1967

Kalenders

Groote Schuur-hospitaal, waar die eerste menslike hartoorplanting gedoen is.

Gregoriaanse kalender 1967 MCMLXVII Ab urbe condita 2720 Armeense kalender 1416 ԹՎ ՌՆԺԶ Chinese kalender 4663 – 4664 癸午 – 甲未 Ethiopiese kalender 1959 –1960 Hebreeuse kalender 5727 – 5728 Hindoekalenders - Vikram Samvat 2022 – 2023 - Shaka Samvat 1889 – 1890 Irannese kalender 1345 –1346 Islamitiese kalender 1387 –1387

Die jaar 1967 was 'n gewone jaar wat volgens die Gregoriaanse kalender op 'n Sondag begin het. Dit was die 67ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 27 Januarie – Die Apollo 1 ruimtetuig word deur ’n brand vernietig by die Kennedy-Ruimtesentrum. Ruimtevaarders Gus Grissom, Edward Higgins White en Roger B. Chaffee sterf in die voorval.
• 2 Februarie – Aleksei Kosygin besoek die Verenigde Koninkryk.
• 5 Februarie – Lunar Orbiter 3 gelanseer.
• 5 Februarie – Generaal Anastasio Somoza Debayle word president van Nicaragua.
• 7 Februarie – Groot bosbrande in Tasmanië eis die lewe van 62 mense.
• 22 Februarie – Suharto neem die bewind oor van Sukarno in Indonesië.
• 27 Februarie – Dominica verkry onafhanklikheid van die Verenigde Koninkryk.
• 13 Maart – Indira Gandhi word Eerste Minister van Indië.
• 13 Maart – Die Rietbok, 'n vliegtuig van die Suid-Afrikaanse Lugdiens, verdwyn.
• 23 April – Sojoes 1 word gelanseer in ’n wentelbaan en vervoer ’n enkele ruimtevaarder, kolonel Vladimir Komarov, wat sterf wanneer die ruimtetuig val tydens terugkeer na die aarde.
• 5 Junie – Die Sesdaagse Oorlog begin.
• 7 Junie – Sesdaagse Oorlog:Israel val die Golanhoogland binne.
• 10 Junie – Sesdaagse Oorlog: Israeliese magte beëindig hulle opmars in Sirië en hou hulle by 'n VN-skietstaking en bring daarmee 'n einde aan ses dae se gevegte op drie fronte.
• 10 Junie – MiG-23, Sowjetvegvliegtuig, se nooiensvlug.
• 13 Junie – Thurgood Marshall genomineer as regter vir die Hooggeregshof in die VSA deur president Lyndon B. Johnson.
• 27 Junie – Wêreld se eerste OTM geïnstalleer in Enfield, Londen.
• 28 Junie – Israel annekseer Oos-Jerusalem.
• 10 Julie – Nieu-Seeland se geldeenheid word gedesimaliseer.
• 8 Augustus – Thailand, Indonesië, Maleisië, Filippyne en Singapoer stig die ASEAN in Bangkok, Thailand.
• 3 September – Swede skakel amptelik oor na bestuur aan die regterkant van die pad. (Sien Dagen H.)
• 30 November – Suid-Jemen word van die Verenigde Koninkryk onafhanklik.
• 3 Desember – Eerste hartoorplanting wêreldwyd onder leiding van dr. Chris Barnard in die Groote Schuur-hospitaal, Kaapstad.
• 17 Desember – Harold Holt, die Eerste Minister van Australië verdwyn terwyl hy naby Portsea, Victoria swem.

Geboortes

• 2 Januarie – Francois Pienaar, Suid-Afrika se twee-en-veertigste Springbokkaptein.
• 9 Januarie – Dave Matthews, Suid-Afrikaansgebore sanger en liedjieskrywer (Dave Matthews Band).
• 9 Januarie – Gary Teichmann, Suid-Afrika se vyf-en-veertigste Springbokkaptein.
• 23 Januarie – Naim Süleymanoğlu, Bulgaarsgebore gewigopteller.
• 28 Januarie – Bongani Mayosi, Suid-Afrikaanse professor († 2018).
• 10 Februarie – Laura Dern, Amerikaanse aktrise.
• 18 Februarie – Roberto Baggio, Italiaanse sokkerspeler.
• 20 Februarie – Kurt Cobain, Amerikaanse sanger en kitaarspeler (Nirvana) († 1994).
• 21 Februarie – Neil Oliver, Britse televisie-aanbieder, argeoloog, omgewingsbewaarder en skrywer.
• 4 Maart – Evan Dando, Amerikaanse sanger en kitaarspeler (The Lemonheads).
• 17 Maart – Billy Corgan, Amerikaanse musikant en liedjieskrywer.
• 22 Maart – Mario Cipollini, Italiaanse fietsryer.
• 25 Maart – Debi Thomas, Amerikaanse sierskaatser.
• 16 April – Bart de Graaff, invloedryke Nederlandse TV-aanbieder, komediant en programvervaardiger († 2002).
• 17 April – Liz Phair, Amerikaanse sangeres.
• 27 April – Koning Willem-Alexander van die Nederlande.
• 1 Mei – Tim McGraw, Amerikaanse sanger en akteur.
• 14 Mei – Vuyu Mbuli, Suid-Afrikaanse radio- en TV-aanbieder († 2013).
• 24 Mei – Heavy D, Jamaikaans-gebore kletsrymkunstenaar.
• 24 Mei – Margaret Crowley, Australiese atleet.
• 25 Mei – Poppy Z. Brite, Amerikaanse skryfster.
• 19 Junie – Mia Sara, Amerikaanse aktrise.
• 20 Junie – Nicole Kidman, Amerikaanse/Australiese aktrise.
• 20 Junie – Sjors Fröhlich, Nederlandse joernalist, aanbieder en burgemeester.
• 18 Julie – Vin Diesel, Amerikaanse akteur.
• 27 Julie – Juliana Hatfield, Amerikaanse sangeres, liedjieskrywer en kitaarspeler.
• 1 Augustus – Joe Rogan, Amerikaanse komediant en televisieaanbieder.
• 23 Augustus – Andrius Mamontovas, Litause rock-musikus, liedjieskrywer, akteur en musiekvervaardiger.
• 11 September – Harry Connick, Jr. Amerikaanse sanger en akteur.
• 22 September – Félix Savón, Kubaanse bokser.
• 3 Oktober – Denis Villeneuve, Frans-Kanadese rolprentregisseur en skrywer.
• 10 Oktober – Saara Kuugongelwa, Namibiese politikus en vyfde eerste minister van Namibië (2015–hede).
• 10 Oktober – Gavin Newsom, Kalifornië goewerneur.
• 28 Oktober – Julia Roberts, Amerikaanse aktrise.
• 16 November – Lisa Bonet, Amerikaanse aktrise.
• 22 November – Boris Becker, Duitse tennisspeler.
• 28 November – Anna Nicole Smith, Amerikaanse model en aktrise († 2007).
• 9 Desember – Joshua Bell, Amerikaanse violis.
• 21 Desember – Mikhail Saakashvili, Georgiese politikus en staatsman, President van Georgië.

Sterftes

• 4 Januarie – Donald Campbell, Britse najager van die waterspoed/landspoedrekord (* 1921)
• 17 Januarie – Barney Ross, Amerikaanse bokser (* 1909)
• 19 Januarie – Kazimierz Funk, Poolse biochemikus (* 1884)
• 27 Januarie – Edward Higgins White, Amerikaanse ruimtevaarder (* 1930)
• 27 Januarie – Gus Grissom, Amerikaanse ruimtevaarder (* 1926)
• 27 Januarie – Roger B. Chaffee, Amerikaanse ruimtevaarder (* 1935)
• 8 Februarie – Victor Gollancz, Britse uitgewer (* 1893)
• 18 Februarie – J. Robert Oppenheimer, Amerikaanse dokter (* 1904)
• 21 Februarie – Charles Beaumont, Amerikaanse skrywer (* 1929)
• 5 Maart – Mischa Auer, Russies-gebore akteur (* 1905)
• 6 Maart – Zoltán Kodály, Hongaarse komponis (* 1882)
• 6 Maart – Nelson Eddy, Amerikaanse sanger en akteur (* 1901).
• 15 Maart – Paddy Carolin, Suid-Afrika se agtse Springbokkaptein (* 1881).
• 17 April – Red Allen, Amerikaanse jazz trompetspeler (* 1908).
• 19 April – Konrad Adenauer, Duitse politikus en staatsman, Kanselier van Duitsland (* 1876).
• 24 April – Vladimir Komarov, Russiese ruimtevaarder (* 1927).
• 22 Mei – Langston Hughes, Amerikaanse skrywer (* 1902).
• 10 Junie – Spencer Tracy, Amerikaanse akteur (* 1900).
• 17 Junie – Tienie Holloway, 'n Afrikaanse skrywer van kinderliteratuur (* 1888).
• 22 Junie – William Nicol, predikant, teoloog, opvoedkundige en staatsman, goewerneur van die Transvaal (* 1887).
• 2 Julie – Boerneef, Suid-Afrikaanse skrywer, digter, leksikograaf en akademikus (* 1897).
• 7 Julie – Vivien Leigh, Britse aktrise (* 1913).
• 16 Julie – Oom Frikkie Burgers, Suid-Afrikaanse vermaakkunstenaar, radio- en rolprentpersoonlikheid en orrelis. (* 1907).
• 17 Julie – John Coltrane, Amerikaanse jazz-saksofoonspeler (* 1926).
• 22 Julie – Carl Sandburg, Amerikaanse digter (* 1878).
• 22 Julie – Albert Luthuli, President van die ANC (* 1898).
• 30 Julie – Alfried Krupp, Duitse oorlogsmisdadiger (* 1907).
• 15 Augustus – Rene Magritte, Belgiese skilder (* 1898).
• 15 Augustus – G.B.A. Gerdener, ’n Suid-Afrikaanse teoloog, hoogleraar en geskiedskrywer (* 1881).
• 19 Augustus – Hugo Gernsback, Luxemburgs-gebore redigeerder en uitgewer (* 1884).
• 25 Augustus – Stanley Bruce, Australiese politikus en staatsman, Eerste Minister van Australië (* 1883).
• 25 Augustus – George Lincoln Rockwell, stigter en leier van die Amerikaanse Nazi-party (* 1918).
• 29 Augustus – Brian Epstein, Britse musiekbestuurder (The Beatles) (* 1934).
• 1 September – Siegfried Sassoon, Engelse digter, skrywer en soldaat (* 1886).
• 1 September – Ilse Koch, Duitse oorlogsmisdadiger (* 1906).
• 13 September – Varian Fry, Amerikaanse joernalis (* 1907).
• 3 Oktober – Woody Guthrie, Amerikaanse volksmusikant (* 1912).
• 3 Oktober – Malcolm Sargent, Britse dirigent (* 1895).
• 8 Oktober – Clement Attlee, Eerste minister van die Verenigde Koninkryk (* 1883).
• 9 Oktober – Che Guevara, Argentynse kommunistiese revolusionêr (* 1928).
• 17 Oktober – Ai-xin-jue-luo Pu-yi of Henry Pu Yi, laaste keiser van Qing China (* 1906).
• 20 Oktober – Yoshida Shigeru, Japannese politikus en staatsman, Eerste Minister van Japan (* 1878).
• 13 November – Harriet Cohen, Britse pianis (* 1895).
• 25 November – Ossip Zadkine, Russiese beeldhouer, skilder en litograaf (* 1890).
• 3 Desember – Denise Darvall, hartskenker vir die eerste menslike hartoorplanting (* 1943).
• 4 Desember – Daniel Jones, Britse fonetikus (* 1881).
• 10 Desember – Otis Redding, Amerikaanse sanger (* 1941).
• 19 Desember – Harold Holt, Australiese politikus en staatsman, Eerste Minister van Australië (* 1908).
• 21 Desember – Louis Washkansky, wêreld se eerste hartoorplantingspasiënt (* 1913).
• 29 Desember – Paul Whiteman, Amerikaanse musiekgroepleier (* 1890).

Nobelpryse

• Fisika – Hans Albrecht Bethe
• Chemie – Manfred Eigen, Ronald George Wreyford Norrish, George Porter
• Medisyne – Ragnar Granit, Haldan Keffer Hartline, George Wald
• Letterkunde – Miguel Angel Asturias
• Vrede – Nie toegeken nie.