Klas 15E-stoomlokomotief

Die Suid-Afrikaanse Klas 15E 4-8-2 van 1935 is 'n Suid-Afrikaanse stoomlokomotief van die Suid-Afrikaanse Spoorweë-era.

Tussen 1935 en 1937 het die Suid-Afrikaanse Spoorweë vier-en-veertig Klas 15E-stoomlokomotiewe met 'n 4-8-2 Mountain-tipe wieluitleg in diens geplaas.

Vervaardigers

Die Klas 15E 4-8-2 Mountain-tipe gemengde verkeer stoomlokomotief was 'n verfyning van die Klas 15C en Klas 15CA. Dit is ontwerp deur AG Watson, Hoofmeganiese ingenieur van die Suid-Afrikaanse Spoorweë gedurende 1929-1936, en vele van die verbeterings wat deur hom ontwikkel is, is aanvaar en in werking gestel. Twee hiervan was 'n baie groter gestandaardiseerde ketel en 'n Watsonkajuit.

Hulle is deur drie vervaardigers gebou. In 1935 het die Britse lokomotiefbouers Robert Stephenson en Hawthorns (RSH) twintig lokomotiewe afgelewer, genommer in die reeks van 2858 tot 2877. Henschel & Son van Duitsland het sestien gebou en afgelewer in twee groepe in 1936, genommer in die reeks van 2878 tot 2893. In 1936 bou die Duitse lokomotiefbouers Berliner Maschinenbau nog agt lokomotiewe, wat in 1937 gelewer is, genommer in die reeks van 2894 tot 2901.

• 
  Henschel-geboude no. 2878 te Paardeneiland, Kaapstad, ongeveer 1940
• 
  Henschel-geboude no. 2878 te Millsite, 23 April 1979

• 
  Henschel-geboude no. 2879 met rookdeflekteerder, ongeveer 1940
• 
  Berliner-geboude no. 2897 te Paardeneiland, Kaapstad, ongeveer 1940

Eksterne skakels

• Wikimedia Commons het meer media in die kategorie Klas 15E-stoomlokomotief.