Mercedes-Benz M112 enjin

  Mercedes-Benz M112-enjin

Die M112-enjin in 'n 2002 C240, 2.6L
Oorsig
Vervaardiger	Mercedes-Benz
Produksietyd	1998-2015
Konfigurasie	90° V6
Afmetings
Inhoudsmaat	2,4 L (2 398 cc) 2,6 L (2 597 cc) 2,8 L (2 799 cc) 3,2 L (3 199 cc) 3,7 L (3 724 cc)
Boorwydte	83,2 mm (3,28 in) 89,9 mm (3,54 in) 97 mm (3,82 in)
Slaglengte	68,2 mm (2,69 in) 73,5 mm (2,89 in) 84 mm (3,31 in)
Blok	Aluminium
Kopstuk	Aluminium
Stelsels
Klepwerking	Bonokassilinderkoppe met 3 kleppe per silinder
Brandstoftipe	Petrol
Superaanjaer	Ishikawajima-Harima Heavy Industries
Brandstofstelsel	opeenvolgende brandstofinspuiting
Verkoelingstelsel	Waterverkoel
Enjinlewering
Kraglewering	125-260 kW
Wringkrag	225-450 Nm
Plek in geskiedenis
Voorganger	Mercedes-Benz M104
Opvolger	Mercedes-Benz M272

Die Mercedes-Benz M112-enjin is 'n 4-slag, vonkontsteekte, binnebrand-petrol V6-enjinfamilie wat in die jare 2000 gebruik is. Dit is in 1998 bekendgestel, en was die eerste V6-enjin wat ooit deur Mercedes gebou is. 'n Kort tydjie later is die verwante M113 V8 bekendgestel.

Almal is in Bad Cannstatt, Duitsland gebou, behalwe die aangejaagde C32 AMG, wat in Affalterbach gemonteer is.

Al die M112-enjins het aluminiumblokke met 'n 90° V-hoek en silikon/aluminium gevoerde silinders. Die aluminium SOHC- silinderkoppe het 3 kleppe per silinder. Almal gebruik opeenvolgende brandstofinspuiting met twee vonkproppe per silinder. Almal het staal gesmeede suierstange, 'n eenstuk gegote nokas, yster-aluminium suiers en 'n magnesium inlaatspruitstuk. Om die vibrasieprobleme van 'n 90° V6 uit te skakel, is 'n balanseeras in die enjinblok tussen die silinderbanke aangebring. Daar is 'n dubbele-lengte veranderbare lengte inlaatspruitstuk aangebring om die soepelheid van die enjins te optimaliseer.