Pous Martinus I

in Wikipedia, die vrye ensiklopedie
Spring na: navigasie, soek
Pous Martinus I
Martin I.jpg
Pontifikaat begin 21 Julie 649
Pontifikaat eindig 16 September 655
Voorganger Theodorus I
Opvolger Eugenius I
Gebore ± 600
Todi, Umbrië
Sterf 16 September 655
Cherson, Die Krim
Ander pouse genaamd Martinus

Martinus I was die 74ste pous van die Rooms-Katolieke Kerk.

Biografie[wysig]

Pous Martinus I is gebore naby Todi in Umbrië in 'n plek wat nou na hom vernoem is, Pian S. Martino. Sy pa se naam was Fabricius. Op 21 Julie 649 volg hy Pous Theodorus I op en regeer tot sy dood op 16 September 655. Hy word opgevolg (nog voor sy dood) deur Pous Eugenius I. Die naam ‘Martinus’ beteken 'aan (die Romeinse god) Mars gewy'.

Pontifikaat[wysig]

Pous Martinus I is verkies sonder die toestemming van keiser Konstans II van Bisantium. Die keiser stuur die eksarg van Ravenna na Rome om die pous te arresteer. Die pous was juis besig met die eerste Lateraanse sinode van 5 Oktober 649 tot 31 Oktober 649 waarop die Tipus ('n geskrif uitgevaardig om die geskil tussen die monotelitiste en die ortodokses te besleg en deur die keiser gesteun) verwerp is. Die eksarg Olimpius het besef dat sy inmenging op groot teenstand sou stuit en sluit 'n kompromie met die pous. Hierdeur ontstaan 'n rebellie teen die gesag van Konstantinopel. Olimpius is egter kort daarna dood en die keiser het wraak geneem. Hy stuur 'n nuwe eksarg Theodorus Calliopas, wat die ou en siek pous op 15 Junie 653 arresteer. Martinus word na die hoofstad Konstantinopel gesleep en as verraaier veroordeel op 17 September 654. Hy word na Cherson in die Krim verban waar hy op 26 Maart 655 aankom en op 1 September 655 aan honger en verwaarlosing sterf.

Verering[wysig]

Pous Martinus I word in die Rooms-Katolieke Kerk as heilige vereer. Sy feesdag is op 12 November in die Rooms-Katolieke Kerk en op 13 April en 15 September in die Ortodokse Kerk en op 14 April in die Russiese Kerk..

Bibliografie[wysig]

  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
  • Duff, Eamon. Saints and Sinners: A History of the Popes, Yale University Press, 2001. pp 62–63. ISBN 0300091656
  • Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, p. 47. ISBN 0500017980.

Eksterne skakels[wysig]

Nota[wysig]

Saamgestel en vertaal uit die Nederlandse, Engelse, Duitse en Franse wikipedia.

Opvolging[wysig]

Voorafgegaan deur:
Theodorus I
Pous (Pontifex Maximus)
649655
Opgevolg deur:
Eugenius I


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Constantinus IIFilippusJohannes VIIIAnastasius IIIChristoforusBonifatius VII - Johannes XVIGregorius VISilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IV (Gregorius) - Victor IV (Octavianus)Paschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIVFelix V - Martinus IV - Moderne Teenpouse