 2019. Besoek op 2 Mei 2005.
  33. "Scorecard of Nepal v Malaysia, ICC Intercontinental Cup 2004" (in Engels). ESPNcricinfo. 25 April 2004. Geargiveer vanaf die oorspronklike op 7 April 2019. Besoek op 26 Februarie 2020.
  34. "Scorecard of Nepal v United Arab Emirates, ICC Intercontinental Cup 2004" (in Engels). ESPNcricinfo. 27 Maart 2004. Geargiveer vanaf die oorspronklike op 11 Februarie 2020. Besoek op 26 Februarie 2020.
  35. "ACC Fast Track Countries Tournament 2004" (in Engels). Asiatiese Krieketraad. Geargiveer vanaf die oorspronklike op 6 Maart 2016. Besoek op 26 Februarie 2020.
  36. "Scorecard of Nepal v Qatar, ICC World Cup Qualifying Series 2005" (in Engels). CricketArchive. Geargiveer vanaf die oorspronklike op 3 Maart 2016. Besoek op 2 Mei 2005.
  37. "Scorecard of Italy v Nepal, ICC World Cup Qualifying Series 2005" (in Engels). CricketArchive. Geargiveer vanaf die oorspronklike op 26 Desember 2014. Besoek op 2 Mei 2005.
  38. "ACC Fast Track Countries Tournament 2005 Points Table" (in Engels). Asiatiese Krieketraad. Geargiveer vanaf die oorspronklike op 5 Maart 2016. Besoek op 26 Februarie 2020.
  39. "Scorecard of Namibia v Nepal, ICC Intercontinental Cup 2006" (in Engels). CricketArchive. Geargiveer vanaf die oorspronklike op 3 Maart 2016. Besoek op 26 Maart 2006.
  40. "Nepal in Pakistan 2006" (in Engels). CricketArchive. Geargiveer vanaf die oorspronklike op 24 September 2015. Besoek op 10 Augustus 2006.
  41. "Scorecard of Myanmar v Nepal, ACC Trophy 2006" (in Engels). CricketArchive. Geargiveer vanaf die oorspronklike op 31 Julie 2019. Besoek op 20 Augustus 2006.
  42. (en) "The greatest mismatch in international history?". Cricket Europe. Besoek op 20 Augustus 2006. [dooie skakel]
  43. "Scorecard of Afghanistan v Nepal, ACC Trophy 2006" (in Engels). CricketArchive. Geargiveer vanaf die oorspronklike op 4 Maart 2016. Besoek op 25 Augustus 2006.
  44. "ACC Premier League 2006 Points Table" (in Engels). Asiatiese Krieketraad. Geargiveer vanaf die oorspronklike op 5 Maart 2016. Besoek op 26 Februarie 2020.
  45. "ACC Twenty20 Cup 2007" (in Engels). ESPNcricinfo. 2 November 2007. Geargiveer vanaf die oorspronklike op 26 Februarie 2020. Besoek op 26 Februarie 2020.
  46. "First bowler to take 10 wickets in a limited overs international" (in Engels). Guinness World Records. Geargiveer vanaf die oorspronklike op 30 Mei 2019. Besoek op 26 Februarie 2020.
  47. "Scorecard of Afghanistan v Nepal, WCL Division Five 2008" (in Engels). ESPNcricinfo. 30 Mei 2008. Geargiveer vanaf die oorspronklike op 1 Desember 2018. Besoek op 26 Februarie 2020.
  48. "Scorecard of Nepal v USA, WCL Division Five 2008" (in Engels). ESPNcricinfo. 31 Mei 2008. Geargiveer vanaf die oorspronklike op 5 Oktober 2018. Besoek op 26 Februarie 2020.
  49. "Scorecard of Nepal v UAE, ACC Trophy Elite 2008" (in Engels). ESPNcricinfo. 1 Augustus 2008. Geargiveer vanaf die oorspronklike op 15 Augustus 2018. Besoek op 26 Februarie 2020.
  50. "Scorecard of Afghanistan v Nepal, ACC Trophy Elite 2008" (in Engels). ESPNcricinfo. 2 Augustus 2008. Geargiveer vanaf die oorspronklike op 12 Desember 2018. Besoek op 26 Februarie 2020.
  51. "Scorecard of Nepal v Singapore, ACC T20 Cup 2009" (in Engels). ESPNcricinfo. 29 November 2009. Geargiveer vanaf die oorspronklike op 13 Oktober 2018. Besoek op 26 Februarie 2020.
  52. (en) "Playerspeak: Binod Bhandari Batsman". The Himalayan Times. Besoek op 9 Maart 2014. [dooie skakel]
  53. "Vishvakarma bowls Nepal to title" (in Engels). ESPNcricinfo. 27 Februarie 2010. Geargiveer vanaf die oorspronklike op 26 Februarie 2020. Besoek op 26 Februarie 2020.
  54. "Scorecard of Nepal v Fiji, WCL Division Five 2010" (in Engels). ESPNcricinfo. 24 Februarie 2010. Geargiveer vanaf die oorspronklike op 12 Februarie 2020. Besoek op 26 Februarie 2020.
  55. "Scorecard of Malaysia v Nepal, ACC Trophy Elite 2010" (in Engels). ESPNcricinfo. 7 April 2010. Geargiveer vanaf die oorspronklike op 26 Februarie 2020. Besoek op 26 Februarie 2020.
  56. "Scorecard of Afghanistan v Nepal, ACC Trophy Elite 2010" (in Engels). ESPNcricinfo. 9 April 2010. Geargiveer vanaf die oorspronklike op 26 Februarie 2020. Besoek op 26 Februarie 2020.
  57. "Scorecard of Nepal v Tanzania, WCL Division Four 2010" (in Engels). ESPNcricinfo. 21 Augustus 2010. Geargiveer vanaf die oorspronklike op 26 Februarie 2020. Besoek op 26 Februarie 2020.
  58. "Scorecard of Nepal v Sri Lanka, Asian Games 2010" (in Engels). ESPNcricinfo. 24 November 2010. Geargiveer vanaf die oorspronklike op 15 November 2019. Besoek op 26 Februarie 2020.
  59. "Scorecard of Nepal v Oman, ACC T20 Cup 2011" (in Engels). ESPNcricinfo. 10 Desember 2011. Geargiveer vanaf die oorspronklike op 26 Februarie 2020. Besoek op 26 Februarie 2020.
  60. "Scorecard of Kenya v Nepal, ICC World Twenty20 Qualifier 2012" (in Engels). ESPNcricinfo. 22 Maart 2012. Geargiveer vanaf die oorspronklike op 26 Februarie 2020. Besoek op 26 Februarie 2020.
  61. "Scorecard of Nepal v PNG, ICC World Twenty20 Qualifier 2012" (in Engels). ESPNcricinfo. 23 Maart 2012. Geargiveer vanaf die oorspronklike op 26 Februarie 2020. Besoek op 26 Februarie 2020.
  62. "Scorecard of Denmark v Nepal, ICC World Twenty20 Qualifier 2012" (in Engels). ESPNcricinfo. 14 Maart 2012. Geargiveer vanaf die oorspronklike op 26 Februarie 2020. Besoek op 26 Februarie 2020.
  63. "Scorecard of Nepal v USA, WCL Division Four 2012" (in Engels). ESPNcricinfo. 7 September 2012. Geargiveer vanaf die oorspronklike op 26 Februarie 2020. Besoek op 26 Februarie 2020.
  64. "Scorecard of Denmark v Nepal, WCL Division Four 2012" (in Engels). ESPNcricinfo. 9 September 2012. Geargiveer vanaf die oorspronklike op 26 Februarie 2020. Besoek op 26 Februarie 2020.
  65. "Scorecard of Malaysia v Nepal, WCL Division Four 2012" (in Engels). ESPNcricinfo. 6 September 2012. Geargiveer vanaf die oorspronklike op 26 Februarie 2020. Besoek op 26 Februarie 2020.
  66. (en) "WCL 4: Magical Shakti sets up big win". Krieket Nepal. 6 September 2012. Besoek op 6 September 2012. [dooie skakel]
  67. "Nepal crush USA in the final" (in Engels). ESPNcricinfo. 10 September 2012. Geargiveer vanaf die oorspronklike op 26 Februarie 2020. Besoek op 26 Februarie 2020.
  68. "Nepal, UAE share ACC Elite title after thrilling tie" (in Engels). ESPNcricinfo. 12 Oktober 2012. Geargiveer vanaf die oorspronklike op 26 Februarie 2020. Besoek op 26 Februarie 2020.
  69. "Scorecard of Kuwait v Nepal, ACC Trophy Elite 2012" (in Engels). ESPNcricinfo. 6 Oktober 2012. Geargiveer vanaf die oorspronklike op 26 Februarie 2020. Besoek op 26 Februarie 2020.
  70. "Scorecard of Nepal v UAE, ACC T20 Cup 2013" (in Engels). ESPNcricinfo. 2 April 2013. Geargiveer vanaf die oorspronklike op 26 Februarie 2020. Besoek op 26 Februarie 2020.
  71. "Scorecard of Nepal v Afghanistan, ACC T20 Cup 2013" (in Engels). ESPNcricinfo. 3 April 2013. Geargiveer vanaf die oorspronklike op 26 Februarie 2020. Besoek op 26 Februarie 2020.
  72. (en) "And the award goes to… the crowd!". Krieket Nepal. 6 April 2013. Besoek op 6 April 2013. [dooie skakel]
  73. "Airee, Vesawkar carry Nepal to Div 3 title" (in Engels). ESPNcricinfo. 5 Mei 2013. Geargiveer vanaf die oorspronklike op 26 Februarie 2020. Besoek op 26 Februarie 2020.
  74. "ACC Emerging Teams Cup 2013" (in Engels). Asiatiese Krieketraad. Geargiveer vanaf die oorspronklike op 22 Oktober 2019. Besoek op 26 Februarie 2020.
  75. (en) "Nepal signs off with third-place finish". Internasionale Krieketraad. Besoek op 30 November 2013. [dooie skakel]
  76. (en) "Nepal enters ICC World Twenty20 with thrilling win". Internasionale Krieketraad. Besoek op 27 November 2013. [dooie skakel]
  77. "Scorecard of Nepal v Uganda, World Cup Qualifier 2014" (in Engels). ESPNcricinfo. 28 Januarie 2014. Geargiveer vanaf die oorspronklike op 17 Mei 2020. Besoek op 26 Februarie 2020.
  78. "Scorecard of Hong Kong v Nepal, ICC World Twenty20 2014" (in Engels). ESPNcricinfo. 16 Maart 2014. Geargiveer vanaf die oorspronklike op 14 Mei 2017. Besoek op 26 Februarie 2020.
  79. "Scorecard of Bangladesh v Nepal, ICC World Twenty20 2014" (in Engels). ESPNcricinfo. 18 Maart 2014. Geargiveer vanaf die oorspronklike op 26 Februarie 2020. Besoek op 26 Februarie 2020.
  80. "Scorecard of Afghanistan v Nepal, ICC World Twenty20 2014" (in Engels). ESPNcricinfo. 20 Maart 2014. Geargiveer vanaf die oorspronklike op 26 Februarie 2020. Besoek op 26 Februarie 2020.
  81. (en) "Two wins a great achievement for Nepal: Khadka". Internasionale Krieketraad. Besoek op 20 Maart 2014. [dooie skakel]
  82. (en) "Most extras conceded by a team in WT20 2014". NDTV. Besoek op 26 Februarie 2020.
  83. "Most runs conceded by a team in WT20 2014" (in Engels). ESPNcricinfo. Geargiveer vanaf die oorspronklike op 1 April 2019. Besoek op 26 Februarie 2020.
  84. (en) "Khakurel stars as Nepal beats UAE". Internasionale Krieketraad. Besoek op 1 Mei 2014. [dooie skakel]
  85. "Nepal qualify for two-day event" (in Nepalees). ekantipur.com. Geargiveer vanaf die oorspronklike op 1 Julie 2015. Besoek op 26 Februarie 2020.
  86. (en) "Asian Games: Afghanistan ends Nepal's medal hopes". Cricketlok. Besoek op 1 Oktober 2014. [dooie skakel]
  87. "Pun, Malla and Budhaayer shine as Nepal wins Pepsi ICC World Cricket League Division 3" (in Engels). Internasionale Krieketraad. Geargiveer vanaf die oorspronklike op 2 Julie 2016. Besoek op 30 Oktober 2014.
  88. "Scorecard of Nepal v Singapore, WCL Division Three 2014" (in Engels). ESPNcricinfo. 26 Oktober 2014. Geargiveer vanaf die oorspronklike op 26 Februarie 2020. Besoek op 26 Februarie 2020.
  89. "HONG KONG AND NEPAL TOUR SRI LANKA" (in Engels). Asiatiese Krieketraad. 8 Oktober 2014. Geargiveer vanaf die oorspronklike op 9 Desember 2019. Besoek op 26 Februarie 2020.
  90. "Scorecard of Kurunegala Combined XI v Nepal, Nepal tour of Sri Lanka 2014" (in Engels). ESPNcricinfo. 9 November 2014. Geargiveer vanaf die oorspronklike op 26 Februarie 2020. Besoek op 26 Februarie 2020.
  91. "Scorecard of Sri Lanka Cricket Combined XI v Nepal, Nepal tour of Sri Lanka 2014" (in Engels). ESPNcricinfo. 14 November 2014. Geargiveer vanaf die oorspronklike op 26 Februarie 2020. Besoek op 26 Februarie 2020.
  92. "Scorecard of 3rd Place Playoff: Kenya v Nepal, WCL Division Two 2015" (in Engels). ESPNcricinfo. 24 Januarie 2015. Geargiveer vanaf die oorspronklike op 19 April 2020. Besoek op 26 November 2014.
  93. (en) "Kenya and Nepal will take their places in the ICC World Cricket League Championship". Internasionale Krieketraad. Besoek op 28 Januarie 2015. [dooie skakel]
  94. "Redemption for Netherlands, regret for Nepal" (in Engels). ESPNcricinfo. Geargiveer vanaf die oorspronklike op 26 Februarie 2020. Besoek op 26 Februarie 2020.
  95. "WCL Division Two 2015 Points Table" (in Engels). ESPNcricinfo. Geargiveer vanaf die oorspronklike op 26 Februarie 2020. Besoek op 26 Februarie 2020.
  96. (en) "Regmi completes 100 wickets in WCL". The Himalayan Times. Besoek op 18 Januarie 2015.
  97. "Emotions run high at Hughes tribute match in Nepal" (in Engels). Cricket Australia. 11 April 2015. Geargiveer vanaf die oorspronklike op 26 Februarie 2020. Besoek op 26 Februarie 2020.
  98. "ICC World Twenty20 Qualifier 2015 Points Table" (in Engels). ESPNcricinfo. Geargiveer vanaf die oorspronklike op 26 Februarie 2020. Besoek op 26 Februarie 2020.
  99. (en) "Nepal ends sandesh league phase with three points from six matches, is out of qualification race for World T20 2016". Internasionale Krieketraad. Besoek op 18 Julie 2015. [dooie skakel]
  100. "Khadka: 'We want to become a Test nation'". Internasionale Krieketraad (in Engels). 17 Maart 2018. Geargiveer vanaf die oorspronklike op 1 April 2019. Besoek op 26 Februarie 2020.
  101. "Zimbabwe and Nepal readmitted as ICC members". ESPNcricinfo (in Engels). 14 Oktober 2019. Geargiveer vanaf die oorspronklike op 22 Oktober 2019. Besoek op 26 Februarie 2020.
  102. "Nepal batsman Kushal Malla tops Sachin Tendulkar and Shahid Afridi as he breaks record". The National (in Engels). Geargiveer vanaf die oorspronklike op 18 Maart 2020. Besoek op 26 Februarie 2020.
  103. "Nepal bowl USA out for joint-lowest total in ODI history after Lamichhane career-best haul". India Today (in Engels). Geargiveer vanaf die oorspronklike op 13 Februarie 2020. Besoek op 26 Februarie 2020.

Eksterne skakels[wysig | wysig bron]