Pous Leo XI

in Wikipedia, die vrye ensiklopedie
Spring na: navigasie, soek
Pous Leo XI
Leo XI 2.jpg
C o a Papas Medicis.svg
Geboortenaam Alessandro Ottaviano de' Medici
Pontifikaat begin 1 April 1605
Pontifikaat eindig 27 April 1605
Voorganger Clemens VIII
Opvolger Paulus V
Gebore 2 Junie 1535
Florence, Italië
Sterf 27 April 1605
Rome, Italië
Ander pouse genaamd Leo

Leo XI was die 232ste pous van die Rooms-Katolieke Kerk van 1 April tot 27 April 1605. Weens sy kort pontifikaat word hy die "blitspous" ("Papa lampo") genoem.

Biografie[wysig]

Pous Leo XI[1] is gebore as Alessandro Ottaviano de' Medici op 2 Junie 1535 in Florence, Italië. Hy was die seun van Ottaviano de' Medici. Sy ouma was Lucrezia de' Medici en sy ma Francesca Salviati die niggie van Pous Leo X. Op 22 Julie 1567 word hy priester. Sy oom, Cosimo I de' Medici, groothertog van Toskane, stuur hom as ambassadeur na die pouslike hof van Pous Pius V op 10 Junie 1569. Hy studeer onder leiding van die heilige Philip Neri. Pous Gregorius XIII benoem hom op 9 Maart 1573 tot biskop van Pistoia. Op 15 Januarie 1574 word Alessandro aartsbiskop van Florence. Op 12 Desember 1583 stel Pous Gregorius XIII hom aan as kardinaal. Alessandro was 'n baie godsdienstige mens. Hy is opgevoed deur die Dominikane. In sy bisdom het hy die teen-reformasie gesteun en die besluite van die konsilie van Trente deurgevoer. Op 3 April 1596 stel Pous Clemens VIII hom aan as gesant na Frankryk. Hy het gehelp om Frankryk en Spanje te versoen met die vrede van Vervins en het die invloed van die Hugenote aan die Franse hof help beperk. Op 21 Februarie 1600 stel Pous Clemens VIII hom aan as kardinaal van Trastevere en biskop van Albano op 30 Augustus 1600. Op 17 Junie 1602 word biskop van Palestrina. Op 1 April 1605 volg hy Pous Clemens VIII op en word gekroon op paasfees 10 April 1605 deur kardinaal Francesco Sforza. Hy regeer tot sy dood op 27 April 1605 en word opgevolg deur Pous Paulus V. Die naam ‘Leo’ beteken 'leeu'.

Pontifikaat[wysig]

Alessandro de' Medici word verkies op die konklaaf na die dood van Pous Clemens VIII met die steun van die Franse en Italiaanse kardinale en teen die sin van die Spaanse kardinale. Daar word beweer dat koning Henri IV van Frankryk 300 000 ecu's uitgegee het om Alessandro verkies te kry. Hy neem die naam Pous Leo XI[2] aan ter nagedagtenis aan sy oom Pous Leo X. Kort na sy verkiesing word hy siek, waarskynlik aan longontsteking en beswyk na 27 dae. Leo was sterk gekant teen nepotisme, sodanig dat hy selfs op sy sterfbed geweier het om sy nefie as kardinaal aan te stel. Op sy graf staan geskrywe "Magis ostensus, quam datus", (baie beplan, min gedoen).

Bibliografie[wysig]

  • Duff, Eamon (2001). Saints and Sinners: A History of the Popes, Yale University Press. ISBN 0300091656.
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Verwysings[wysig]

  1. Leo XI. (2008). Encyclopædia Britannica. Deluxe Edition. Chicago: Encyclopædia Britannica.
  2. Ott, M. (1910). Pope Leo XI. In The Catholic Encyclopedia. New York: Robert Appleton Company. Besoek Mei 24, 2010 by: http://www.newadvent.org/cathen/09166a.htm

Eksterne skakels[wysig]

Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)
Commons
Wikimedia Commons het meer media verwant aan:
Leo XI (bladsy)

Nota[wysig]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging[wysig]

Voorafgegaan deur:
Clemens VIII
Pous (Pontifex Maximus)
16051605
Opgevolg deur:
Paulus V
Voorafgegaan deur:
Pedro de Deza
Biskop van Albano
16001602
Opgevolg deur:
Simeone Tagliavia d'Aragona


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Constantinus IIFilippusJohannes VIIIAnastasius IIIChristoforusBonifatius VII - Johannes XVIGregorius VISilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IV (Gregorius) - Victor IV (Octavianus)Paschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIVFelix V - Martinus IV - Moderne Teenpouse

Basis URL: http://de.wikipedia.org/wiki/Leo_XI.