Pous Formosus

in Wikipedia, die vrye ensiklopedie
Spring na: navigasie, soek
Pous Formosus
Pouse Formosus en Stefanus VI tydens die "kadawersinode"
Pontifikaat begin 6 Oktober 891
Pontifikaat eindig 4 April 896
Voorganger Stefanus V
Opvolger Bonifatius VI
Gebore ±816
Perello, Korsika
Sterf 4 April 896
Rome, Italië

Formosus was die 111de pous van die Rooms-Katolieke Kerk.

Biografie[wysig]

Pous Formosus is gebore ongeveer in 816 in Perello, Korsika. In 864 word hy gewy tot kardinaal-biskop van Porto tydens die bewind van Pous Nicolaas I. Hy reis na Bulgarye in 866, Duitsland en Frankryk in 869 en 872 om die Rooms-Katolieke Kerk te bevorder. Formosus oorreed Karel die Kale, koning van Frankryk, om hom deur die pous te laat kroon. Pous Johannes VIII het die talentvolle Formosus as 'n bedreiging gesien en in 872 het die pous hom afgedank en beskuldig van verraad omdat hy sy bisdom sonder toestemming verlaat het en omdat hy openlik na die pousskap gestrewe het. Johannes se opvolger Pous Marinus I het die beslissing in 883 ongedaan gemaak. Formosus was bekend as diplomaat en tydens die sinode van 869 het hy groot invloed gehad. Op 6 Oktober 891 volg hy Pous Stefanus V op en regeer tot sy dood op 4 April 896. Hy word opgevolg deur Pous Bonifatius VI. Die naam ‘Formosus’ beteken 'pragtig'.

Pontifikaat[wysig]

Pous Formosus het sy talent vir diplomasie gebruik om die verhoudings tussen Rome en Konstantinopel te verbeter. Hy het ook die Christendom in Noord-Europa versterk. Formosus was haaks met hertog Guido III van Spoleto, maar kroon hom tog as keiser van die Heilige Romeinse Ryk in April 892.

Formosus het Arnulf van Karintië oorgehaal om die Italiaanse skiereiland binne te val en beheer oor Italië oor te neem. In 894 het Arnulf se leër die gebied noord van die Po-rivier beset. Hertog Guido III van Spoleto is dood in Desember 894 en sy jong seun Lambert word deur sy vrou Agiltrude grootgemaak. In die herfs van 895 onderneem Arnulf sy tweede veldtog na Italië en in 896 word hy deur die pous tot keiser van die Heilige Romeinse Ryk gekroon. Die nuwe keiser het Spoleto probeer aanval, maar het verlam geraak en kon nie sy kampanje voltooi nie.

Na sy dood is sy lyk op bevel van Pous Stefanus VI (VII), onder aanstigting van Lambert en Agiltrude, opgegrawe en aan 'n skynproses onderwerp wat later bekend geword het as die 'Kadawersinode'. Formosus is veroordeel, drie vingers van sy regterhand is afgekap en sy lyk is in die Tiber gegooi, maar deur 'n monnik uitgehaal en begrawe. In November 897 het Pous Teodorus II die besluite van die kadawersinode geannuleer en Formosus in die Sint Pieterskerk laat begrawe. Later het Pous Sergius III die lyk weer laat opgrawe, dit laat onthoof en weer in die Tiber-rivier gegooi.

Bibliografie[wysig]

  • Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.

Eksterne skakels[wysig]

Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota[wysig]

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.


Opvolging[wysig]

Voorafgegaan deur:
Stefanus V
Pous (Pontifex Maximus)
891896
Opgevolg deur:
Bonifatius VI
Voorafgegaan deur:
Rodoaldo
Walpertus
Biskop van Porto
864876
883 - 891
Opgevolg deur:
Walpertus
Silvestro


Teenpouse

HippolitusNovatianusFelix IIUrsinusEulaliusLaurentiusDioscurusEugenius I - Theodorus IIPaschalis ITheofilactus - Constantinus IIFilippusJohannes VIIIAnastasius IIIChristoforusBonifatius VII - Johannes XVIGregorius VISilvester IIIBenedictus XHonorius IIClemens IIITheodoricusAlbertusSilvester IVGregorius VIIICelestinus IIAnacletus IIVictor IV (Gregorius) - Victor IV (Octavianus)Paschalis IIICallixtus IIIInnocentius IIINicolaas VClemens VIIBenedictus XIIIAlexander VJohannes XXIIIClemens VIIIBenedictus XIVFelix V - Moderne Teenpouse