Pous Johannes XIX
vanuit Wikipedia, die vrye ensiklopedie.
| Pous Johannes XIX | |
|---|---|
 |
|
| Geboortenaam | Romanus van Tusculum |
| Pontifikaat begin | 19 April 1024 |
| Pontifikaat eindig | 20 Oktober 1032 |
| Voorganger | Benedictus VIII |
| Opvolger | Benedictus IX |
| Gebore | Rome, Italië |
| Sterf | 20 Oktober 1032 Rome, Italië |
| Ander pouse genaamd Johannes | |
Johannes XIX was die 144ste pous van die Rooms-Katolieke Kerk en die tweede Tusculum pous[1].
Inhoud |
[wysig] Biografie
Pous Johannes XIX is gebore as Romanus van Tusculum in Rome, Italië die seun van graaf Gregorius van Tusculum en sy vrou Maria. Voor sy verkiesing was Johannes 'n konsul en 'n senator. Op 19 April 1024 volg hy sy broer Pous Benedictus VIII op en regeer tot sy dood op 20 Oktober 1032. Hy word opgevolg deur sy neef Pous Benedictus IX. Die naam ‘Johannes’ beteken 'God is genadig'.
[wysig] Pontifikaat
Pous Johannes XIX was 'n leek toe hy verkies is. Hy is vinnig tot biskop gewy sodat hy pous kon word. Johannes is omgekoop om die patriarg van Konstantinopel die titel van ekumeniese biskop te gee. Dit het egter soveel negatiewe reaksie uitgelok dat hy dit amper dadelik weer teruggetrek het.
Keiser Hendrik II sterf in 1024 en die pous gee sy steun aan Koenraad II en kroon hom en sy vrou Gisela tot keiser in die Sint Pieterskerk op 26 Maart 1027. In 1025 seën hy die kroning van die Poolse koning Boleslav Chrobry. Op 6 April 1027 hou Johannes 'n sinode in die Lateraanse paleis en steun die patriarg van Aquileia teen die biskop van Grado. In 1029 het die pous sy beslissing herroep n die biskop van Grado in al sy funksies herstel. In 1025 gee die pous aan Bisantius, aartsbiskop van Bari die reg om twaalf onderbiskoppe te wy.
Pous Johannes XIX was die eerste pous wat 'n aflaat verkoop het, iets wat later een van die redes vir die reformasie geword het[2].
Die volgende pous met die naam Johannes is Pous Johannes XXI. Pous Johannes XX het nooit bestaan nie.
[wysig] Bibliografie
- Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.
[wysig] Verwysings
- ^ "John XIX." Encyclopædia Britannica. 2008. Encyclopædia Britannica Online. 13 Junie 2008 <http://www.britannica.com/eb/article-9043769>
- ^ Catholic_Forum
[wysig] Eksterne Skakels
- CE Inskrywing in die Catholic Encyclopedia (Engels)
- CF Inskrywing in die Catholic Forum (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
- GM Inskrywing in die Genealogie van die Middeleeue (Duits)
[wysig] Nota
Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
[wysig] Opvolging
| Vooraf gegaan deur: Benedictus VIII |
Pous (Pontifex Maximus) 1024 – 1032 |
Opgevolg deur: Benedictus IX |
| Teenpouse | |
|---|---|
|
Hippolitus – Novatianus – Felix II – Ursinus – Eulalius – Laurentius – Dioscurus – Eugenius I - Theodorus II – Paschalis I – Theofilactus - Konstantyn II – Philippus – Johannes – Anastasius – Christoforus – Bonifatius VII – Donus II - Johannes XVI – Gregorius – Silvester III – Benedictus X – Honorius II – Clemens III – Theodoricus – Albertus – Silvester IV – Gregorius VIII – Celestinus II – Anacletus II – Victor IV – Paschalis III – Callixtus III – Innocentius III – Nicolaas V – Clemens VII – Benedictus XIII – Alexander V – Johannes XXIII – Clemens VIII – Benedictus XIV – Felix V |
|
