Wikipedia:Uitgesoekte herdenkings/Oktober
in Wikipedia, die vrye ensiklopedie
Sjabloon:UitgesoekteHerdenkingsOktober
1 Oktober: Nasionale dag in Sjina. Onafhanklikheidsdag in Ciprus en Nigerië (albei 1960), Tuvalu (1978) en Palau (1994).
- 1795 - België word deur Frankryk ingeneem.
- 1800 - Spanje staan 'n deel van Noord-Amerika wat as Louisiana bekend gestaan het aan Frankryk af in die Verdrag van San Ildefonso.
- 1969 - Die Frans - Britse supersoniese vliegtuig, die Concorde oorskry vir die eerste keer Mach 1
- 1997 - Die Suid-Afrikaanse Inkomstediens word in die lewe geroep met die inwerkingtreding van die Wet op die Suid-Afrikaanse Inkomstediens (Wet 34 van 1997).
besigtig - bespreek - wysig - geskiedenis
- 1867 - Gebore: Majoor James Stevenson-Hamilton in Skotland, ook beskou as die vader van die Krugerwildtuin.
- 1869 - Gebore: Mahatma Gandhi, charismatiese massa-bewegingsleier wat die saak van Brits-koloniale Indië onder die wêreld se aandag gebring het.
- 1958 - Guinee ontvang onafhanklikheid van Frankryk.
- 1990 - Die Duitse Demokratiese Republiek (DDR) kom tot 'n einde.
besigtig - bespreek - wysig - geskiedenis
- 1928 - Gebore: Alvin Toffler Amerikaanse skrywer en futuris.
- 1960 - Niger verkry onafhanklikheid van Frankryk.
- 1985 - Die Ruimtependeltuig Atlantis word vir die eerste keer gelanseer.
- 1990 - Duitsland word herenig toe die vyf nuwe deelstate van die Duitse Demokratiese Republiek met die Bondsrepubliek Duitsland verenig.
besigtig - bespreek - wysig - geskiedenis
- 1916 - Gebore: Dr. Anton Rupert, Afrikaanse entrepreneur van Suid-Afrika, besigheidsman en omgewingsbewaarder in Graaff-Reinet in die Oos-Kaap.
- 1929 - Die oorspronklike Tafelberg-kabelkar word in Kaapstad, Suid-Afrika geopen. 'n Verbeterde kar word op 4 Oktober 1997 ingewy.
- 1958 - Die Grondwet van die Franse Vyfde Republiek, wat met medewerking van Charles de Gaulle en Michel Debré geskryf is, word aanvaar.
- 1984 - Die laaste volledige Tupolev Tu-144, die eerste supersoniese passasiersvliegtuig ter wêreld, word in in diens geneem.
besigtig - bespreek - wysig - geskiedenis
5 Oktober: Republiekdag in Portugal (1910)
- 1740 - Iwan VI Antonowitsj word as baba deur keiserin Anna van Rusland aangeneem en as haar opvolger aangewys.
- 1877 - Na meer as drie maande se gevegte met die Verenigde State se magte, gee die inheemse Amerikaanse stam Nez Percé oor.
- 1930 - Tydens sy nooiensvaart na Indië, stort die Britse lugskip R101 neer in Frankryk, met die verlies van 48 passasiers en bemanning.
- 1970 - Lede van die Québecse bevrydingsbeweging ontvoer 'n Britse diplomaat wat lei tot die Oktoberkrisis in Montréal, Kanada.
- 2006 - Fredrik Reinfeldt word as eerste minister van Swede verkies.
besigtig - bespreek - wysig - geskiedenis
6 Oktober: Duitse-Amerikaner Dag in die Verenigde State
- 1794 - Franse Rewolusie: Keulen (in die huidige Duitsland) word deur Franse troepe beset.
- 1900 - Tweede Vryheidsoorlog: Die Oranje-Vrystaat word amptelik deur die Verenigde Koninkryk geannekseer as die Oranjerivierkolonie
- 1976 - Die Kulturele Rewolusie in Sjina kom tot 'n einde met die arrestasie van die Bende van vier.
- 1981 - President Anwar Sadat van Egipte sterf in 'n sluipmoord-aanval tydens 'n parade in Kaïro ter herdenking van die Yom Kippur Oorlog.
besigtig - bespreek - wysig - geskiedenis
7 Oktober: Feesdag van Sint Osyth
- 1931 - Gebore: Desmond Tutu; kerkleier, teenstander van apartheid en wenner van die Nobelprys vir Vrede.
- 1949 - Die Duitse Demokratiese Republiek (DDR) word in Oos-Berlyn in die lewe geroep.
- 2000 - Henri van Luxemburg word Groothertog van Luxemburg nadat sy vader Jean vrywillig afstand van die troon gedoen het.
- 2001 - Die Verenigde State se inval van Afghanistan begin teen 16:30 UGT met 'n lugbombardement, met Taliban- en Al-Qaida-magte as teiken.
besigtig - bespreek - wysig - geskiedenis
- 1582 - As gevolg van die implementering van die Gregoriaanse kalender bestaan hierdie dag nie in die jaar in Italië, Pole, Portugal en Spanje nie.
- 1912 - Die Eerste Balkanoorlog begin toe Montenegro teen Turkye oorlog verklaar.
- 1913 - 'n Noorweegse meisie, genaamd Solveig Gunbjörg Jacobsen, word die eerste kind wat in Antarktika gebore is.
- 1967 - Che Guevara, Marxistiese revolusionêre en Kubaanse guerrillaleier, word naby La Higuera, Bolivia in gevangenis geneem.
besigtig - bespreek - wysig - geskiedenis
9 Oktober Onafhanklikheidsdag in Uganda (1962), Hangul Day in Suid-Korea (1446), en Leif Erikson-dag in die VSA.
- 1835 - Gebore: Camille Saint-Saëns, klassieke komponis in Parys, Frankryk.
- 1876 - Gebore: Sol Plaatje, veeltalige Suid-Afrikaanse joernalis, skrywer en politikus wat ook dien as sekretaris-generaal van die ANC.
- 1918 - Na afloop van die Finse burgeroorlog word Finland tot koninkryk uitgeroep onder Väinö I.
- 1984 - Oorlede: Dr. Felix Wankel, Duitse uitvinder van die Wankelenjin.
besigtig - bespreek - wysig - geskiedenis
10 Oktober: Onafhanklikheidsdag in Kuba (1868) en Fidji (1970)
- 1825 - Gebore: Paul Kruger, wat later President van die Zuid-Afrikaansche Republiek geword het in die Kaapkolonie.
- 1846 - William Lassell ontdek Triton, die grootste maan van die planeet Neptunus.
- 1899 - Frans-Soedan word verdeel - die 11 suidelike provinsies word deel van Frans-Guinee, Ivoorkus en Dahomey.
- 1995 - Suid-Afrika se President Nelson Mandela besoek Genadendal in die Wes-Kaap.
- 1997 - Dele van Die Stem word met Nkosi Sikelel' iAfrika gesmelt om die nuwe Volkslied van Suid-Afrika te vorm.
besigtig - bespreek - wysig - geskiedenis
11 Oktober: Dubbel Negende Fees op die Sjinese kalender (2005)
- 1899 - Die Tweede Vryheidsoorlog breek in Suid-Afrika uit tussen die Verenigde Koninkryk en die twee Boererepublieke, die Oranje Vrystaat en die ZAR.
- 1954 - Ho Chi Minh en die Viet Minh neem beheer oor Noord-Viëtnam.
- 1968 - Stigting van die Parti Québécois, 'n politieke party in die Franstalige Kanadese provinsie Québec, wat na die onafhanklikheid van die provinsie strewe.
- 1968 - NASA lanseer Apollo 7, die eerste bemande sending van die Apollo-program .
besigtig - bespreek - wysig - geskiedenis
12 Oktober: Joom Kippoer begin teen sononder in Judaïsme, Dussehra in Hindoeïsme.
- 1762 - Gebore: Jan Willem Janssens, die laaste Nederlandse goewerneur van die Kaap.
- 1810 - Die eerste Oktoberfest word in München gehou om die troue van Prins Ludwig I van Beiere te vier.
- 1899 - Die eerste skote klink in die Tweede Vryheidsoorlog, nadat Brittanje die ultimatum van die Boererepublieke verwerp het.
- 1968 - Ekwatoriaal-Guinee word onafhanklik van Spanje.
besigtig - bespreek - wysig - geskiedenis
13 Oktober: Fees gewy aan Fontus (Romeinse Ryk)
- 1307 - Duisende lede van die Tempelridders word gelyktydig deur agente van Filips IV van Frankryk in hegtenis geneem en gemartel om skuld aan kettery te beken.
- 1899 - Tydens die Tweede Vryheidsoorlog begin die beleg van Mafikeng by die dorp Mafeking (nou Mafikeng) in Suid-Afrika
- 1943 - Tweede Wêreldoorlog: Onder leiding van 'n nuwe regering begin dele van Italië om aan die Geallieerdes se kant te veg.
- 2005 - Die "Breezy Badger"-uitgawe van Ubuntu Linux word vrygestel.
besigtig - bespreek - wysig - geskiedenis
- 1066 - Slag van Hastings: Die Normandiese Willem die Veroweraar verower Engeland.
- 1906 - Gebore: Hannah Arendt Amerikaanse politieke teoretikus van Duitse afkoms.
- 1947 - Die Amerikaanse vlieënier Chuck Yeager breek die klankgrens in die Bell X-1 vliegtuig.
- 1981 - Hosni Mubarak word verkies tot President van Egipte, 'n week na die sluipmoord op Anwar Sadat.
besigtig - bespreek - wysig - geskiedenis
15 Oktober: White Cane Safety Day (VSA)
- 1529 – Die Eerste beleering van Wene deur turkse magte word beëindig.
- 1582 - Die Gregoriaanse kalender vervang die Juliaanse kalender, wat sedert 45 v.C. in gebruik was.
- 1844 – Die Duitse filosoof, Friedrich Nietzsche, word in Röcken (Sakse) gebore.
- 1989 - Walter Sisulu word saam met sewe ander Suid-Afrikaanse politieke gevangenes vrygelaat.
besigtig - bespreek - wysig - geskiedenis
16 Oktober: Wêreldvoedseldag
- 1793 - Marie Antoinette word per guillotine tereggestel by die Place de la Révolution in Parys op die hoogtepunt van die Franse Revolusie.
- 1854 – Die Anglo-Ierse skrywer Oscar Wilde word in Dublin, Ierland, gebore.
- 1978 - Karol Józef Wojtyła, 'n Kardinaal van Kraków, Pole, word Pous Johannes Paulus II, die eerste nie-Italiaanse pous sedert die 16de eeu.
- 1981 - Oorlede: Moshe Dayan, Israeliese politikus
besigtig - bespreek - wysig - geskiedenis
- 1346 - Koning Dawid II van Skotland lei 'n inval van Engeland tydens die Honderdjarige oorlog, maar word gevange geneem in die Slag van Neville's Cross.
- 1810 - Die Oktoberfest word vir die eerste keer gehou.
- 1989 - Die Loma Prieta-aardbewing, die grootste aardbewing op die San Andreas-breuk in Kalifornië sedert 1906, tref die San Francisco-baaigebied.
- 2003 - Na die byvoeging van sy toringspits, word die 106-vloer hoë wolkekrabber "Taipei 101" in Taipei die wêreld se hoogste gebou.
besigtig - bespreek - wysig - geskiedenis
18 Oktober: Alaskadag; Feesdag van Sint Lukas.
- 1870 - Windhoek, die hoofstad van Namibië, word deur kaptein Kurt von Francois gestig.
- 1912 - Die Turkse Sultan doen afstand van Libië ten gunste van Italië onder 'n verdrag geteken in Ouchy, Switserland.
- 1931 - Oorlede: Thomas Edison, Amerikaanse uitvinder.
- 1977 - Na die skaking van "Landshut", 'n Lufthansa-vliegtuig, word 86 gyselaars onbeseer bevry.
besigtig - bespreek - wysig - geskiedenis
19 Oktober: Grondwetdag in Niue (1974); Moeder Teresadag in Albanië.
- 1922 - Gebore: Elsa Joubert, Afrikaanse skryfster.
- 1943 - Streptomycin, die eerste antibiotiese middel teen tuberkulose, word vir die eerste keer deur navorsers by Rutgers Universiteit geïsoleer.
- 1962 - Die hoeksteen van die Pretoriase Kunsmuseum word deur destydse eerste minister Dr. H.F. Verwoerd en burgemeester E. Smith gelê.
- 1977 – Apartheid: Twee swart koerante (The World en The Weekend World) en 18 swart organisasies word deur die Suid-Afrikaanse regering verban.
besigtig - bespreek - wysig - geskiedenis
- 1740 - Maria Theresa volg die troon op in Oostenryk na die Pragmatiese Sanksie van 1713.
- 1885 - Die kortstondige boererepubliek, Upingtonia, word in die suide van Angola gestig.
- 1894 - Oorlede: Aleksander III Aleksandrowitsj, van die Romanof-vorstehuis en keiser van Rusland.
- 1964 - Die Puerto Rikaanse onafhanklikheidsparty word gestig.
besigtig - bespreek - wysig - geskiedenis
21 Oktober: Oorsese Sjineesdag in die Republiek van Sjina (Taiwan)
- 1032 - Begin van die pontifikaat van Pous Benedictus IX, wie later die amp vir meer as 1000 pond silwer sou verkoop.
- 1833 - Gebore: Alfred Nobel, Sweedse chemikus, ingenieur en uitvinder van dinamiet.
- 1854 - Florence Nightingale en 38 verpleegsters word na die Krimoorlog gestuur.
- 1900 - Tweede Vryheidsoorlog: President Paul Kruger vertrek na Europa om steun vir die Boere se saak te probeer werf.
besigtig - bespreek - wysig - geskiedenis
22 Oktober: Internasionale Hakkelbewustheidsdag
- 1873 - Cetshwayo kaMpande word as die nuwe koning van die Zoeloenasie gekroon.
- 1962 - Amerikaanse President John F. Kennedy kondig aan dat Sowjetse kernwapens in Kuba ontdek is en plaas die eilandstaat onder "vlootkwarantyn".
- 1962 - Nelson Mandela pleit onskuldig op aanklagte van "aanhitsing en onwettige verlaat van die land" by die begin van sy verhoor in Pretoria, Suid-Afrika.
- 1992 - Toewa, 'n outonome republiek in die Russiese Federasie, kry 'n nuwe grondwet en staan voortaan bekend as Tiwa.
besigtig - bespreek - wysig - geskiedenis
23 Oktober: Nasionale Dag in Hongarye (1956); Moldag
- 502 - Na beskuldigings van 'n buite-egtelike verhouding, word Pous Simmachus van al sy funksies onthef, maar nie veroordeel nie.
- 1952 - Gebore: Antjie Krog, Afrikaanse digter, akademikus en skryfster.
- 1956 - Die Hongaarse Opstand begin in Boedapest, Hongarye.
- 1983 - Libanese Burgeroorlog: Selfmoordbomaanvallers vernietig twee barakke in Beiroet, wat lei tot die dood van 241 VSA-vlootsoldate en 58 Franse valskermsoldate.
besigtig - bespreek - wysig - geskiedenis
24 Oktober: Onafhanklikheidsdag in Zambië (1964)
- 1648 - Switserland verkry volle onafhanklikheid van die Heilige Romeinse Ryk.
- 1851 - William Lassell ontdek Ariel en Umbriel, twee mane van die planeet Uranus.
- 1945 - Die Verenigde Nasiesverdrag, die grondwet van die Verenigde Nasies, tree in werking.
- 1955 - Suid-Afrika loop uit die debat by die VN se algemene vergadering oor "die rassekonflik in Suid-Afrika weens die apartheidsbeleid".
- 1964 - Die Britse protektoraat Noord-Rhodesië word as Zambië onafhanklik.
besigtig - bespreek - wysig - geskiedenis
- 1415 – Honderdjarige Oorlog: Hendrik V van Engeland verslaan die swaar gepantserde Franse kavallerie tydens die Slag van Agincourt .
- 1881 - Gebore: Pablo Picasso, Spaanse skilder en beeldhouer.
- 1940 - Die Suid-Afrikaanse Jukskeiraad word gestig.
- 1971 – Die Volksrepubliek van Sjina vervang die Republiek van Sjina (Taiwan) as Sjina se verteenwoordiger in die Verenigde Nasies.
besigtig - bespreek - wysig - geskiedenis
- 1562 - Koninklike Franse troepe neem Rouen in en verwoes die Normandiese hoofstad.
- 1926 - Emily Hobhouse se oorblyfsels word aan die voet van die vrouemonument ter ruste gelê.
- 1947 - Gebore: Hillary Clinton, die Junior Senator van New York.
- 1976 – Apartheid: Transkei word die eerste swart tuisland om "onafhanklikheid" van Suid-Afrika te ontvang.
besigtig - bespreek - wysig - geskiedenis
27 Oktober: Onafhanklikheidsdag in St. Vincent en die Grenadines (1979), Turkmenistan (1991)
.png)
- 1492 - Christophorus Columbus ontdek Kuba tydens sy eerste ontdekkingstog.
- 1795 - Die Verenigde State en Spanje teken die Verdrag van Vriendskap, Limiete en Navigasie, wat die grense tussen die Spaanse kolonies en die Verenigde State bepaal.
- 1917 - Gebore: Oliver Tambo, anti-apartheidsaktivis, stigterslid van die ANC-jeugliga en President van die African National Congress van 1967 tot 1991.
- 1946 - Die Franse Unie word geskep.
- 1998 - Gerhard Schröder word kanselier van Duitsland.
besigtig - bespreek - wysig - geskiedenis
28 Oktober: Dag van die "Nee" in Griekeland (1940)
- 1886 - In die New York-hawe dra VSA President Grover Cleveland die Vryheidsbeeld op aan die honderdjarige viering van die VSA se onafhanklikheidsverklaring.
- 1900 - Sluitingseremonie van die IIe Olimpiese Spele in Parys.
- 1918 - Tjeggoslowakye verkry onafhanklikheid van Oostenryk-Hongarye.
- 1956 - Gebore: Mahmoud Ahmadinejad, president van Iran.
besigtig - bespreek - wysig - geskiedenis
- 1787 - Mozart se opera Don Giovanni word vir die eerste keer in Praag opgevoer.
- 1938 - Gebore: Ellen Johnson-Sirleaf, president van Liberië.
- 1956 - Die Suezkanaalkrisis begin: Israel val die Sinaiskiereiland in en dwing Egiptiese magte terug na die Suezkanaal.
- 1998 - Na meer as 30 jaar keer die 77-jaar oue ruimtevaarder John Glenn terug na die ruimte om die effekte van ruimtereis op ouer mense te bestudeer.
- 1998 – Die Waarheid-en-versoeningskommissie bied sy verslag oor gebeure onder Apartheid in Suid-Afrika aan.
besigtig - bespreek - wysig - geskiedenis
- 1471 - Hendrik VI van Engeland begin sy tweede bewind, wat slegs 'n paar maande sou duur.
- 1938 - H. G. Wells se The War of the Worlds word as 'n regstreekse nuusuitsending uitgesaai, wat veroorsaak dat talle Amerikaners uit hulle huise vlug.
- 1980 - Gebore: Robbie Wessels, Afrikaanse sanger en akteur.
- 1995 - In 'n referendum stem die Kanadese provinsie Quebec met 50,6% ten gunste daarvan om deel te bly van Kanada.
besigtig - bespreek - wysig - geskiedenis
31 Oktober: Halloween, Hervormingsdag in Duitsland
- 1517 - Martin Luther spyker sy 95 stellings teen die deur van 'n kerk in Wittenberg, Duitsland, in die begin van die Protestantse Hervorming.
- 1922 - Benito Mussolini word op 39 die jongste premier in die geskiedenis van Italië.
- 1956 - Suez-krisis: Die Verenigde Koninkryk en Frankryk begin om Egipte te bombardeer om die heropening van die Suezkanaal te forseer.
- 1984 - Eerste Minister Indira Gandhi van Indië sterf in 'n sluipmoordaanval deur twee van haar eie lyfwagte.
- 2006 - Gesterf: Pieter Willem Botha, Eerste Minister (1978-1984) en Staatspresident (1984-1989) van Suid-Afrika.
besigtig - bespreek - wysig - geskiedenis
