Mercedes-Benz M272 enjin

in Wikipedia, die vrye ensiklopedie
Jump to navigation Jump to search
Mercedes-Benz free logo.svg  Mercedes-Benz M272-enjin
Mercedes-Benz M 272 Typ 211.JPG
Oorsig
Vervaardiger Mercedes-Benz
Konfigurasie Normaal-geaspireerde 90° V6
Afmetings
Inhoudsmaat 2.5 L (2,496 cc)
3.0 L (2,996 cc)
3.5 L (3,498 cc)
Boorwydte 88 mm (3.46 in)
92.6 mm (3.65 in)
Slaglengte 68.4 mm (2.69 in)
82 mm (3.23 in)
86 mm (3.39 in)
Blok Aluminium
Kopstuk Aluminium
Stelsels
Klepwerking DOHC-silinderkoppe met 4 kleppe per silinder, deurlopend-VVT
Brandstoftipe Petrol
Brandstofstelsel Brandstofinspuiting
Verkoelingstelsel Waterverkoel
Enjinlewering
Kraglewering 204–306 PS (150–225 kW; 201–302 bhp)
Wringkrag 245–365 N⋅m (181–269 lb⋅ft)
Plek in geskiedenis
Voorganger Mercedes-Benz M112
Opvolger Mercedes-Benz M276

Die Mercedes-Benz M272 enjin is 'n V6-enjinfamilie wat in die 2000-dekade gebruik is. Dit is in 2004 bekendgestel en is gebaseer op die M112 V6 wat in 1998 bekendgestel is.

Al die M272-enjins het aluminiumblokke met 'n 90° V-hoek met silikon/aluminiumgevoerde silinders. Die aluminium DOHC-silinderkoppe het 4 kleppe per silinder. Direkte inspuiting word op beperk op die 3.5L V6 gebruik, terwyl ander gebruik maak van konvensionele brandstofinspuiting. Almal het gesmeede staal suierstange, eenstuk-gegote krukas, yster-aluminium suiers en 'n magnesium inlaatspruitstuk. Soos die M112, is 'n balanseeras in die enjinblok tussen die silinderbanke geïnstalleer om vibrasies in die 90° V6 ontwerp uit te skakel.

Deurlopende VVT is vir die eerste keer ingevoer. Beide die inlaat- en die uitlaatnokas kan oor 40 grade gewissel word. Die dubbele vonkpropstelsel is vervang deur 'n ontstekingstelsel met 'n hoogspanningsklos bo-op elke vonkprop. Nuwe elektroniese vloeistofbeheer vir die koelmiddel het die meganiese termostaat vervang vir verbeterde opwarming van die enjin en die optimale beheer van enjintemperatuur.