Pous Zosimus
vanuit Wikipedia, die vrye ensiklopedie.
Zosimus was die 41ste pous van die Rooms-Katolieke Kerk.
Inhoud |
[wysig] Biografie
Pous Zosimus is gebore in Griekeland die seun van Abram. Hy was vermoedelik van Joodse afkoms. Op 18 Maart 417 volg hy Pous Innocentius I op en regeer tot sy dood op 26 Desember 418. Hy word opgevolg deur Pous Bonifatius I. Die naam ‘Zosimus’ beteken ‘die lewendigste’.
[wysig] Pontifikaat
Tydens sy pontifikaat is begin met die herorganisering van die Galliese kerkprovinsie. Daar het ‘n twis ontstaan na die onregmatige afsetting van biskop Hugo van Arles en die aanstelling van Patroclus deur generaal Constantinus. Patroclus se aanstelling is deur die pous bekragtig en Arles is die belangrikste bisdom van die provinsie gemaak, iets wat deur die biskoppe van Vienne, Marseille en Narbonne as aantasting van hulle mag gesien is. Die twis het voortgeduur tot die pontifikaat van Pous Leo I.
Probleme met die Pelagianisme van Caelestius en Pelagius het ook weer kop uit gesteek. Aanvanklik is Caelestius vrygespreek tydens ‘n byeenkoms in San Clemente in Rome en Pelagius ook na skriftelike geloofsbelydenis. Na tussenkoms van die aartsbiskop Aurelius van Kartago wat aangetoon het dat hulle die pous mislei het, verwerp die pous uiteindelik in sy Epistola Tractoria Pelagianisme finaal. Keiser Honorius het toe met ‘n vervolging van die Pelagiane begin.
Pous Zosimus het ‘n dekreet uitgevaardig wat priesters verbied om ‘n kroeg te betree en dat buite-egtelike kinders nie priesters kon word nie. Na sy dood is Zosimus begrawe in San Lorenzo in Agro Verano.
[wysig] Verering
Zosimus word as heilige vereer in die Rooms-Katolieke Kerk. Sy feesdag is 26 Desember.
[wysig] Verwysings
- Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
- De Rossi, Bulletino di arch. christ., 1881, 91 sqq
- Duchesne, Histoire ancienne de l'église, 111, 228, note
- Harnack Sitzungsberichte der Berliner Akademie, 1904, 1050
[wysig] Eksterne Skakels
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- CE Inskrywing in die Catholic Encyclopedia (Engels)
[wysig] Nota
Saamgestel uit die Nederlandse, Engelse, Duitse en Franse wikipedia.
[wysig] Opvolging
| Vooraf gegaan deur: Innocentius I |
Pous (Pontifex Maximus) 417 – 418 |
Opgevolg deur: Bonifatius I |
| Teenpouse | |
|---|---|
|
Hippolitus – Novatianus – Felix II – Ursinus – Eulalius – Laurentius – Dioscurus – Eugenius I - Theodorus II – Paschalis I – Theofilactus - Konstantyn II – Philippus – Johannes – Anastasius – Christoforus – Bonifatius VII – Donus II - Johannes XVI – Gregorius – Silvester III – Benedictus X – Honorius II – Clemens III – Theodoricus – Albertus – Silvester IV – Gregorius VIII – Celestinus II – Anacletus II – Victor IV – Paschalis III – Callixtus III – Innocentius III – Nicolaas V – Clemens VII – Benedictus XIII – Alexander V – Johannes XXIII – Clemens VIII – Benedictus XIV – Felix V |
|
