Pous Benedictus XI
| Pous Benedictus XI | |
|---|---|
 |
|
 |
|
| Geboortenaam | Niccolò Boccasini |
| Pontifikaat begin | 22 Oktober 1303 |
| Pontifikaat eindig | 7 Julie 1304 |
| Voorganger | Bonifatius VIII |
| Opvolger | Clemens V |
| Gebore | 1240 Treviso, Italië |
| Sterf | 7 Julie 1304 Perugia, Italië |
| Ander pouse genaamd Benedictus | |
Benedictus XI was die 194ste pous van die Rooms-Katolieke Kerk van 1303 tot 1304.
Inhoud |
[wysig] Biografie
Pous Benedictus XI [1] is gebore as Niccolò Boccasini in 1240 in Treviso, Italië. Hy sluit hom aan by die orde van die Dominikane en studeer en doseer teologie. In 1286 word hy provinsie-leier van die orde in Lombardye. In Mei 1296 word hy magister-generaal van die Dominikane. Hy was ‘n kragtige verdediger van die beleid van Pous Bonifatius VIII en die pous bevorder hom tot kardinaal in 1298. Op 22 Oktober 1303 volg hy Pous Bonifatius VIII op en regeer tot sy dood op 7 Julie 1304. Hy word opgevolg deur Pous Clemens V. Die naam ‘Benedictus’ beteken 'geseënde’.
[wysig] Pontifikaat
Pous Benedictus XI[2] het verwikkel geraak in konflikte met die kardinale van die Colonna familie. Weens die spanning wat die konflikte veroorsaak het, het hy in 1304 Rome verlaat en na Perugia gegaan. Hy het toegewings gemaak aan koning Philip IV (die Skone) van Frankryk en die bul “Cleris Laicos” amper volledig teruggetrek, maar het Guillaume de Nogaret en sy helpers, wat die aanslag op Pous Bonifatius VIII gepleeg het by Anagni, op 7 Junie 1304 geëkskommunikeer. Hy het ook die bul “Super cathedram” wat die bedelordes verbied het om te preek en bieg te hoor, teruggetrek.
Op 18 Desember 1303 bevorder die pous Niccolò Alberti OP tot kardinaal en op 19 Februarie 1304 vir Walter Winterburn OP.
Pous Benedictus X word deesdae as ‘n teenpous beskou. In Pous Benedictus XI se tyd was dit egter nie so nie. Dit is die rede hoekom Pous Benedictus XI die getal XI en nie X gekies het om sy naam aan te dui. Dit het dan ook al die volgende Benedictus pouse se nommer met een aangeskuif.
[wysig] Verering
Pous Benedictus XI is deur Pous Clemens XII salig verklaar op 24 April 1736. Sy feesdag is op 7 Julie.
[wysig] Bibliografie
- Duff, Eamon (2001). Saints and Sinners: A History of the Popes, Yale University Press. ISBN 0300091656.
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.
[wysig] Verwysings
- ^ Benedict XI, Blessed. (2008). Encyclopædia Britannica. Deluxe Edition. Chicago: Encyclopædia Britannica
- ^ Waldron, M.A. (1907). Pope Benedict XI. In The Catholic Encyclopedia. New York: Robert Appleton Company. Besoek Januarie 4, 2009 by http://www.newadvent.org/cathen/02429c.htm
[wysig] Eksterne skakels
- CE Inskrywing in die Catholic Encyclopedia (Engels)
- CF Inskrywing in die Catholic Forum (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
[wysig] Nota
Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
[wysig] Opvolging
| Voorafgegaan deur: Stephan von Besançon |
Magister-Generaal van die Dominikane 1296 – 1299 |
Opgevolg deur: Albertus de Chiavari |
| Voorafgegaan deur: Leonardo |
Biskop van Ostia 1300 – 1303 |
Opgevolg deur: Niccolo II Alberti |
| Voorafgegaan deur: Bonifatius VIII |
Pous (Pontifex Maximus) 1303 – 1304 |
Opgevolg deur: Clemens V |
