Olimpiese Somerspele 1968

in Wikipedia, die vrye ensiklopedie
Spring na: navigasie, soek
Spele van die XIXe Olimpiade
Olimpiesespele van 1968

Gehou in Meksikostad, Meksiko
Deelnemende lande 112
Deelnemende atlete 5 516 (4 735 mans, 781 vroue)
Items 172 in 20 sporte
Openingseremonie 12 Oktober 1968
Sluitingseremonie 27 Oktober 1968
Amptelik geopen deur President Gustavo Díaz Ordaz
Atlete-eed Pablo Lugo Garrido (atletiek)
Beampte-eed
Olimpiese vlam Norma Enriqueta Basilio de Sotelo (atletiek)
Vorige Spele 1964: Tokio (Japan)
Volgende Spele 1972: München (Wes-Duitsland)

Die Olimpiese Somerspele van die XIXe Olimpiade is van 12 Oktober tot en met 27 Oktober in Meksikostad, Meksiko, aangebied. Naas Meksikostad het Detroit, Buenos Aires en Lyon aansoek gedoen om die Spele te mag organiseer.

Die beslissing van die Internasionale Olimpiese Komitee tydens sy kongres in Baden-Baden in 1963 om die Spele aan Meksikostad toe te wys, sorg vir heelwat onstuimigheid in die sportwêreld. Verskeie medici en afrigters vrees dat die hoë ligging van die stad dramatiese gevolge kan hê. Onni Niskanen, die Sweedse afrigter van Abebe Bikila beweer selfs dat atlete kan sterf. As gevolg van die beslissing doen wetenskaplikes navorsing oor die probleem. Daar word bevind dat dissiplines waar uithouvermoë belangrik is, nie normaal kon verloop nie as gevolg van 'n suurstofgebrek. Naellopers, daarteen sou baat vind by die verlaagde lugweerstand. Daar word voorgestel dat atlete 'n lang aanpassingsperiode gegun word om by die omstandighede aan te pas. Uiteindelik verloop die Spele sonder enige ernstige mediese insidente.

1968 was die jaar van die studentenrewolusies, en dit was ook die geval in Meksiko. Voor die aanvang van die Spele vind 'n studenteopstand in Meksiko plaas, om wêreldwye aandag op die klimaat in Meksiko te vestig. Die regering bring hierdie opstand hardhandig tot 'n einde, wat onder andere lei tot die Bloedbad van Tlatelolco. Verder was daar nog 'n ander probleem wat die Spele ontwrig het: Die swart Amerikaanse atlete begin 'n protesbeweging in die olimpiese dorp teen die rassediskriminasie waarvan hulle in hulle eie land slagoffers was. 'n Insident vind tydens die medaljeseremonie na die 200 meter plaas. Tommie Smith en John Carlos, onderskeidelik eerste en derde, staan tydens die speel van die Amerikaanse volkslied met gebalde vuiste en geboë hoofde (die Swartmag-saluut). Na die voorval word die tweetal uit die olimpiese dorp geskop.

Toewysing[wysig]

Lopez Mateos, president van Meksiko en vorsitter van dié land se organisiekomitee.

Londen is op 18 Oktober 1963 in Baden-Baden deur die IOK gekies as die gasheer vir die Olimpiese Spele in 1968. Ander kandidate was: Detroit, Buenos Aires en Lyon.

Die stemming het as volg verloop:

Stemming vir gasheer van die 2012-Olimpiese Somerspele
Stad 1ste ronde
Vlag van Meksiko Meksikostad 30
Vlag van Verenigde State New York 14
Vlag van Frankryk Lyon 12
Vlag van Argentinië Buenos Aires 2

Aantal medaljes[wysig]

Hier is die top tien lande wat medaljes by die Spele verower het:

Deelnemende lande
Aantal atlete volgens lande
 Plek  Land  Deelnemers Goud Goud Silwer Silwer Brons Brons Totaal
1 Vlag van Verenigde State Verenigde State 357 45 28 34 107
2 Vlag van Sowjetunie Sowjetunie 312 29 32 30 91
3 Vlag van Japan Japan 171 11 7 7 25
4 Vlag van Hongarye Hongarye 167 10 10 12 32
5 Flag of the German Democratic Republic Oos-Duitsland 226 9 9 7 25
6 Vlag van Frankryk Frankryk 200 7 3 5 15
7 Vlag van Tjeggoslowakye Tjeggoslowakye 121 7 2 4 13
8 Vlag van Wes-Duitsland Wes-Duitsland 275 5 11 10 26
9 Vlag van Australië Australië 128 5 7 5 17
10 Vlag van Verenigde Koninkryk Verenigde Koninkryk 225 5 5 3 13
11 Vlag van Meksiko Meksiko (gasheer) 275 3 3 3 9

Bronne[wysig]

  • (en) David Miller: The Official History of the Olympic Games and the IOC: Athens to London 1894–2012. Mainstream Publishing, Edinburgh 2012, ISBN 978-1-84596-611-9
  • (en) Organizing Committee of the Games of the XIX Olympiad Mexico 1968: The Official Report of the Organizing Committee of the Games of the XIX Olympiad Mexico 1968, Volume 1: The Country. Mexiko-Stadt 1968. Part 1 (PDF; 15,0 MB), Part 2 (PDF; 18,1 MB)
  • (en) Organizing Committee of the Games of the XIX Olympiad Mexico 1968: The Official Report of the Organizing Committee of the Games of the XIX Olympiad Mexico 1968, Volume 2: The Organization. Mexiko-Stadt 1968. Part 1 (PDF; 16,4 MB), Part 2 (PDF; 18,8 MB)
  • (en) Organizing Committee of the Games of the XIX Olympiad Mexico 1968: The Official Report of the Organizing Committee of the Games of the XIX Olympiad Mexico 1968, Volume 3: The Games. Mexiko-Stadt 1968. Part 1 (PDF; 25,6 MB), Part 2 (PDF; 11,5 MB)

Eksterne skakels[wysig]

Commons-logo.svg
Wikimedia Commons het meer media verwant aan:


Olimpiese Spele Logo van die Olimpiese Spele

Olimpiese Somerspele: 1896 · 1900 · 1904 · 1906* · 1908 · 1912 · 1916 · 1920 · 1924 · 1928 · 1932 · 1936 · 1940 · 1944 · 1948 · 1952 · 1956 · 1960 · 1964 · 1968 · 1972 · 1976 · 1980 · 1984 · 1988 · 1992 · 1996 · 2000 · 2004 · 2008 · 2012 · 2016 · 2020

Olimpiese Winterspele: 1924 · 1928 · 1932 · 1936 · 1940 · 1944 · 1948 · 1952 · 1956 · 1960 · 1964 · 1968 · 1972 · 1976 · 1980 · 1984 · 1988 · 1992 · 1994 · 1998 · 2002 · 2006 · 2010 · 2014 · 2018 · 2022
Internasionale Olimpiese Komitee - Nasionale Olimpiese Komitee
(*) Die spele van 1906 is deur die IOK georganiseer, maar word nie amptelik deur die IOK erken nie.