Pous Gregorius V

in Wikipedia, die vrye ensiklopedie
Pous Gregorius V
Geboortenaam Bruno van Karintië
Pontifikaat begin 3 Mei 996
Pontifikaat eindig 18 Februarie 999
Voorganger Johannes XV
Opvolger Silvester II
Gebore ± 972
Stainach, Steiermark
Sterf 18 Februarie 999
Rome, Italië
Ander pouse genaamd Gregorius

Gregorius V was die 138ste pous van die Rooms-Katolieke Kerk.

Biografie[wysig | wysig bron]

Pous Gregorius V is gebore as Bruno van Karintië in Stainach, Steiermark ongeveer in 972. Hy was die tweede seun van Otto I van Wormsgau ( vanaf 978 hertog van Karintië) en sy vrou Judith, dogter van graaf Heinrich en die kleinseun van keiser Otto I van die Heilige Romeinse Ryk. Hy is eers deur aartsbiskop Wiligis in Mainz en later deur Johannes Philagatos opgevoed. Bruno het as huispriester vir sy neef keiser Otto III gewerk en die keiser het hom voorgestel as die nuwe pous. Op 3 Mei 996 volg hy Pous Johannes XV op en regeer tot sy dood op 18 Februarie 999. Hy word opgevolg deur Pous Silvester II. Hy was die eerste Duitse pous. Soms word Pous Bonifatius II as die eerste Duitse pous getel, maar hy was eintlik 'n Oos-Goot. Die naam ‘Gregorius’ beteken 'wagter'.

Pontifikaat[wysig | wysig bron]

Pous Gregorius V was lojaal aan die keiser. Op 21 Mei 996 kroon hy sy neef Otto III tot keiser van die Heilige Romeinse Ryk. 'n Paar dae na die kroning hou hulle saam 'n sinode waarop Arnulf weer as aartsbiskop van Reims aangestel word en Gerbert die toekomstige Pous Silvester II afgeset word. Op dieselfde sinode word Robert II van Frankryk gedwing om die reg om biskoppe in Frankryk aan te stel, op te gee.

Tot by die sinode van Pavia 997 het Gregorius 'n teenstander gehad in Teenpous Johannes XVI die kandidaat van Crescentius II en die adel van Rome. Die keiser Otto III het 'n einde gemaak aan die probleem deur Rome te verower in April 997. Die troepe het Johannes gevang, sy neus en ore afgesny, sy tong uitgesny en hom blind gemaak. Hy is verban na die klooster in Fulda waar hy op 2 April 1013 sterf. Crescentius is aan die mure van die Engeleburg opgehang op 29 April 998.[1]

Die pous sterf op 18 Februarie 999 in Rome, waarskynlik aan malaria.

Bibliografie[wysig | wysig bron]

  • Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.

Verwysings[wysig | wysig bron]

  1. "Gregory V." Encyclopædia Britannica. 2008. Encyclopædia Britannica Online. 6 Junie 2008 <http://www.britannica.com/eb/article-9038021[dooie skakel]>

Eksterne skakels[wysig | wysig bron]

Wikisource
Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota[wysig | wysig bron]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging[wysig | wysig bron]

Voorafgegaan deur
Johannes XV
Pous (Pontifex Maximus)
996999
Opgevolg deur
Silvester II