Pous Eugenius III

in Wikipedia, die vrye ensiklopedie
Spring na: navigasie, soek
Pous Eugenius III
B Eugen III.jpg
Geboortenaam Bernardo Pignatelli
Pontifikaat begin 15 Februarie 1145
Pontifikaat eindig 8 Julie 1153
Voorganger Lucius II
Opvolger Anastasius IV
Gebore
Montemagno, Italië
Sterf 8 Julie 1153
Tivoli, Italië
Ander pouse genaamd Eugenius

Eugenius III was die 167ste pous van die Rooms-Katolieke Kerk.

Biografie[wysig]

Pous Eugenius III[1] is gebore as Bernardo Pignatelli (ook Bernardo dei Paganelli di Montemagno) in Montemagno by Pisa, Italië. Voor sy verkiesing was hy ab van die Cisterciënserklooster net buite Rome. Op 15 Februarie 1145 volg hy Pous Lucius II op en regeer tot sy dood op 8 Julie 1153. Hy word opgevolg deur Pous Anastasius IV. Die naam ‘Eugenius’ beteken 'adelike'.

Pontifikaat[wysig]

Pous Eugenius III[2] is verkies weens die afwesigheid van ander geskikte kandidate en sy vriendskap met Bernard van Clairvaux. Bernard self het gedink dat Eugenius nie die regte eienskappe het nie. Eugenius het die grootste gedeelte van sy pontifikaat buite Rome gewoon. Hy is ingehuldig in die klooster van Farfa. Rome was onder die invloed van Arnold van Brescia wat die Romeinse verset teen die wêreldlike mag van die pous gelei het. Eugenius het hulp gesoek by stede wat hulle teen Rome se heerskappy verset het en het 'n kort tydjie sy posisie in Rome gehandhaaf, maar nie lank nie. Hy verlaat Rome in Maart 1146 en via Viterbo en Sienna kom hy uiteindelik in Frankryk.

In Desember 1145 het die Turke Edessa ingeneem onder leiding van emir Zengi van Mossul en Aleppo en die pous het 'n bul "Quatum praedessores" uitgegee waarin hy veral koning Lodewyk VII van Frankryk oproep tot die tweede kruistog. Die oproep is gesteun deur die Ryksdag van Speyer in 1146. Ook koning Konraad III en baie adellikes van Duitsland is deur Bernard van Clairvaux oortuig om aan die kruistog deel te neem.

Tydens sy bewind hou Eugenius sinodes in Parys, Reims (21 Maart 1148), Trier en Cremona (7 Julie 1148). Die sinodes is bedoel om die kerklike lewe te hervorm. Die pous het ook met lof gepraat oor die lewe van Hildegard van Bingen, 'n Duitse abdis en mistikus.

In 1149 keer Pous Eugenius III terug na Italië en woon in Viterbo. Op 8 April 1149 vlug hy na die fort van prins Ptolemy in Tusculum. Vanaf 7 November 1150 kon hy hom vir 'n kort tydjie in Rome handhaaf met die hulp van die koning van Sisilië. Die nuwe keiser van die Heilige Romeinse Ryk, Frederik Barbarossa belowe om hom te steun in die verdrag van Konstans op 23 Maart 1153, maar die pous sterf voordat die steun bewaarheid is.

Pous Eugenius II het die stigting van die Malteser Orde (ook Orde van Malta) goedgekeur.

Verering[wysig]

Na Pous Eugenius III se begrafenis in die Vatikaan word wonderbaarlike genesings by sy graf gemeld. Die pous word op 28 September 1872 salig verklaar deur Pous Pius IX. Sy feesdag in die Rooms-Katolieke Kerk is op 8 Julie.

Bibliografie[wysig]

  • Duff, Eamon (2001). Saints and Sinners: A History of the Popes, Yale University Press. ISBN 0300091656.
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Verwysings[wysig]

  1. "Blessed Eugenius III." Encyclopædia Britannica. 2008. Encyclopædia Britannica Online. 25 Julie. 2008 <http://www.britannica.com/EBchecked/topic/195090/Blessed-Eugenius-III>
  2. Loughlin, James. "Pope Blessed Eugene III." The Catholic Encyclopedia. Vol. 5. New York: Robert Appleton Company, 1909. 25 Jul. 2008 http://www.newadvent.org/cathen/05599a.htm

Eksterne skakels[wysig]

  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota[wysig]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging[wysig]

Voorafgegaan deur:
Lucius II
Pous (Pontifex Maximus)
11451153
Opgevolg deur:
Anastasius IV


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Constantinus IIFilippusJohannes VIIIAnastasius IIIChristoforusBonifatius VII - Johannes XVIGregorius VISilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IV (Gregorius) - Victor IV (Octavianus)Paschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIVFelix V - Moderne Teenpouse