Klas 15F-stoomlokomotief

in Wikipedia, die vrye ensiklopedie
Jump to navigation Jump to search

Die Suid-Afrikaanse Klas 15F 4-8-2 van 1938 is 'n Suid-Afrikaanse stoomlokomotief van die Suid-Afrikaanse Spoorweë-era.

Die Klas 15F was die talrykste stoomlokomotiefklas in die Suid-Afrikaanse Spoorweë se diens. Tussen 1938 en 1946 is 255 van hierdie stoomlokomotiewe met 'n 4-8-2 Mountain-tipe wieluitleg in diens geplaas.

Die lokomotief is ontwerp deur W.A.J. Day, Hoofmeganiese ingenieur van die Suid-Afrikaanse Spoorweë (SAR) van 1936-1939, en is gebou in vier groepe met vier lokomotiefvervaardigers in Duitsland en die Verenigde Koninkryk wat oor 'n tydperk van agt jaar gestrek het tydens die Tweede Wêreldoorlog.

  • Die eerste een-en-twintig is in Duitsland gebou in 1938. Sewe is gelewer deur Berliner Maschinenbau, genommer in die reeks 2902-2908, en veertien deur Henschel & Son, genommer in die reeks van 2909 tot 2922.[1]
  • Nog vier-en-veertig is deur die North British Locomotive Company (NBL) van Glasgow gebou in 1938. Hulle is in 1939 afgelewer, genommer in die reeks van 2923 tot 2966.[2]
  • Lokomotiefbouery is onderbreek deur die Tweede Wêreldoorlog, maar as gevolg van 'n kritieke trekkragtekort wat in Suid-Afrika ontwikkel het tydens die oorlog, is vervaardiging van die Klas 15F hervat selfs voor die oorlog se einde. In 1944 het produksie begin van dertig lokomotiewe deur Beyer, Peacock and Company, hul is later dieselfde jaar afgelewer en genommer in die reeks van 2967 tot 2996.[3]
  • In 1945 is 'n verdere sestig gebou en afgelewer deur NBL, genommer in die reeks van 2997 tot 3056.[2]
  • Die finale groep van honderd Klas 15Fs is deur NBL gebou en afgelewer tussen 1946 en 1948, genommer in die reeks van 3057 tot 3156. [2]

Fotogalery[wysig | wysig bron]

  • Bewaarde Henschel-geboude no. 2916 met sy oorspronklike tipe JT tender te Monumentstasie, Kaapstad, 10 April 2010

  • Vooroorlogse NBL-geboude no. 2928 met 'n ou Klas 23 tipe EW tender, Bloemfontein, 14 Oktober 2009

  • Bewaarde Beyer, Peacock-geboude no. 2976 met 'n tipe ET tender te Bloemfontein Lokodepot, 14 Oktober 2009.

  • Na-oorlogse NBL-geboude no. 3007 met sy tipe ET tender kom aan te George Square in Glasgow, 25 Augustus 2007

  • Na-oorlogse NBL-geboude no. 3040 met 'n ou Klas 23 tipe EW tender te Clocolan, Vrystaat, 9 Julie 1999

  • Na-oorlogse NBL-geboude no. 3046 met 'n tipe EW-tender te Magaliesburg, Gauteng, 30 Oktober 2010

Eksterne skakels[wysig | wysig bron]

Verwysings[wysig | wysig bron]

  1. ↑ Henschel-Lieferliste (Henschel & Son werkslys), saamgestel deur Dietmar Stresow
  2. ↑ 2,0 2,1 2,2 North British Locomotive Company werkslys, saamgestel deur Oostenrykse lokomotiefhistorikus Bernhard Schmeiser
  3. ↑ Beyer, Peacock and Company werkslys, uitgesluit Garratts, Customer List V1 04.08.02


Sinnbild Eisenbahn.svg Saadjie
 Hierdie treinartikel is 'n saadjie. Jy kan Wikipedia help deur dit uit te brei.
Ontsluit van "https://af.wikipedia.org/w/index.php?title=Klas_15F-stoomlokomotief&oldid=1620129"