Olimpiese Somerspele 1964

Spele van die XVIIIe Olimpiade

Gehou in	Tokio, Japan
Deelnemende lande	93
Deelnemende atlete	5 140 (4 457 mans, 683 vroue)
Items	163 in 19 sporte
Openingseremonie	10 Oktober 1964
Sluitingseremonie	24 Oktober 1964
Amptelik geopen deur	Keiser Hirohito
Atlete-eed	Takashi Ono (gimnastiek)
Beampte-eed
Olimpiese vlam	Yoshinori Sakaï
Vorige Spele	1960: Rome (Italië)
Volgende Spele	1968: Mexico-stad (Mexico)

Die Olimpiese Somerspele van die XVIIIe Olimpiade word in 1964 in Tokio, Japan aangebied. Naas Tokio het Detroit, Wenen en Brussel aansoek gedoen om die spele te kon aanbied. Die spele was die eerste wat in Asië aangebied was.

Tokio was vroeër (in 1940) al gekies om 'n Spele te organiseer, maar die spele word later aan Helsinki, Finland toegewys vanweë Japan se inval in Sjina. Uiteindelik word die Spele van 1940 gekanselleer as gevolg van die uitbreek van die Tweede Wêreldoorlog.

Die organisasie van die 1968-Spele was, danksy 'n begroting van ses-en-twintig miljoen dollar, onberispelik. Die sportakkomodasie was nagenoeg perfek, met 'n indrukwekkende stadion en 'n reusagtige olimpiese swembad. Ondanks hierdie skitterende infrastruktuur ontbreek die die Spele skynbaar tog aan geesdrif en warmte.

Suid-Afrikaanse deelname [wysig]

Suid-Afrika kon nie aan die Spele deelneem nie omdat hulle weens die apartheidstelsel geskors is. Hulle kon eers 28 jaar later aan die Olimpiese Somerspele van 1992 deelneem.

Aantal medaljes [wysig]

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Verenigde State	-	36	26	28	90
2	Sowjetunie	-	30	31	35	96
3	Japan	-	16	5	8	29
4	Duitsland	-	10	22	18	50
5	Italië	-	10	10	7	27
6	Hongarye	-	10	7	5	22
7	Pole	-	7	6	10	23
8	Australië	-	6	2	10	18
9	Tjeggoslowakye	-	5	6	3	14
10	Verenigde Koninkryk	-	4	12	2	18