Olimpiese Somerspele 1936

in Wikipedia, die vrye ensiklopedie
Spring na: navigasie, soek
Spele van die XIe Olimpiade
Olimpiesespele van 1936

Gehou in Berlyn, Duitsland
Deelnemende lande 49
Deelnemende atlete 3 963 (3 632 mans, 331 vroue)
Items 129 in 19 sporte
Openingseremonie 1 Augustus 1936
Sluitingseremonie 16 Augustus 1936
Amptelik geopen deur Adolf Hitler
Atlete-eed Rudolph Ismayr (gewigoptel)
Beampte-eed
Olimpiese vlam Fritz Schilgen (atletiek)
Vorige Spele 1932: Los Angeles (Verenigde State)
Volgende Spele 1940: Helsinki (Finland)

Die Olimpiese Somerspele van die XIe Olimpiade word in 1936 in Berlyn, Duitsland gehou. Berlyn was in 1931 deur die IOK verkies bo Barcelona. Berlyn het 43 stemme gekry teenoor Barcelona se 16.

Toe Adolf Hitler in Januarie 1933 aan die bewind kom as kanselier, klink daar stemme op om die Spele na 'n ander land te skuif. In die Verenigde State was daar selfs 'n veldtog om die Spele te boikot. Avery Brundage, die voorsitter van die Amerikaanse Olimpiese Komitee, spreek homself uit teen 'n verskuiwing van die Spele en hy kry daarby die steun van De Coubertin.

Hoewel die Spele dus aan Berlyn toegeken word voordat die Nazi's in Duitsland aan die bewind kom, sien die owerheid die Spele as 'n geleentheid om sy fascistiese ideologie uit te dra. Leni Riefenstahl word aangestel om 'n film te maak oor die Spele. Die film Olympia kan bestempel word as propaganda, maar gebruik 'n aantal tegnieke wat destyds nog nie in sportfilms aangewend is nie.

Om soveel moontlik oorwinnings te verseker, stel die Duitse owerheid anaboliese steroïde en testosteroon aan hulle atlete beskikbaar. Duitsland oorheers die Spele deur heelwat meer medaljes as enige ander land in te palm. In 'n weerlegging van die rassistiese Nazi-filosofie, behaal die swart Amerikaan, Jesse Owens, egter vier goue medaljes. Owens was gewild onder die toeskouers en Duitse publiek, en is meer entoesiasties ontvang as in sy tuisland.[1] Hitler besluit egter om geen medaljes persoonlik toe te ken nie, moontlik omdat die swart Amerikaan, Cornelius Johnson, op die eerste dag van die Spele 'n goue medalje verower.[1]

Die superioriteit van die Reich kom ook tot uiting in die oorweldigende infrastruktuur wat vir die Spele opgerig is: 'n splinternuwe stadion is gebou ten weste van die Slot Charlottenburg met sitplek vir honderd-duisend toeskouers. Langsaan is die swembad met sitplek vir twintigduisend toeskouers.

Hitler pas die Olimpiese handves tot die letter toe, en beloof om nie 'n enkele toespraak te hou tydens die Spele nie. Verder pas hy ook geen rasdiskriminasie toe tydens die Spele nie. Getuie hiervan was die opname van die joodse skermster Helena Mayer. Maar buite die stadion draai die Duitse propagandamasjien volspoed voort: die swastika was oral teenwoordig en daar wapper meer Nazi-vlae as Olimpiese vlae.

Suid-Afrikaanse deelname[wysig]

Charles Catterall wen die silwer medalje in boks in die veergewig afdeling.

Aantal medaljes[wysig]

Hier is die top tien lande wat medaljes by die Spele verower het:

 Plek  Land  Deelnemers Goud Goud Silwer Silwer Brons Brons Totaal
1 Vlag van Duitsland Duitsland (gasheer) - 33 26 30 89
2 Vlag van Verenigde State Verenigde State - 24 20 12 56
3 Vlag van Hongarye Hongarye - 10 1 5 16
4 Vlag van Italië Italië - 8 9 5 22
5 Vlag van Finland Finland - 7 6 6 19
Vlag van Frankryk Frankryk - 7 6 6 19
7 Vlag van Swede Swede - 6 5 9 20
8 Vlag van Japan Japan - 6 4 8 18
9 Vlag van Nederland Nederland - 6 4 7 17
10 Vlag van Verenigde Koninkryk Verenigde Koninkryk - 4 7 3 14
25 Vlag van Suid-Afrika Suid-Afrika - 0 1 0 1

Verwysings[wysig]

  1. 1,0 1,1 German Myth 10: The 1936 Berlin Olympics Hitler and Jesse Owens”. About.com. URL besoek op 24 March 2014.
Commons-logo.svg
Wikimedia Commons het meer media verwant aan:
Olimpiese Spele Logo van die Olimpiese Spele

Olimpiese Somerspele: 1896 · 1900 · 1904 · 1906* · 1908 · 1912 · 1916 · 1920 · 1924 · 1928 · 1932 · 1936 · 1940 · 1944 · 1948 · 1952 · 1956 · 1960 · 1964 · 1968 · 1972 · 1976 · 1980 · 1984 · 1988 · 1992 · 1996 · 2000 · 2004 · 2008 · 2012 · 2016 · 2020

Olimpiese Winterspele: 1924 · 1928 · 1932 · 1936 · 1940 · 1944 · 1948 · 1952 · 1956 · 1960 · 1964 · 1968 · 1972 · 1976 · 1980 · 1984 · 1988 · 1992 · 1994 · 1998 · 2002 · 2006 · 2010 · 2014 · 2018 · 2022
Internasionale Olimpiese Komitee - Nasionale Olimpiese Komitee
(*) Die spele van 1906 is deur die IOK georganiseer, maar word nie amptelik deur die IOK erken nie.