Olimpiese Somerspele 1968

vanuit Wikipedia, die vrye ensiklopedie.

Spring na: navigasie, soek

Spele van die XIXe Olimpiade

Gehou in	Mexico-stad, Mexico
Deelnemende lande	112
Deelnemende atlete	5 516 (4 735 mans, 781 vroue)
Items	172 in 20 sporte
Openingseremonie	12 Oktober 1968
Sluitingseremonie	27 Oktober 1968
Amptelik geopen deur	President Gustavo Díaz Ordaz
Atlete-eed	Pablo Lugo Garrido (atletiek)
Beampte-eed	{{{beampte}}}
Olimpiese vlam	Norma Enriqueta Basilio de Sotelo (atletiek)
Vorige Spele	1964: Tokio (Japan)
Volgende Spele	1972: München (Wes-Duitsland)

Die Olimpiese Somerspele van die XIXe Olimpiade word in 1968 in Mexico-stad, Mexico aangebied. Naas Mexico-stad het Detroit, Buenos Aires en Lyon aansoek gedoen om die Spele te mag organiseer.

Die beslissing van die Internasionale Olimpiese Komitee tydens sy kongres in Baden-Baden in 1963 om die Spele aan Mexico-stad toe te wys, sorg vir heelwat onstuimigheid in die sportwêreld. Verskeie medici en afrigters vrees dat die hoë ligging van die stad dramatiese gevolge kan hê. Onni Niskanen, die Sweedse afrigter van Abebe Bikila beweer selfs dat atlete kan sterf. As gevolg van die beslissing doen wetenskaplikes navorsing oor die probleem. Daar word bevind dat dissiplines waar uithouvermoë belangrik is, nie normaal kon verloop nie as gevolg van 'n suurstofgebrek. Naellopers, daarteen sou baat vind by die verlaagde lugweerstand. Daar word voorgestel dat atlete 'n lang aanpassingsperiode gegun word om by die omstandighede aan te pas. Uiteindelik verloop die Spele sonder enige ernstige mediese insidente.

1968 was die jaar van die studentenrewolusies, en dit was ook die geval in Mexico. Voor die aanvang van die Spele vind 'n studenteopstand in Mexiko plaas, om wêreldwye aandag op die klimaat in Mexico te vestig. Die regering bring hierdie opstand hardhandig tot 'n einde, wat onder andere lei tot die Bloedbad van Tlatelolco. Verder was daar nog 'n ander probleem wat die Spele ontwrig het: Die swart Amerikaanse atlete begin 'n protesbeweging in die olimpiese dorp teen die rassediskriminasie waarvan hulle in hulle eie land slagoffers was. 'n Insident vind tydens die medaljeseremonie na die 200 meter plaas. Tommie Smith en John Carlos, onderskeidelik eerste en derde, staan tydens die speel van die Amerikaanse volkslied met gebalde vuiste en geboë hoofde (die swart-mag-saluut). Na die voorval word die tweetal uit die olimpiese dorp geskop.

[wysig] Aantal medaljes

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Verenigde State	-	45	28	34	107
2	Sowjetunie	-	29	32	30	91
3	Japan	-	11	7	7	25
4	Hongarye	-	10	10	12	32
5	Oos-Duitsland	-	9	9	7	25
6	Frankryk	-	7	3	5	15
7	Tjeggoslowakye	-	7	2	4	13
8	Wes-Duitsland	-	5	11	10	26
9	Australië	-	5	7	5	17
10	Verenigde Koninkryk	-	5	5	3	13