Pous Dionisius

in Wikipedia, die vrye ensiklopedie
Pous Dionisius
Geboortenaam Dionisius
Pontifikaat begin 22 Julie 260
Pontifikaat eindig 26 Desember 268
Voorganger Sixtus II
Opvolger Felix I
Gebore
Turio, Griekeland
Sterf 26 Desember 268
Rome, Italië
Sint Pous Dionisius
Gebore Turio, Griekeland
Sterfte 26 Desember 268, Rome, Italië
Vereer in Rooms-Katolieke Kerk
Feesdag 26 Desember
Attribute Pouslike klere, boeke, Crozier

Dionisius was die 25ste pous van die Rooms-Katolieke Kerk.

Biografie[wysig | wysig bron]

Pous Dionisius was vermoedelik van Griekse afkoms en is gebore in Turio. Nadat die pos vakant was vir 9 maande volg Dionisius Pous Sixtus II op op 22 Julie 260 en regeer tot sy dood op 26 Desember 268. Hy word opgevolg deur Pous Felix I. Die naam ‘Dionisius’ beteken ‘gewei aan die (Griekse) God Dionysos’.

Pontifikaat[wysig | wysig bron]

Dionisius versterk die bande met die Afrikaanse en Midde-Oosterse kerke. Hy stuur baie geld na die Gote om kerke te herbou en gyselaars te bevry. Tydens sy bewind vaardig keiser Gallienus in 260 'n dekreet uit waarin beveel word dat die Christene met rus gelaat moet word. Dit het die herstel van die Kerk bespoedig. Onder protes van die gelowiges in Alexandrië het hy 'n verduideliking van die biskop van Alexandrië (wie se naam ook Dionisius was) gevra oor die se leerstelling oor die verband tussen God en Logos. Die biskop het aan die versoek voldoen, wat die belangrikheid van die biskop van Rome versterk het. In 261 hou hy 'n konsilie in Rome wat die dwaalleer van Sabellius bestry en veroordeel die subordianisme.

Verering[wysig | wysig bron]

Dionisius word vereer as 'n heilige, maar is die eerste pous wat nie martelaar genoem word nie. Sy feesdag is dieselfde as sy sterfdag nl. 26 Desember. In Frankryk en Augsburg word sy feesdag op 22 April gevier, die dag van sy heiligverklaring.

Eksterne skakels[wysig | wysig bron]


Nota[wysig | wysig bron]

Saamgestel uit die Nederlandse, Engelse, Duitse en Franse wiki’s.

Opvolging[wysig | wysig bron]

Voorafgegaan deur
Sixtus II
Biskop van Rome
260268
Opgevolg deur
Felix I