Namibiese nasionale krieketspan

in Wikipedia, die vrye ensiklopedie
Jump to navigation Jump to search
Namibië
Flag of Namibia.svg
BynaamArende
KonferensieKrieket Namibië
Personeel
EDI-kapteinGerhard Erasmus
T20I-kapteinGerhard Erasmus
AfrigterPierre de Bruyn
Internasionale Krieketraad
IKR-statusAssosiaatlid met EDI-status (1992)
IKR-streekAKV (Afrika)
IKR-ranglys Tans [1] Beste rang tot dusver
EDI18de15de
T20I19de15de
Internasionale eendagwedstryde
Eerste EDIt Vlag van Zimbabwe Zimbabwe op Harare Sportklub, Harare; 10 Februarie 2003
Laaste EDIt Vlag van Verenigde Arabiese Emirate Verenigde Arabiese Emirate op Al Amerat-krieketstadion, Al Amarat; 9 Januarie 2020
EDIs Gespeel Gewen/Verloor
Totaal [2]145/9
(0 gelykop, 0 geen uitslag)
Vanjaar [3]31/2
(0 gelykop, 0 geen uitslag)
wêreldbekerverskynings1 (eerste in 2003)
Beste uitslagGroepfase (in 2003)
Wêreldbekerkwalifikasieverskynings6 (eerste in 1994)
Beste uitslagNaaswenner (in 2001)
Twintig20s
Eerste T20It Vlag van Ghana Ghana op Kyambogo-krieketovaal, Kampala; 20 Mei 2019
Laaste T20It Vlag van Ierland Ierland op Doebai Internasionale Krieketstadion, Doebai; 2 November 2019
T20Is Gespeel Gewen/Verloor
Totaal [4]1612/4
(0 onbeslis, 0 geen uitslag)
Vanjaar [5]00/0
(0 onbeslis, 0 geen uitslag)
Beste uitslagDerde plek (in 2012)
EDI-klere

Die Namibiese nasionale krieketspan, met die bynaam "die Arende",[6] verteenwoordig Namibië in die spel van krieket en word geadministreer deur die Namibiese Krieketraad, ook bekend as Cricket Namibia. Namibië is sedert 1992 ’n assosiaatlid van die Internasionale Krieketraad (IKR),[7] en het in 2007 by die Hoëprestasieprogram aangesluit.[8] Namibië het aan die Krieketwêreldbeker 2003 in Suid-Afrika deelgeneem, maar al sy wedstryde verloor.[9] Hulle het tot dusver aan elke Interkontinentale Bekertoernooi deelgeneem.

In onlangse jare het Namibiese krieket ’n sterk vordering gesien, veral danksy die groot invloed van die krieketnasie Suid-Afrika. Krieket is waarskynlik deur Suid-Afrika na die destydse mandaatgebied Suidwes-Afrika gebring en het daar gewildheid onder die bevolking verwerf, veral in die suide van dié land en rondom Windhoek, maar ook Namibië se nabyheid aan Suid-Afrika het gehelp om die spel in Namibië te laat ontwikkel. Namibië word tans as tweede beste span in Afrika, na die Suid-Afrikaanse Proteas en nog voor die toetsnasie Zimbabwe, beskou.[10] Vername Namibiese krieketspelers sluit in Neil Rossouw en Pieter Rossouw.

In April 2018 het die IKR besluit om aan al sy lede volle Twintig20-status toe te ken. Vervolgens sal elke T20-wedstryd wat Namibië ná 1 Januarie 2019 teen ander IKR-lede speel, as volle T20I erken word.[11] Namibië is tans (21 Januarie 2020) 18de op die eendagranglys, en 19de op die Twintig20-wêreldranglys.[12][13]

Geskiedenis[wysig | wysig bron]

Beginjare[wysig | wysig bron]

Die eerste amptelike krieketwedstryd in die destydse Suidwes-Afrika is in 1915 tussen Suid-Afrikaanse soldate en ’n plaaslike span uit Otjiwarongo gespeel. As gevolg van die Suid-Afrikaanse besetting het krieket tot ’n professionele sport begin ontwikkel. In 1958 is die eerste internasionale wedstryde teen Suid-Afrika gespeel. Teen 1960 is die Suidwes-Afrikaanse Krieketunie gestig. Tussen 1962 en 1989 is 130 wedstryde teen die Suid-Afrikaanse provinsies gespeel, waarvan Suidwes-Afrika 31 gewen het. In 1989 is die Namibiese Krieketraad amptelik gestig.[14]

Op die Namibiese Onafhanklikheidsdag, 21 Maart 1990, en die daaropvolgende dae het Gloucestershire teen die eerste saamgestelde Namibiese nasionale krieketspan gespeel, wat Namibië drie keer kon wen. Namibië het ook die volgende wedstryde teen Nederland gewen. Die Namibiese Krieketraad het in 1990/1992 by die Internasionale Krieketraad aangesluit. Die span kon egter nie kwalifiseer vir die Krieketwêreldbeker in 1992 nie omdat hulle te laat onafhanklikheid verkry het.

Namibië het in 1994 sy eerste deur die IKR erkende wedstryde tydens internasionale toernooie gespeel. Hulle kon tydens hul eerste toernooi, die IKR-trofee in Kenia in 1994 hul eerste trofee wen, die Philip Snow-trofee. Drie jaar later het die Namibiese span egter in Maleisië teleurgesteld. Namibië het in 1994 vir die eerste keer aan ’n kwalifikasie vir ’n krieketwêreldbekertoernooi deelgeneem, maar net die negende plek behaal, te min om vir die Krieketwêreldbeker 1996 te kwalifiseer. Namibië het ook die volgende Krieketwêreldbeker 1999 misgeloop.

Krieketwêreldbeker 2003[wysig | wysig bron]

Die pad tot die Krieketwêreldbeker 2003 in Suid-Afrika het met die 2001 se IKR-trofee in Kanada begin. Namibië het die eindstryd in Toronto gemaak, maar teen Nederland verloor; as naaswenner het hulle daarin geslaag om vir hul eerste krieketwêreldbekertoernooi te kwalifiseer.[15] Namibië het toe die IKR sesnasiesuitdaging in April 2002 gehuisves en vierde geëindig.[16] Namibië het ’n teleurstellende Afrikabeker-veldtog in daardie September gehad, nadat hulle vierde in hul groep eindig en net Tanzanië kon klop,[17] en hulle het enkele weke later vier wedstryde teen ’n Zimbabwe A verloor.[18] ’n Toer na Kenia direk ná die Zimbabwiese toer was meer suksesvol, nadat Namibië Kenia in ’n EDI-reeks van vier wedstryde kon klop.[19] Vervolgens het Namibië aan die boonste vlak van Suid-Afrikaanse plaaslike EDI-krieket deelgeneem, die Standard Bank-beker, maar het al sy vier wedstryde verloor.[20] Bangladesj het in Januarie 2003 na Namibië getoer, en die vyf-wedstrydreeks met 4–1 gewen.[21]

Die Krieketwêreldbeker 2003 het op 10 Februarie 2003 in Harare afgeskop met Zimbabwe wat Namibië met 86 lopies kon klop.[22]

Terug in Suid-Afrika het Namibië teen Pakistan met 171 lopies verloor,[23] voordat hulle met 55 lopies deur Engeland geklop is, maar goed kon meeding, met Jan-Berrie Burger wat as speler van die wedstryd aangewys is vir sy beurt van 85 wat Namibië amper gehelp het om ’n onwaarskynlike verrassing te behaal.[24] Namibië het toe met 181 lopies teen Indië[25] en 256 lopies teen Australië,[26] die latere kampioen van dié toernooi,[27] destyds die hoogste telling in EDIs, wat later deur ’n Indiese oorwinning oor Bermuda met 257 lopies oortref is.[28] Die toernooi is afgesluit met ’n nederlaag van 64 lopies teen die mede-kwalifiseerders Nederland.[29]

Ná die Krieketwêreldbeker[wysig | wysig bron]

In Augustus 2003 het Zimbabwe A na Namibië getoer. Namibië het die eendagreeks met 2–1 gewen, maar albei drie-dagwedstryde verloor.[30] Tydens ’n terugbesoek na Zimbabwe die volgende Januarie kon Namibië ’n reeks van vyf EDI-wedstryde teen Zimbabwe A 4–1 wen; hulle kon ook ’n wedstryd teen Zimbabwe o/19 wen.[31] Bangladesj het in Februarie na Namibië getoer, en al die drie EDI-wedstryde gewen en in die driedag-wedstryd gelykop gespeel.[32] Vervolgens het Namibië in 2004 vir die IKR sesnasiesuitdaging na die Verenigde Arabiese Emirate getoer. Namibië eindig derde volgens lopietempo nadat hulle Kanada, Nederland en die Verenigde Arabiese Emirate verslaan het, maar teen Skotland en die Verenigde State verloor het.[33] Namibië het in 2004 twee wedstryde tydens die Internasionale beker teen Kenia en Uganda gespeel, maar albei verloor.[34] Tussen dié twee wedstryde het hulle ’n Afrikanasiestoernooi in Zambië gewen.[35] Later daardie jaar het hulle aan Zimbabwe se nasionale EDI-kompetisie deelgeneem, en as naaswenners geëindig.[36] Terwyl hulle in Zimbabwe was, kon Namibië twee wedstryde teen die nasionale span wen.[37] Dit is toe opgevolg deur ’n besoek van Engeland in Namibië, wat albei wedstryde kon wen.[38]

Zimbabwe A het Namibië in vroeg 2005 weer besoek, maar is in albei EDI-wedstryde geklop.[39] Pakistan A was in April die volgende besoekers, en al drie EDI-wedstryde gewen en in die driedag-wedstryd gelykop gespeel.[40] Dit is opgevolg deur hul twee plaaslike groepwedstryde tydens die Interkontinentale beker in 2005. Ondanks hul onoorwonne prestasie, ná ’n oorwinning oor Uganda en ’n gelykop teen Kenia, kon hulle nie tot die halfeindrondte vorder nie.[41] Namibië het toe Ierland besoek om aan die 2005-IKR-trofee deel te neem. Namibië eindig sewende nadat hulle Denemarke in hul laaste uitspeelwedstryd kon klop.[42] Terug in Namibië het hulle einde Julie Nieu-Seeland gehuisves, maar albei wedstryde verloor,[43] en met net 29 lopies verloor, nadat hulle 330/6 afgestaan het.[44] In Oktober daardie jaar het hulle die halfeindstryd van die Interkontinentale beker aangebied, alhoewel hulleself nie kon kwalifiseer nie. Terwyl die eindstryd uitgespeel is, het hulle ná hul uitskakeling in twee EDI-wedstryde teen Bermuda gespeel, en albei wedstryde gewen, maar dié wedstryde is deur omstrede voorvalle verdor, nadat die Bermudaanse span die Namibiese span van rassistiese beledigings beskuldig het, en in die tweede wedstryd die veld verlaat het, toe ’n stormloop van uitsmyters by die laer orde Bermudaanse kolwers ontketen is.[45] Die Namibiese Krieketraad het die aantygings van rassisme ontken.[46]

Vandag[wysig | wysig bron]

In Maart 2006 het Namibië vir Nepal in ’n uitdagingswedstryd ontmoet om te bepaal wie die agste en laaste kol in die 2006-Internasionale beker sal maak. Dié wedstryd eindig in ’n gelykop, en Namibië het ’n voorsprong in die eerste beurt aangeteken, waarvolgens hulle vir die hooftoernooi gekwalifiseer het. Die hooftoernooi het met ’n beurtnederlaag teen Skotland in Aberdeen begin, voordat hulle met 5 paaltjies deur Ierland in Dublin verslaan is; albei wedstryde is in Mei gespeel.[47] Tydens die Suid-Afrikaanse krieketseisoen in 2006-07 het Namibië aan die tweede vlak van eersterangse en A-lys-krieket deelgeneem, die Suid-Afrikaanse Lugdiens-uitdaging. Namibië het tweede in hul groep van die drie-dae-toernooi geëindig[48] en eindig derde in hul groep van die EDI-toernooi, en die halfeindstryd net met een oorwinning versuim.[49] Te midde van die wedstryde in dié toernooi, het hulle hul derde en laaste 2006-Interkontinentale beker wedstryd teen die Verenigde Arabiese Emirate gespeel en met een beurt gewen.[47] Op 1 April 2007 het hulle by die IKR se Hoëprestasieprogram aangesluit.[8]Namibië kon nie vir die Krieketwêreldbeker 2007 kwalifiseer nie.

In November/Desember 2007 het Namibië die afdeling twee van die Wêreldkrieketliga gehuisves, waartydens hulle teen Argentinië, Denemarke, Oman, die Verenigde Arabiese Emirate en Uganda te staan gekom het. Alhoewel Namibië drie van sy vyf groepwedstryde kon wen, kon hulle nie tot die eindstryd vorder nie. Namibië het Denemarke in die uitspeelwedstryd om die derde plek verslaan. Op grond van hul afsluiting onder die beste vier spanne in dié toernooi, het Namibië tot die wêreldbekerkwalifisering in 2009 gevorder, die laaste kwalifiseringstoernooi vir die Krieketwêreldbeker 2011, maar kon nie vir die hooftoernooi kwalifiseer nie.

Namibië het weer aan in die tweede vlak van die Suid-Afrikaanse plaaslike EDI-krieket tussen Oktober 2007 en Februarie 2008 deelgeneem.[50] Namibië het tydens die 2007-08 Interkontinentale beker in Oktober 2007 ’n wedstryd teen Kanada gespeel; en die oorblywende wedstryde teen Bermuda, Ierland, Kenia, Nederland, Skotland en die VAE is in 2008 gespeel.[51]

Namibië het die 2009–10 Interkontinentale skild gewen nadat hulle die Verenigde Arabiese Emirate met ses paaltjies in Doebai kon verslaan.[52] In 2011 het Namibië aan die tweede vlak van die afdeling twee van die Wêreldkrieketliga deelgeneem en as naaswenners geëindig, dié keer net na die VAE.[53]

In Julie 2011 het Namibië aan die Twintig20-Wêreldkrieketliga se Afrika-afdeling een in Uganda deelgeneem en al sy agt groepwedstryde gewen, voordat hulle deur Uganda in die eindstryd met ses paaltjies verslaan is.[54] Tydens dié toernooi het die veelsydige Louis van der Westhuizen 16 grenshoue in ’n beurt van 159*, as deel van ’n spantotaal van 262/1 in 20 beurte, teen Kenia aangeteken. Namibië kon nie vir die Krieketwêreldbeker 2015 kwalifiseer nie.

In Desember 2017 het Namibië vir die eerste keer die eindstryd van die Suid-Afrikaanse provinsiale EDI-uitdaging bereik.[55] In Februarie 2018 het Namibië die Wêreldkrieketliga se tweede divisie met Namibië, Kenia, die Verenigde Arabiese Emirate, Nepal, Kanada en Oman gehuisves, ’n uitspeelrondte ter voorbereiding vir die Krieketwêreldbeker 2019-kwalifikasie van 2018 in Zimbabwe, waartydens vir die laaste twee plekke meegeding is.[55] Die Namibiese krieketspan het in 2019 vir die 2020 Twintig20-Wêreldbeker in Australië gekwalifiseer.

Rekords[wysig | wysig bron]

Wêreldbekerrekord[wysig | wysig bron]

Jaar Uitslag
1975 Nie in aanmerking nie – nie ’n IKR-lid nie
1979 Nie in aanmerking nie – nie ’n IKR-lid nie
1983 Nie in aanmerking nie – nie ’n IKR-lid nie
1987 Nie in aanmerking nie – nie ’n IKR-lid nie
1992 Nie in aanmerking nie – nie ’n IKR-lid nie
1996 Nie gekwalifiseer nie
1999 Nie gekwalifiseer nie
2003 Groepfase: 14/14
2007 Nie gekwalifiseer nie
2011 Nie gekwalifiseer nie
2015 Nie gekwalifiseer nie
2019 Nie gekwalifiseer nie
2023 N.v.t.

Wêreld-Twintig20 kwalifiseerder[wysig | wysig bron]

Jaar Uitslag
2012 3de plek
2013 10de plek
2015 7de plek

Twintig20-Wêreldbeker[wysig | wysig bron]

  • vir nog geen toernooi gekwalifiseer nie

Sien ook[wysig | wysig bron]

Verwysings[wysig | wysig bron]

  1. (en) "ICC Rankings". Internasionale Krieketraad.
  2. (en) "ODI matches – Team records". ESPNcricinfo.
  3. (en) "ODI matches – 2019 Team records". ESPNcricinfo.
  4. (en) "T20I matches – Team records". ESPNcricinfo.
  5. (en) "T20I matches – 2019 Team records". ESPNcricinfo.
  6. (en) "ICC T20 World Cup Africa Final – Unique Trophy Shoot Leaves Captains In Awe". Cricket Uganda. Besoek op 21 Januarie 2020.
  7. (en) "Namibia". CricketArchive.
  8. 8,0 8,1 (en) Denmark added to ICC High Performance Program Geargiveer 27 September 2007 op Wayback Machine, ICC Europe Media Release, 20 Desember 2006 by die Europese Krieketraad
  9. (en) "Australia rout India to retain World Cup". ESPNcricinfo. Besoek op 21 Januarie 2020.
  10. (en) "England's gold, Australia's fall, Pakistan's homecoming". ESPNcricinfo. 27 Desember 2019. Besoek op 21 Januarie 2020.
  11. (en) "All T20 matches between ICC members to get international status". Internasionale Krieketraad. 26 April 2018. Besoek op 21 Januarie 2020.
  12. (en) "Men's ODI Team Rankings". Internasionale Krieketraad. 20 Januarie 2020. Besoek op 21 Januarie 2020.
  13. (en) "Men's T20I Team Rankings". Internasionale Krieketraad. 11 Januarie 2020. Besoek op 21 Januarie 2020.
  14. (en) History of Cricket Namibia op Wayback Machine
  15. (en) "Telkaart van die 2001 se IKR-trofee-eindstryd". Cricket Archive. 15 Julie 2001. Besoek op 21 Januarie 2020.
  16. (en) "2002 ICC 6 Nations Challenge Points Table". Cricket Archive.
  17. (en) "2002 Africa Cup". CricketEurope.
  18. (en) "Namibia in Zimbabwe 2002/03". Cricket Archive.
  19. (en) "Namibia in Kenya 2002/03". Cricket Archive.
  20. (en) "Standard Bank Cup 2002/03 Points Table". Cricket Archive.
  21. (en) "Bangladesh in Namibia 2002/03". Cricket Archive.
  22. (en) "Telkaart van Zimbabwe t Namibië". Cricket Archive. 10 Februarie 2003. Besoek op 21 Januarie 2020.
  23. (en) "Telkaart van Namibië t Pakistan". Cricket Archive. 16 Februarie 2003. Besoek op 21 Januarie 2020.
  24. (en) "Telkaart van Engeland t Namibie". Cricket Archive. 19 Februarie 2003. Besoek op 21 Januarie 2020.
  25. (en) "Telkaart van Indië t Namibië". Cricket Archive. 23 Februarie 2003. Besoek op 21 Januarie 2020.
  26. (en) "Telkaart van Australië t Namibië". Cricket Archive. 27 Februarie 2003. Besoek op 21 Januarie 2020.
  27. (en) "Australia rout India to retain World Cup". ESPNcricinfo. Besoek op 21 Januarie 2020.
  28. (en) "ODIs – Highest winning margins". ESPNcricinfo. Besoek op 21 Januarie 2020.
  29. (en) "Telkaart van Namibië t Nederland". Cricket Archive. 3 Maart 2003. Besoek op 21 Januarie 2020.
  30. (en) "Zimbabwe A in Namibia 2003/04". Cricket Archive.
  31. (en) "Namibia in Zimbabwe 2003/04". Cricket Archive.
  32. (en) "Bangladesh in Namibia 2003/04". Cricket Archive.
  33. (en) "2004 ICC 6 Nations Challenge". CricketEurope.
  34. (en) "2004 Intercontinental Cup". CricketEurope.
  35. (en) "Points Table for 2004 African tournament". ESPNcricinfo. [dooie skakel]
  36. (en) "Faithwear Clothing Inter-Provincial One-Day Competition 2004/05 Points Table". Cricket Archive.
  37. (en) "Namibia in Zimbabwe 2004/05". Cricket Archive.
  38. (en) "England in Namibia 2004/05". Cricket Archive.
  39. (en) "Zimbabwe A in Namibia 2004/05". Cricket Archive.
  40. (en) "Pakistan A in Namibia 2004/05". Cricket Archive.
  41. (en) "2005 ICC Intercontinental Cup". CricketEurope.
  42. (en) "Telkaart van Denemarke t Namibië". Cricket Archive. 11 Julie 2005. Besoek op 21 Januarie 2020.
  43. (en) "New Zealand in Namibia 2005/06". Cricket Archive.
  44. (en) "Telkaart van Namibië t Nieu-Seeland". Cricket Archive. 30 Julie 2005. Besoek op 21 Januarie 2020.
  45. (en) "Racism, rows and a walk-off tarnish 'friendly' one-dayers". ESPNcricinfo. 30 Oktober 2005. Besoek op 21 Januarie 2020.
  46. (en) "Bermuda's allegations 'rejected with contempt'". ESPNcricinfo. 4 November 2005. Besoek op 21 Januarie 2020.
  47. 47,0 47,1 (en) "2006 ICC Intercontinental Cup". CricketEurope.
  48. (en) "2006/07 South African Airways Provincial Three-Day Challenge points table". Cricket Archive.
  49. (en) "2006/07 South African Airways Provincial One-Day Challenge points table". Cricket Archive.
  50. (en) Andrew Nixon (29 Junie 2007). "Namibia to continue in South African provincial cricket". CricketEurope.
  51. (en) "Geargiveerde kopie". Geargiveer vanaf die oorspronklike op 20 Junie 2007. Besoek op 21 Julie 2007.
  52. (en) "Geargiveerde kopie". Geargiveer vanaf die oorspronklike op 25 Februarie 2011. Besoek op 10 Mei 2011.
  53. (en) "Geargiveerde kopie". Geargiveer vanaf die oorspronklike op 9 Mei 2011. Besoek op 10 Mei 2011.
  54. (en) "Geargiveerde kopie". Geargiveer vanaf die oorspronklike op 7 Januarie 2010. Besoek op 14 Maart 2012.
  55. 55,0 55,1 (en) Helge Schütz (19 Desember 2017). "Namibia Cricket Year Review". The Namibian. Besoek op 21 Januarie 2020.

Eksterne skakels[wysig | wysig bron]