Pous Gregorius I
vanuit Wikipedia, die vrye ensiklopedie.
| Pous Gregorius I die Grote | |
|---|---|
|
|
| Pontifikaat begin | 3 September 590 |
| Pontifikaat eindig | 12 Maart 604 |
| Voorganger | Pelagius II |
| Opvolger | Sabinianus |
| Gebore | ±540 Rome, Italië |
| Sterf | 12 Maart 604 Rome, Italië |
| Ander pouse genaamd Gregorius | |
Gregorius I was die 64ste pous van die Rooms-Katolieke Kerk. In die Ortodokse Kerk word hy Gregorius Dialogus genoem.
Inhoud |
[wysig] Biografie
Pous Gregorius I is in Rome gebore ongeveer in die jaar 540. Sy oupagrootjie se pa was Pous Felix III. Sy pa se naam was Gordianus en sy ma was Sint Silvia. Op 3 September 590 volg hy Pous Pelagius II op en regeer tot sy dood op 12 Maart 604. Hy word opgevolg deur Pous Sabinianus. Die naam ‘Gregorius’ beteken 'wagter'.
Pous Gregorius I was baie beïndruk deur die reglement van die Benediktyne-kloosterorde. Hy het 'n biografie van Sint Benedictus van Nursia die stigter van die kloosterorde geskrywe waardeur die orde nog meer populêr geword het. Hy was ook 'n aanhanger van Augustinus van Hippo.
[wysig] Pontifikaat
Gregorius staan bekend as 'n goeie administrateur en organiseerder. In 573 word hy prefek van Rome, maar besluit om monnik te word. Hy herorganiseer die finansies van die pousdom. By die invalle van die Lombarde het hy persoonlik na die verdediging van Rome omgesien en vir vrede onderhandel. Hy het Augustinus van Kantelberg as sendeling na Brittanje gestuur. Gregorius het die mag van die pous en die biskoppe uitgebrei. Hy lê die teoretiese basis vir die leiding van die kerk. Die Gregoriaanse Kerksang is na hom vernoem hoewel dit reeds lank voor die tyd bestaan het.
Pous Gregorius I is bekend vir sy boek "Dialoog". Dit het die hagiografie (lewensbeskrywing van heiliges) lank beïnvloed. Die "Moralia in Job" oor die Bybelboek Job, is in die Middeleeue baie gelees. Van sy "Kommentaar op Hooglied" het ongelukkig net 'n klein deel behoue gebly. In die "Regula pastoralis" gee hy aanwysings vir priesters oor die uitvoering van hulle pligte. Gregorius I is een van die vier kerkvaders van die Rooms-Katolieke Kerk.
Volgens 'n bekende legende voorspel hy die dood van die Heilige Serafina.
[wysig] Verering
Pous Gregorius I is deur Pous Bonifatius VIII heilig verklaar in 1295. Sy feesdag is 3 September in die Rooms-Katolieke Kerk en die Anglikaanse Kerk. In die Ortodokse Kerk en die Evangelies Lutherse Kerk in Amerika is dit op 12 Maart.
Pous Gregorius I is die beskermheilige van kerkskole, myne, koorsang, onderwysers, skoliere, studente, sangers, musikante, messelaars en knoopmakers. Hy word aangeroep teen jig en builepes.
[wysig] Verwysings
- Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
- Duff, Eamon. Saints and Sinners: A History of the Popes, Yale University Press, 2001. pp 62–63. ISBN 0300091656
- Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, p. 47. ISBN 0500017980.
- Joost van Neer, Anke Tigchelaar en Gerard Bartelink, Gregorius de Grote, Je borsten zijn zoeter dan wijn, Commentaar op Hooglied (Expositio in Canticis canticorum), Damon Budel 2007 - ISBN 978-90-5573-820-5
[wysig] Eksterne Skakels
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- Gregor der Große: Vita Benedicti (duits)
- CE Inskrywing in die Catholic Encyclopedia (Engels)
[wysig] Nota
Saamgestel en vertaal uit die Nederlandse, Engelse, Duitse en Franse wikipedia.
[wysig] Opvolging
| Vooraf gegaan deur: Pelagius II |
Pous (Pontifex Maximus) 590 – 604 |
Opgevolg deur: Sabinianus |
| Teenpouse | |
|---|---|
|
Hippolitus – Novatianus – Felix II – Ursinus – Eulalius – Laurentius – Dioscurus – Eugenius I - Theodorus II – Paschalis I – Theofilactus - Konstantyn II – Philippus – Johannes – Anastasius – Christoforus – Bonifatius VII – Donus II - Johannes XVI – Gregorius – Silvester III – Benedictus X – Honorius II – Clemens III – Theodoricus – Albertus – Silvester IV – Gregorius VIII – Celestinus II – Anacletus II – Victor IV – Paschalis III – Callixtus III – Innocentius III – Nicolaas V – Clemens VII – Benedictus XIII – Alexander V – Johannes XXIII – Clemens VIII – Benedictus XIV – Felix V |
|
