Verenigde Arabiese Emirate nasionale krieketspan

in Wikipedia, die vrye ensiklopedie
Jump to navigation Jump to search
Verenigde Arabiese Emirate
Flag of the United Arab Emirates.svg
KonferensieEmiratiese Krieketraad
Personeel
KapteinAhmed Raza
AfrigterVlag van Skotland Dougie Brown
Internasionale Krieketraad
IKR-statusAssosiaatlid met EDI-status (1990)
IKR-streekAKR (Asië)
IKR-ranglys Tans[1] Beste rang tot dusver
EDI18de14de
T20I15de11de (op 21 Oktober 2019)
Internasionale eendagwedstryde
Eerste EDIt Vlag van Indië Indië op Sharjah-krieketstadion, Sharjah; 13 April 1994
Laaste EDIt Vlag van Namibië Namibië op Al Amerat-krieketstadion, Maskat; 9 Januarie 2020
EDIs Gespeel Gewen/Verloor
Totaal[2]5917/42
(0 gelykop, 0 geen uitslag)
Vanjaar[3]32/1
(0 gelykop, 0 geen uitslag)
verskynings tydens wêreldbeker-toernooie2 (eerste in 1996)
Beste uitslagGroepfase (in 1996 en 2015)
verskynings tydens wêreldbeker-kwalifiserings7 (eerste in 1994)
Beste uitslagKampioen (in 1994)
Twintig20s
Eerste T20It Vlag van Nederland Nederland op Kingsmead, Sylhet; 17 Maart 2014
Laaste T20It Vlag van Saoedi-Arabië Saoedi-Arabië op Al Amerat-krieketstadion, Maskat; 25 Februarie 2020
T20Is Gespeel Gewen/Verloor
Totaal[4]4722/24
(0 onbeslis, 1 geen uitslag)
Vanjaar[5]33/0
(0 onbeslis, 0 geen uitslag)
Verskynings by T20-wêreldbeker-toernooie1 (eerste in 2014)
Beste uitslagGroepfase (in 2014)
Verskynings by T20-wêreldbeker-kwalifiserings4 (eerste in 2010)
Beste uitslag3de plek (in 2010)
EDI- en T20I-klere

Die Verenigde Arabiese Emirate nasionale krieketspan (Arabies: فريق الإمارات الوطني للكريكيت) is die nasionale krieketspan van die Verenigde Arabiese Emirate (VAE). Hulle word deur die Emiratiese Krieketraad (ECB, van Engels: Emirates Cricket Board) bestuur wat in 1989 ’n geaffilieerte lid van die Internasionale Krieketraad (IKR) en een jaar later ’n assosiaatlid geword het.[6] Sedert 2005 is die IKR se administratiewe kantore in Doebai gesetel, terwyl die hoofkantoor nog steeds op Lord’s in Londen is.

Die VAE is een van die opkomende EDI-spanne;[7] hulle het die AKR-trofee tussen 2000 en 2006 vier keer agtereenvolgens gewen, en was ook naaswenners by drie ander geleenthede (in 1996, 1998 en 2008) sedert die toernooi se afskop.[8]

Hulle het die IKR-krieketwêreldbekerkwalifikasie in 1994 gewen en aan die Krieketwêreldbeker 1996 deelgeneem. Ander EDI-wedstryde is tydens die Asiatiese beker in 2004 en 2008 gespeel. Tydens die Krieketwêreldbekerkwalifikasie het hulle tweede na Skotland geëindig en sodoende vir die Krieketwêreldbeker 2015 gekwalifiseer en EDI-status tot in 2018 verkry.[9]

Krieket word in die Verenigde Arabiese Emirate oorwegend deur emigrante uit beide Indië en Pakistan (en hul nasate) gespeel, maar minder deur inheemse Emiratis. So het die VAE se krieketspan die IKR-krieketwêreldbekerkwalifikasie in 1994 met net een gekeurde inheemse speler, die kaptein Sultan Zarawani, gewen, nadat hulle Kenia in die eindstryd geklop het. Beide die Keniaanse spelers en die Krieketraad het hul misnoeë oor dié saamgestelde span getoon en dit as ’n span van ingevoerde huursoldate beskryf.[7]

In April 2018 het die IKR besluit om aan al sy lede volle Twintig20-status toe te ken. Vervolgens sal elke T20-wedstryd wat die Verenigde Arabiese Emirate ná 1 Januarie 2019 teen ander IKR-lede speel, as volle T20I erken word.[10] Die Verenigde Arabiese Emirate is tans (25 Februarie 2020) 18de op die eendagranglys, en 15de op die Twintig20-wêreldranglys.[11][12]

Geskiedenis[wysig | wysig bron]

Vroeë dae[wysig | wysig bron]

In 1892 het die Verenigde Koninkryk verantwoordelikheid vir die sjeikdome langs die Persiese Golf oorgeneem, en krieket is deur die Britse Weermag in die hedendaagse VAE ingevoer, wat destyds as "Verdragslande" bekend gestaan het. Dié spel het gedurende die Tweede Wêreldoorlog versprei, nadat personeel van die Britse Lugmag en ander Britse Statebondmagte (insluitende eersterangse en klubspelers uit Australië, Nieu-Seeland en Suid-Afrika) in stede soos Ajman, Al Ain, Doebai en Sharjah gestasioneer is en hulle hul gunstelingtydverdryf uitgeoefen het. Die kolfblaaie wat hulle rondom die lugmagbasis in Sharjah opgerig het, is ná die einde van die Wêreldoorlog deur Britte en ander buitelandse personeel verder gebruik.[7]

Inwoners van Sharjah het teen inwoners van Doebai in plaaslike derbies, wat in Doebai aangebied is, begin speel. Die tuinstad van Al Ain beskik oor die oudste krieketraad in die hele VAE. Die sport se gewildheid het ná die onafhanklikheidwording van die VAE in 1971 afgeneem; maar nadat Suid-Asiate hulle in dié land begin vestig het, het hulle hul wens saamgeneem om krieket te speel. Die plaaslike Arabiese bevolking, wat in Indië en Pakistan opgevoed is, het die nodige infrastruktuur opgerig en plaaslike toernooie is in die 1980’s van stapel gestuur.[7]

Vorming van die nasionale span[wysig | wysig bron]

Die Sharjah-krieketstadion het al 200 EDI-wedstryde en en vier toetskrieketwedstryde aangebied

Die eerste wedstryd van die VAE se nasionale span is in Februarie 1976 teen die Pakistanse Internasionale Lugdiens in Sharjah gespeel. Die toeriste het 345/5 tydens hul 50 boulbeurte aangeteken en die VAE was op 88/4 ná 28 boulbeurte, toe dié wedstryd weens reën afgelas is.[7]

Ryk inwoners het in die sport begin beleë en ’n internasionale krieketveld is in Sharjah opgerig. Die Sharjah-krieketstadion het sy eerste internasionale toernooi in 1984 aangebied, toe Indië, Pakistan en Sri Lanka die Asiatiese beker uitgespeel het. Dié stadion het al 200 EDI-wedstryde[13] en vier toetskrieketwedstryde aangebied,[14] die toetswedstryde is weens veiligheidskwessies in Pakistan na dié stadion verskuif.[7]

Die Emiratiese Krieketraad (EKR) is in 1989 gestig[7] en het later dié jaar ’n geaffilieerde lid van die IKR geword. Hulle het vinnig assosiaatlidstatus die volgende jaar verkry.[6] In 1990 het die nasionale span twee keer duidelik teen Nederland verloor. Hierdie nederlae het verduidelik dat die VAE nog baie moes doen om tydens die IKR-trofee in 1994 suksesvol te wees, en die EKR het toe ’n omstrede beleid goedgekeur.[7]

IKR-trofee in 1994[wysig | wysig bron]

Ten einde van ’n suksesvolle nasionale span tydens die toernooi in Kenia, het die EKR verskeie spelers met eersterangse ervaring in Indië, Pakistan en Sri Lanka betrek om ’n werkgeleentheid in dié land te vat, sodat hulle aan die residensiële vereistes voldoen om die VAE tydens die toernooi te verteenwoordig.[7]

Met net een inheemse Arabier in die vorm van Sultan Zarawani, wat die span aangevoer het, het die VAE die trofee ingepalm en vervolgens vir die Krieketwêreldbeker 1996 gekwalifiseer.[7] Die VAE het Kenia in die eindstryd verslaan,[15] beide die Keniaanse spelers en krieketraad was baie kwaad oor die feit dat hulle verslaan is deur ’n span wat hulle en ander waarnemers as ’n span van ingevoerde huursoldate beskryf het.[7] Terwyl die IKR taamlik stil gebly het oor dié kontroversie, is die nasionale span se vereistes vir geskiktheid vir alle toekomstige IKR-toernooie skerp verhoog.[7]

Eerste EDI-wedstryde[wysig | wysig bron]

Die VAE het in 1994 hul eerste EDI-wedstryd gespeel, toe hulle teen Indië en Pakistan tydens die Australasiatiese beker te staan gekom het, wat in die VAE aangebied is.[16] Hulle het laaste geëindig tydens ’n driehoekige reeks teen Kenia en Nederland in dieselfde jaar en ook in 1995 laaste tydens ’n toernooi teen die A-spanne van Indië, Pakistan en Sri Lanka. Hulle het tydens die Krieketwêreldbeker 1996 weer EDI-krieket gespeel, maar alle wedstryde behalwe vir dié teen Nederland verloor, laasgenoemde was die eerste EDI-wedstryd tussen twee assosiaatlede van die IKR.[6]

Later in 1996 het die VAE as naaswenners na Bangladesj tydens die eerste AKR-trofee geëindig. Weens die verhoogde vereistes vir geskiktheid was die VAE nie in staat om hul sukses van 1994 te herhaal nie, hulle het tydens die IKR-trofee in 1997 in Maleisië egter op die tiende plek geëindig.[6] Die VAE is tydens die halfeindstryd van die AKR-trofee in 1998 deur Bangladesj verslaan.[17]

21ste eeu[wysig | wysig bron]

2000–2009[wysig | wysig bron]

Nadat Bangladesj in 2000 ’n volle lid van die IKR geword het, het die VAE begin om homself as die beste assosiaatlid in Asië te vestig, alhoewel hulle dikwels nie teen die beste assosiaatlede van Europa en Noord-Amerika kon meeding nie, ’n plek wat hulle tot vandag toe beklee.[7] Hulle het die AKR-trofee in 2000 en 2002 ingepalm, nadat hulle Hongkong en Nepal in die onderskeidelike eindstryde verslaan het, maar eindig tydens die IKR-trofee 2001 in Kanada op die vyfde plek.[6]

Die VAE het die Sesnasies-uitdaging 2004 aangebied en volgens punte gelykop met vier ander spanne vyfde geëindig. Dié jaar was ’n besige een vir die VAE se krieketspelers, nadat hulle die eerste Interkontinentale bekerwedstryd teen Nepal gespeel het, waartydens Ali Asad nege paaltjies in die eerste beurt geneem het. Hulle het later Maleisië in dieselfde toernooi verslaan, maar teen Kanada in die halfeindstryd verloor. Die VAE het ook die AKR-trofee opnuut ingepalm, nadat hulle Oman in die eindstryd geklop het. Hulle het weer EDI-krieket begin speel, maar teen beide Indië en Sri Lanka in die eerste rondte van die Asiatiese beker verloor, en vierde geëindig tydens die Hongkong Sixes, nadat hulle Indië en Suid-Afrika verslaan het.[6]

Die VAE het in 2005 weer die eindstryd van die Interkontinentale beker gemaak, en ook ’n reeks teen Engeland A in Sharjah gespeel, maar al die vier wedstryde verloor.[6] Tydens die IKR-trofee 2005 in Ierland het hulle sesde geëindig.[18] Die VAE het Hongkong tydens die eindstryd van die AKR-beker 2006 verslaan, maar hul Interkontinentale bekerveldtog met ’n beurtnederlaag teen Namibië afgeskop. Dié veldtog is met ’n gelykop teen Skotland en ’n nederlaag teen Ierland, weer met ’n beurt, voortgesit. Hulle eindig vierde tydens die eerste AKR se T20-beker in 2007.[6]

Die VAE se veldtog tydens die Interkontinentale beker 2007-08 was onsuksesvol, nadat hulle net een oorwinning teen Bermuda tydens hul sewe wedstryd kon aanteken.[19] Hulle het tydens die afdeling twee van die Wêreldkrieketliga 2007 in Windhoek heelwat beter gevaar, nadat hulle dié toernooi met ’n oorwinning oor Oman in die eindstryd gewen het.[20]

Die VAE het in 2008 weer aan die Asiatiese beker deelgeneem, maar in die eerste rondte teen beide Bangladesj en Sri Lanka verloor.[21] Hul AKR-trofee-elite in 2008 het met ’n verrassende nederlaag teen Saoedi-Arabië afgeskop, hul eerste AKR-trofee-nederlaag sedert dié in die halfeindstryd in 1998.[17] Die VAE het teen Hongkong in die eindstryd verloor, wat hul reeks van vier agtereenvolgende titels beëindig het.[8]

Die VAE het die AKR se T20-beker in 2009 aangebied en as naaswenners geëindig, nadat hulle in die eindstryd deur Afghanistan verslaan is; tydens dié toernooi het die VAE vier groepwedstryde en die halfeindstryd teen Oman gewen.[22]

2010–hede[wysig | wysig bron]

Wedstryd tussen Indië en die Verenigde Arabiese Emirate tydens die Krieketwêreldbeker 2015 in Perth, Australië

In Oktober 2010 het die span bekendgemaak dat hulle Kabir Khan as afrigter aangestel het. Khan het tydens sy ampstermyn van een jaar ’n groot sukses met die Afghaanse span behaal, toe hulle EDI-status verkry het. Kabir Khan het ook beweer dat sy doel is om die VAE na die T20-wêreldbeker in 2012 te neem.[23]

In April 2011 het die VAE afdeling twee van die Wêreldkrieketliga aangebied en ook gewen, sonder om ’n wedstryd te verloor.[24] In Junie/Julie 2011 het hulle teen Kenia in Nairobi vir die eerste rondte van die Interkontinentale beker 2011–13 gespeel. In Desember 2011 het die VAE aan die AKR se T20-beker in Nepal deelgeneem.[25] In 2013 het hulle na Skotland vertrek om aan die Krieketwêreldbekerkwalifisering 2013, die laaste fase van die WêreldKrieketliga 2009–13, deel te neem.[26]

Die VAE het tydens die AKR se T20-beker in 2013 derde geëindig, nadat hulle in die uitspeelwedstryd om die derde plek Hongkong geklop het. In November dieselfde jaar het hulle die T20-wêreldbekerkwalifisering 2013 aangebied en vierde geëindig, nadat hulle in die uitspeelwedstryd om die derde plek deur Nepal verslaan is, en vir die T20-wêreldbeker 2014 gekwalifiseer, nadat hulle Nederland met 10 lopies in die kwarteindstryd verslaan het.

Die VAE het aan die T20-wêreldbeker in 2014 deelgeneem, maar kon tydens dié toernooi nie een oorwinning aanteken nie. Hulle het tydens die AKR se Premierliga in 2014 tweede geëindig en sodoende vir die AKR-kampioenskap 2014 gekwalifiseer. Hulle het ook vir die Krieketwêreldbeker 2015 in Australië en Nieu-Seeland gekwalifiseer.

Die VAE het ná ’n afwesigheid van amper 20 jaar weer aan ’n krieketwêreldbekertoernooi deelgeneem. In teenstelling met ander deelnemende spanne het hul span veral halfprofessionele spelers ingesluit.[27] Dié span het hul hoogste EDI-telling tydens die Krieketwêreldbeker 2015 in ’n groepwedstryd teen Zimbabwe in Nelson aangeteken.[28][29] Hulle het egter nie daarin geslaag om ’n oorwinning aan teken nie en is ná ses nederlae in ses wedstryde in Groep B uit die toernooi uitgeskakel.[30]

Rekords[wysig | wysig bron]

Wêreldbekerrekord[wysig | wysig bron]

Jaar Uitslag
1975 Nie toegelaat nie
1979 Nie toegelaat nie
1983 Nie toegelaat nie
1987 Nie toegelaat nie
1992 Nie deelgeneem nie
1996 Groepfase
1999 Nie gekwalifiseer nie
2003 Nie gekwalifiseer nie
2007 Nie gekwalifiseer nie
2011 Nie gekwalifiseer nie
2015 Groepfase
2019 Nie gekwalifiseer nie
2023 N.v.t.

Twintig20-rekord[wysig | wysig bron]

Jaar Uitslag
2007 Nie gekwalifiseer nie
2009 Nie gekwalifiseer nie
2010 Nie gekwalifiseer nie
2012 Nie gekwalifiseer nie
2014 Groepfase
2016 Nie gekwalifiseer nie
2020 Nie gekwalifiseer nie
2021 N.v.t.

Verwysings[wysig | wysig bron]

  1. (en) "ICC Rankings". Internasionale Krieketraad.
  2. (en) "ODI matches – Team records". ESPNcricinfo.
  3. (en) "ODI matches – 2020 Team records". ESPNcricinfo.
  4. (en) "T20I matches – Team records". ESPNcricinfo.
  5. (en) "T20I matches – 2020 Team records". ESPNcricinfo.
  6. 6,0 6,1 6,2 6,3 6,4 6,5 6,6 6,7 "A Timeline of UAE cricket" (in Engels). CricketEurope. Geargiveer vanaf die oorspronklike op 9 Julie 2012.
  7. 7,00 7,01 7,02 7,03 7,04 7,05 7,06 7,07 7,08 7,09 7,10 7,11 7,12 (en) Roy Morgan (2007). Encyclopedia of World Cricket. Sportsbooks Publishing. ISBN 978-1-899807-51-2.
  8. 8,0 8,1 "Telkaart van Hongkong t VAE" (in Engels). CricketArchive. 3 Augustus 2008. Geargiveer vanaf die oorspronklike op 1 Junie 2020.
  9. "Scotland and UAE battle lock horns in final of ICC CWCQ 2014". Internasionale Krieketraad (in Engels). 31 Januarie 2014. Geargiveer vanaf die oorspronklike op 6 Maart 2014. Besoek op 31 Januarie 2014.
  10. "All T20 matches between ICC members to get international status". Internasionale Krieketraad (in Engels). 26 April 2018. Geargiveer vanaf die oorspronklike op 19 Mei 2020. Besoek op 25 Februarie 2020.
  11. "Men's ODI Team Rankings" (in Engels). Internasionale Krieketraad. 15 Februarie 2020. Geargiveer vanaf die oorspronklike op 8 Junie 2020. Besoek op 25 Februarie 2020.
  12. "Men's T20I Team Rankings" (in Engels). Internasionale Krieketraad. 15 Februarie 2020. Geargiveer vanaf die oorspronklike op 11 Mei 2020. Besoek op 25 Februarie 2020.
  13. "One-Day International Matches played on Sharjah-krieketstadion" (in Engels). CricketArchive. Geargiveer vanaf die oorspronklike op 28 Januarie 2020.
  14. "Test Matches played at Sharjah-krieketstadion" (in Engels). CricketArchive. Geargiveer vanaf die oorspronklike op 28 Januarie 2020.
  15. "Telkaart van Kenia t VAE" (in Engels). CricketArchive. 6 Maart 1994. Geargiveer vanaf die oorspronklike op 3 November 2019.
  16. "The star who turned traitor". ESPNcricinfo (in Engels). Geargiveer vanaf die oorspronklike op 13 April 2020. Besoek op 25 Februarie 2020.
  17. 17,0 17,1 "Saudis stun champions" (in Engels). CricketEurope. 25 Julie 2008. Geargiveer vanaf die oorspronklike op 3 Maart 2016.
  18. "Telkaart van Nederland t VAE" (in Engels). CricketArchive. 11 Julie 2005. Geargiveer vanaf die oorspronklike op 1 Junie 2020.
  19. "2007–08 ICC Intercontinental Cup" (in Engels). CricketEurope. Geargiveer vanaf die oorspronklike op 20 Junie 2007.
  20. "Telkaart van Oman t VAE" (in Engels). CricketArchive. 1 Desember 2007. Geargiveer vanaf die oorspronklike op 1 Junie 2020.
  21. "2008 Asia Cup Points Table" (in Engels). CricketArchive. Geargiveer vanaf die oorspronklike op 1 Junie 2020.
  22. "ACC Twenty20 Cup" (in Engels). Asian Cricket. Geargiveer vanaf die oorspronklike op 14 November 2019. Besoek op 25 Februarie 2020.
  23. "Kabir Khan to coach UAE" (in Engels). ESPNcricinfo. 2 Oktober 2010. Geargiveer vanaf die oorspronklike op 28 Januarie 2020. Besoek op 25 Februarie 2020.
  24. "ICC World Cricket League Division Two". ESPNcricinfo (in Engels). Geargiveer vanaf die oorspronklike op 28 Januarie 2020. Besoek op 25 Februarie 2020.
  25. "ACC Twenty20 Cup 2011" (in Engels). Asian Cricket. Geargiveer vanaf die oorspronklike op 17 Desember 2019. Besoek op 25 Februarie 2020.
  26. "World Cricket Liga" (in Engels). Cricket Europe]. Geargiveer vanaf die oorspronklike op 21 September 2012. Besoek op 14 Mei 2011.
  27. "Zimbabwe v UAE Preview, Match 8, Nelson" (in Engels). Internasionale Krieketraad. 18 Februarie 2015. Geargiveer vanaf die oorspronklike op 19 Februarie 2015. Besoek op 19 Februarie 2015.
  28. Jurejko, Jonathan (19 Februarie 2015). "Cricket World Cup 2015: Zimbabwe avoid UAE loss" (in Engels). BBC. Geargiveer vanaf die oorspronklike op 13 Maart 2016. Besoek op 25 Februarie 2020.
  29. Monga, Sidharth (19 Februarie 2015). "Williams, Ervine ruin UAE's spirited comeback" (in Engels). ESPNcricinfo. Geargiveer vanaf die oorspronklike op 1 Junie 2020. Besoek op 25 Februarie 2020.
  30. "Standings / Cricket World Cup 2015 – ICC Cricket / Official Website". Internasionale Krieketraad (in Engels). Geargiveer vanaf die oorspronklike op 2 Desember 2016. Besoek op 18 Maart 2015.

Eksterne skakels[wysig | wysig bron]