Pous Sagarias
| Pous Sagarias | |
|---|---|
 |
|
| Pontifikaat begin | 10 Desember 741 |
| Pontifikaat eindig | 22 Maart 752 |
| Voorganger | Gregorius III |
| Opvolger | Stefanus II(III) |
| Gebore | Calabrië, Griekeland |
| Sterf | 15 Maart 752 Rome, Italië |
Sagarias was die 91ste pous van die Rooms-Katolieke Kerk.
Inhoud |
[wysig] Biografie
Pous Sagarias is van Griekse afkoms, gebore in Calabrië die seun van Polichronius. Op 10 Desember 741 volg hy Pous Gregorius III op en regeer tot sy dood op 15 Maart 752. Hy word opgevolg deur Pous Stefanus (II) wat slegs 3 dae geleef het na sy verkiesing en nooit in die amp bevestig is. Tot 1961 is Stefanus (II) wel as wettige pous erken, maar is in die jaar deur die Roomse Kerk van die register geskrap, iets wat al die latere pouse met die naam Stefanus se nommering verander het. Pous Sagarias is toe verder opgevolg deur nog 'n pous Stefanus, naamlik Pous Stefanus II (III).
Die naam ‘Sagarias’ kom uit Hebreeus en beteken 'God gedenk'.
[wysig] Pontifikaat
Tydens die pontifikaat van Sagarias het die Roomse Kerk 'n moeilike tyd belewe. Sy voorganger se ooreenkoms met die hertog van Spoleto het nie die Pouslike stede teen die Lombarde beskerm nie en die pous het direk met Liutprand die koning van die Lombarde onderhandel. Die pous het 'n groot invloed op Liutprand en sy opvolger Ratchis gehad.
Die gesag van die Europese heersers het sterk afgeneem sodat die Pous feitlik die belangrikste heersers was, maar sonder militêre mag. Die Lombarde het Rome weer bedreig en die pous het hulp nodig gehad. In 751 besluit die Franke om hulle swak koning Childerik III te vervang met Pepyn III die Korte, seun van Karel Martèl. Op die manier het die pous 'n sterk bondgenoot bekom wat sy opvolger Pous Stefanus II in 753 kom help het in die stryd teen die Lombarde.
In sy betrekkinge met die Ooste was die pous minder suksesvol. Die pous het die ikonoklasme van keiser Konstantyn V van Bisantium sterk afgekeur en relasies het versleg. Toe die keiser se swaer Artabasdus 'n staatsgreep uitvoer het die pous hom as keiser erken. Dit was 'n fout. Konstantyn het sy swaer gou oorwin en weer keiser geword.
Op teologiese gebied het die pous 'n konsilie belê wat in 745 vasgestel het dat die aartsengel Uriël nie vereer mag word soos Rafaël, Michaël en Gabriël nie, omdat hy slegs in die Apokriewe boek 3 (of 4) Esra voorkom.
[wysig] Verering
Pous Sagarias word as heilige vereer in die Rooms-Katolieke Kerk. Sy feesdag is 15 Maart.
[wysig] Bibliografie
- Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
- Duff, Eamon. Saints and Sinners: A History of the Popes, Yale University Press, 2001. pp 62–63. ISBN 0-300-09165-6
- Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, p. 47. ISBN 0-500-01798-0.
- Migne, Jaques Paul. Patrolog. lat., lxxxix. p. 917 – 960. Briewe en dekrete.
[wysig] Eksterne skakels
- CE Inskrywing in die Catholic Encyclopedia (Engels)
- PTA Inskrywing in "Popes through the Ages" deur J. Brusher S.J. (Engels)
[wysig] Nota
Saamgestel en vertaal uit die Nederlandse, Engelse, Duitse en Franse wikipedia.
[wysig] Opvolging
| Voorafgegaan deur: Gregorius III |
Pous (Pontifex Maximus) 741 – 752 |
Opgevolg deur: Stefanus II(III) |
