Pous Simmachus

in Wikipedia, die vrye ensiklopedie
Spring na: navigasie, soek
Pous Simmachus
Simmaco - mosaico Santa Agnese fuori le mura.jpg
Geboortenaam Simmachus
Pontifikaat begin 22 November 498
Pontifikaat eindig 19 Julie 514
Voorganger Anastasius II
Opvolger Hormisdas
Gebore 450
Sardinië, Italië
Sterf 19 Julie 514
Rome, Italië

Simmachus was die 51ste pous van die Rooms-Katolieke Kerk.

Biografie[wysig]

Pous Simmachus is op Sardinië gebore die seun van Fortunatus, omtrent in 450. Op 22 November 498 volg hy Pous Anastasius II op, maar die Bisantynse kerk verkies Teenpous Laurentius. Laurentius is gesteun deur Anastasius I en Simmachus deur die Gotiese koning Theodorik die Grote. Hy regeer tot sy dood op 19 Julie 514 en word begrawe in die Sint Pieterskerk. Hy word opgevolg deur Pous Hormisdas. Die naam ‘Simmachus’ beteken 'bondgenoot' in ou Grieks.

Pontifikaat[wysig]

In 501 word Simmachus deur senator Festus beskuldig van onder andere buite-egtelike seks. 'n Sinode wat deur Theodorik bymekaar gebring is op 23 Oktober 502, ontneem Simmachus van al sy funksies, maar bepaal dat die pous nie veroordeel kan word nie. Dit lei tot kerkskeuring en Theodorik installeer Teenpous Laurentius in die Lateraanse paleis. Die skeuring duur vier jaar, totdat Theodorik sy steun aan Laurentius onttrek omdat Laurentius te veel pro-Bisantyns opgetree het.

Tydens sy pontifikaat steun Simmachus die Afrikaanse biskoppe in hulle stryd teen die Ariaanse Vandale. Ook die Noord-Italiaanse provinsies word deur hom beskerm teen aanvalle van barbare uit die noorde.

Simmachus het probeer om die datum vir Paasfees vas te stel op 25 Maart, maar dit het nie gewerk nie.

Verering[wysig]

Simmachus word as heilige vereer in die Rooms-Katolieke Kerk. Sy feesdag is op 19 Julie.

Verwysings[wysig]

  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7

Eksterne skakels[wysig]

  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • CE Inskrywing in die Catholic Encyclopedia (Engels)


Nota[wysig]

Saamgestel en vertaal uit die Nederlandse, Engelse, Duitse en Franse wikipedia.

Opvolging[wysig]

Voorafgegaan deur:
Anastasius II
Pous (Pontifex Maximus)
498514
Opgevolg deur:
Hormisdas


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Constantinus IIFilippusJohannes VIIIAnastasius IIIChristoforusBonifatius VII - Johannes XVIGregorius VISilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IV (Gregorius) - Victor IV (Octavianus)Paschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIVFelix V - Martinus IV - Moderne Teenpouse