Pous Julius I

in Wikipedia, die vrye ensiklopedie
Spring na: navigasie, soek
Pous Julius I
Iulius I.jpg
Geboortenaam Julius
Pontifikaat begin 6 Februarie 337
Pontifikaat eindig 12 April 352
Voorganger Markus
Opvolger Liberius
Gebore
Rome, Italië
Sterf 12 April 352
Rome, Italië
Ander pouse genaamd Julius

Julius I was die 35ste pous van die Rooms-Katolieke Kerk.

Biografie[wysig]

Pous Julius I was ‘n Romein van geboorte, die seun van Rustics. Op 6 Februarie 337 volg hy Pous Markus op en regeer tot sy dood op 12 April 352. Hy word opgevolg deur Pous Liberius. Die naam ‘Julius’ beteken uit die geslag van die Juliërs.

Pontifikaat[wysig]

Die pontifikaat van Pous Julius I word gekenmerk deur indringende optrede in die Ariaanse kwessie. Na die dood van Konstantyn die Grote op 22 Mei 337 het sy seun Konstantyn II goewerneur van Gallië, Athanasius toegelaat om na die bisdom van Alexandrië terug te keer. Die Ariane in Egipte het egter hulle eie biskop aangestel ene Pistus en het ‘n afvaardiging na Rome gestuur om Pous Julius te vra om die aanstelling te bekragtig. Die afvaardiging het die besluite van die raad van Tyrus (335) saamgebring om aan te toon dat Athanasius wettig afgeset is. Athanasius het sy eie afvaardiging na Rome gestuur met ‘n sinodale brief van die Egiptiese biskoppe wat hulle patriarg verdedig het. Toe Athanasius se gesante in Rome aankom het Macarius die leier van die Ariaanse gesante die stad verlaat. Die twee oorblywende Ariaanse gesante en die afgevaardigdes van Athanasius is deur Pous Julius opgeroep om voor hom te verskyn. Die Ariaanse gesante het by die Pous gepleit dat hy ‘n groot sinode moet saamroep waar beide partye hulle saak kon stel. Pous Julius het daartoe ingewillig.

Julius het die sinode in Rome laat plaasvind en twee gesante na die biskoppe van die Midde Ooste gestuur om hulle daarheen uit te nooi. Onder die leiding van Eusebius van Nicomedia wat biskop van Konstantinopel was, het die biskoppe van die Midde Ooste hulle eie sinode gehou in Antiochië en het George van Cappadocië in Pistus se plek as biskop van Alexandrië gekies. George het Athanasius uit Alexandrië verdryf en Athanasius het na Rome gevlug. Baie ander biskoppe onder andere Marcellus van Ancyra wat deur die Ariane verdryf is, het ook na Rome gekom. Die Ariaanse biskoppe van Eusebius het geweier om die sinode in Rome by te woon. Die sinode is gehou in die herfs van 340 of 341 onder voorsitterskap van die Pous in die kerk van die ouderling Vitus. Die sinode bevind dat Athanasius en Marcellus van Ancyra heraangestel moet word en berispe die biskoppe van die Midde Ooste dat hulle eers vir die Pous toestemming moes gevra het, voordat hulle die biskoppe afgeset het.

Na sy oorwinning oor sy broer Konstantyn II was keiser Konstans heerser oor die grootste deel van die Romeinse Ryk. Hy het voorspraak gedoen by sy broer Konstantius keiser van die Ooste ten voordele van die afgesette biskoppe. Beide heersers het saamgestem dat ‘n algemene kerkvergadering van die Westerse en die Oosterse biskoppe gehou moet word om die saak te besleg. Die kerkvergadering is gehou in die herfs van 342 of 343 in Sardica die belangrikste stad in die provinsie Dacia Mediterranea (naby die huidige Sofia). Julius het Archidamus, Philoxenus en die diaken Leo as sy afgevaardigdes gestuur. Die Ariaanse biskoppe het nie deelgeneem nie, maar die vergadering het die prosedure vir die aanklagte teen biskoppe en die Pous se reg op ingrype noukeurig vasgelê. Nie teenstaande sy onskuldigbevinding deur die sinode van Sardica is Athanasius nie deur die keiser heraangestel nie tot na die dood van George.

In 346 skryf Pous Julius in brief aan die gemeente van Alexandrië om hulle geluk te wens met die terugkeer van hulle wettige biskop.

Die biskoppe Ursacius van Singidunum en Valens van Musia wat deur die sinode afgeset is, het hulle van Arianisme bekeer en is deur die Pous heraangestel.

Julius het twee basilieke in Rome laat bou, Santa Maria in Trastevere en die basiliek Julia (nou die Kerk van die Twaalf Apostels). Hy het ook drie begraafplase in Rome laat aanlê: een op pad na Porto, een op die Via Aurelia en ‘n derde op die Via Flamina by die graf van St. Valentein.

Die verering van heiliges het vinnig versprei en in 336 stel Philocalus ‘n vereringsalmanak op.

Verering[wysig]

Julius I word as heilige vereer in die Rooms-Katolieke Kerk. Sy reliek word bewaar in Santa Maria in Trastevere. Sy feesdag is op 12 April. Hy is die beskermheilige van die toiletskoonmakers.

Verwysings[wysig]

  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
  • Duff, Eamon. Saints and Sinners: A History of the Popes, Yale University Press, 2001, pp. 30–32. ISBN 0300091656

Eksterne skakels[wysig]


Nota[wysig]

Saamgestel uit die Nederlandse, Engelse, Duitse en Franse wiki’s.

Opvolging[wysig]

Voorafgegaan deur:
Markus
Biskop van Rome
337352
Opgevolg deur:
Liberius


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Constantinus IIFilippusJohannes VIIIAnastasius IIIChristoforusBonifatius VII - Johannes XVIGregorius VISilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IV (Gregorius) - Victor IV (Octavianus)Paschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIV (Bernard Garnier) - Benedictus XIV (Jean Carrier)Felix V