Pous Urbanus I

in Wikipedia, die vrye ensiklopedie
Spring na: navigasie, soek
Pous Urbanus I
Ravensburg St Christina Hl Urban.jpg
Geboortenaam Urbanus
Pontifikaat begin 222
Pontifikaat eindig 23 Mei 230
Voorganger Callixtus I
Opvolger Pontianus
Gebore
Rome, Italië
Sterf 23 Mei 230
Rome, Italië
Ander pouse genaamd Urbanus

Urbanus I was die sewentiende pous van die Rooms-Katolieke Kerk.

Biografie[wysig]

Pous Urbanus I is gebore in Rome en oorlede op 23 Mei 230. In 222 die jaar waarin keiser Elagabalus deur ‘n sluipmoordenaar vermoor is, volg hy Pous Callixtus I op en word na sy dood opgevolg deur Pous Pontianus.

Daar is nie veel oor sy lewe bekend nie. Hy word tradisioneel verbind met die heilige Cecilia die beskermheilige van musiek. Eusebius noem hom in sy kerkgeskiedenis. Die naam Urbanus beteken “beskaafde”.

Pontifikaat[wysig]

Pous Urbanus I se pontifikaat word gekenmerk deur spanninge met die Romeinse keiser Alexander Severus wat bekend is vir sy Christenvervolgings. Teenpous Hippolitus was ook nog steeds bedrywig in Rome. Die man van Cecilia, Valerianus en sy broer Tibertus is deur hom bekeer. Urbanus se pontifikaat is die eerste een waarvan die datums definitief vasgestel is.

Hy het die volgende dekreet uitgevaardig met betrekking tot kollektegeld:

Die gawes van die gelowiges aan die Here mag slegs vir kerklike doeleindes en die algemene goed van die Christelike gemeenskap gebruik word, want hulle is die geseënde gawes van die gelowiges, die boetedoenings van die sondaars en die erfdeel van die armes.

Verering[wysig]

Urbanus I word as martelaar en heilige vereer. Daar word beweer dat Urbanus die beeld van ‘n afgod laat omval het deur gebed. Hy is daarna geslaan en gemartel voordat hy ter dood veroordeel is deur onthoofding. Tydens die Middeleeue neem sy verering sulke ekstreme vorms aan dat die outoriteite dit aan bande probeer lê het. Met name in Duitstalige lande en die Elsas word hy vereer as die beskermheilige van die wynboere, wingerde, wyn, die winter en kuipers. Hy word aangeroep teen dronkenskap, jig, ryp, onweer en bliksem. Hy is ook die beskermheilige van Maastricht, Toledo, Troyes en Valencia.

Sy feesdag is 25 Mei. Hy word vaak voorgestel met wyn en druiwe, ‘n gevalle afgod langs ‘n gebreekte suil, ‘n gesel, ‘n staak en sy afgekapte kop.

Kuns[wysig]

Urbanus word in verskeie kunswerke voorgestel, meestal sittende met die tiara, die pouslike mantel en ‘n swaard wat na die grond wys. Hier ‘n voorbeeld van so ‘n afbeelding. Verder word hy ook voorgestel met pouslike mantel, ‘n myter, ‘n bybel en ‘n tros druiwe. Soos hier: 1

Eksterne skakels[wysig]

  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)

Verwysings[wysig]

Nota[wysig]

Saamgestel uit die Nederlandse, Engelse, Duitse en Franse wiki’s.

Opvolging[wysig]

Voorafgegaan deur:
Callixtus I
Biskop van Rome
222230
Opgevolg deur:
Pontianus


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Constantinus IIFilippusJohannes VIIIAnastasius IIIChristoforusBonifatius VII - Johannes XVIGregorius VISilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IV (Gregorius) - Victor IV (Octavianus)Paschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIVFelix V - Moderne Teenpouse