Pous Vigilius

in Wikipedia, die vrye ensiklopedie
Spring na: navigasie, soek
Pous Vigilius
Vigilius.jpg
Pontifikaat begin 29 Maart 537
Pontifikaat eindig 7 Junie 555
Voorganger Silverius
Opvolger Pelagius I
Gebore ±500
Rome, Italië
Sterf 7 Junie 555
Sirakuse, Sisilië

Vigilius was die 59ste pous van die Rooms-Katolieke Kerk.

Biografie[wysig]

Pous Vigilius is uit 'n ou Romeinse familie. Sowel sy pa Johannes, as sy oupa was waarskynlik konsuls. Sy broer Reparatus was 'n senator (Procopius, De bello gothico, I, 26). Vigilius is as deken in die kerk ingewy in 531. Pous Bonifatius II het Vigilius aanvanklik as sy opvolger aangedui, maar weens teenkanting sy besluit herroep. Onder Pous Agapetus I word hy as pouslike verteenwoordiger na Konstantinopel gestuur. Na Agapetus se dood word hy deur die Bisantynse keiser na Rome gestuur as die nuwe pous. Die Gote het egter Pous Silverius as pous aangestel. Nadat Belisarius Pous Silverius afgeset het, volg Vigilius op 29 Maart 537 Pous Silverius op en regeer tot sy dood op 7 Junie 555. Hy word opgevolg deur Pous Pelagius I. Die naam ‘Vigilius’ beteken 'die wagter'.

Pontifikaat[wysig]

Pous Vigilius hou sy voorganger Pous Silverius gevange en die sterf gou weens die harde behandeling. Vigilius is allerweë gesien as 'n strooipop van die keiser. In 540 neem die pous stelling in teen die monofisiete. Verskeie briewe van die pous het bewaar gebly. Op 6 Maart 538 skryf hy aan biskop Caesarius van Arles oor die boetedoening van koning Theodobert omdat die met sy broer se weduwee getrou het. Op 29 Junie 538 stuur hy 'n dekreet aan biskop Profuturus van Braga oor kerkdisipline. In 543 ontstaan verdere moeilikhede vir die pous deur die veroordeling van Origenes deur keiser Justinianus. In 'n poging om 'n wig te dryf tussen die monofisiete en die nestoriane besluit die kerk in Konstantinopel die sogenaamde Drie Hoofstukke te veroordeel. In die weste was daarteen veel verset, veral deur Pelagius die Vigilius later sou opvolg. Vigilius word deur die keiser na Konstantinopel ontbied. Juis in daardie tyd word Rome deur die koning Totila van die Oos-Gote beleër. Vigilius gaan tog na Konstantinopel op 22 November 545 en word deur die bevolking van Rome as verraaier bestempel. Na agt jaar in Konstantinopel gee die pous toe aan die versoek van die keiser en veroordeel die Drie Hoofstukke. In 555 probeer die pous na Rome terugkeer maar sterf op pad in Sirakuse in Sisilië.

Verering[wysig]

Pous Vigilius is begrawe in die basiliek van Sint Silvester oor die katakombe van Sint Priscilla op die Via Salaria.

Verwysings[wysig]

  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7

Eksterne skakels[wysig]

  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • CE Inskrywing in die Catholic Encyclopedia (Engels)


Nota[wysig]

Saamgestel en vertaal uit die Nederlandse, Engelse, Duitse en Franse wikipedia.


Opvolging[wysig]

Voorafgegaan deur:
Silverius
Pous (Pontifex Maximus)
537555
Opgevolg deur:
Pelagius I


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Konstantyn IIPhilippusJohannesAnastasiusChristoforusBonifatius VIIDonus II - Johannes XVIGregoriusSilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IVPaschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIV (Bernard Garnier) - Benedictus XIV (Jean Carrier)Felix V