Wikipedia:Uitgesoekte herdenkings/Februarie
vanuit Wikipedia, die vrye ensiklopedie.
Sjabloon:UitgesoekteHerdenkingsFebruarie
1 Februarie: Imbolc en St. Brigidsdag in Ierland
- 1796 - Die hoofstad van Bo-Kanada word geskuif van Newark (nou Niagara-on-the-Lake) na York (nou Toronto), wat as minder kwesbaar vir aanvalle uit VSA geoordeel is.
- 1946 - Noorweegse politikus Trygve Lie word verkies as die eerste Verenigde Nasies Sekretaris-Generaal.
- 1982 - Senegal en Gambië verenig as Senegambië in 'n los konfederasie wat weer op 30 September 1989 ontbind word toe Gambië weier om nader aan 'n unie te beweeg.
- 2003 - Die Ruimtependeltuig Columbia disintegreer bo Texas tydens terugkeer in die aarde se atmosfeer op die tuig se 28ste en finale sending.
besigtig - bespreek - wysig - geskiedenis
2 Februarie: Maria-Ligmis (Westelike Christendom); Groundhogdag in Kanada en die VSA.
- 1882 - Ierse skrywer en digter James Joyce word in Dublin gebore.
- 1970 - Bertrand Russell Britse logikus, filosoof en wiskundige sterf.
- 1990 - President F.W. de Klerk kondig by die opening van die parlement aan dat die ANC en ander groepe ontban sou word en dat Nelson Mandela vrygelaat sou word. Dit lei tot die einde van Apartheid en die daarstel van volle demokrasie in Suid-Afrika.
besigtig - bespreek - wysig - geskiedenis
3 Februarie: Setsubun in Japan
- 1488 - Bartolomeus Dias van Portugal seil om die Kaap van Goeie Hoop by die suidelike punt van Afrika en land in Mosselbaai.
- 1509 - Nadat hy die eerste Portugees word om tot by Bombaai te seil, voer Francisco de Almeida 'n vloot van 23 skepe aan in 'n deurslagewende oorwinning oor die versamelde vloot van Arabiere, Egiptenare en Indiërs in die Seeslag van Diu wat die begin van Portugese heerskappy oor die Indiese Oseaan aandui.
- 1815 - Die eerste kaasfabriek word in Switserland geopen.
besigtig - bespreek - wysig - geskiedenis
4 Februarie: Onafhanklikheidsdag in Sri Lanka (1948)
- 1794 - Tydens die Franse Revolusie word slawerny in Die Frankryk en al sy kolonies afgeskaf.
- 1859 - Constantin von Tischendorf ontdek die Codex Sinaiticus, 'n 4de eeuse manuskrip van die Nuwe Testament, in 'n klooster by die voet van die Sinaigebergte in Egipte.
- 1936 - Radium E. word die eerste radioaktiewe chemiese element om op sintetiese wyse vervaardig te word.
- 1961 - Die chemiese element Lawrensium word by die Berkeley Stralingslaboratorium in die Kalifornië in die VSA ontdek
besigtig - bespreek - wysig - geskiedenis
5 Februarie: Grondwetdag in Meksiko (1917)
- 1859 - Prins Alexander Johan Cuza van Wallachia en Moldawië smelt sy twee vorstedomme saam om die Koninkryk van Roemenië te vorm.
- 1885 - Koning Léopold II van België vestig die Kongo-Vrystaat as sy persoonlike besitting in Afrika.
- 1922 - Boere generaal, Minister van Landbou in die Oranjerivierkolonie, en leiersfiguur in die Rebellie van 1914, Christiaan De Wet, sterf op die plaas Klipfontein naby Dewetsdorp, Vrystaat.
besigtig - bespreek - wysig - geskiedenis
6 Februarie: Waitangidag, Nasionale dag van Nieu-Seeland (1840)
- 1819 - Sir Thomas Stamford Raffles stig Singapoer, 'n nuwe handelspos vir die Brits-Oos-Indië maatskappy.
- 1922 - Frankryk, Italië, Japan, die Verenigde Koninkryk, en die VSA teken die Washington Vlootooreenkoms om die vlootwapenwedloop in toom te hou.
- 1952 - Die Hertogin van Edinburgh hoor van haar opvolging tot die Britse troon terwyl sy in Kenia is – sy word daarmee Koningin Elizabeth II.
- 1959 - Jack Kilby doen 'n patentaansoek vir die eerste geïntegreerde stroombaan.
besigtig - bespreek - wysig - geskiedenis
7 Februarie: Onafhanklikheidsdag in Grenada (1974), Sapporo-Sneeufees in Japan begin (2005)
- 1301 - Edward van Caernarvon, die toekomstige Koning Edward II, word die eerste Engelse troonopvolger om die titel as die Prins van Wallis te beklee.
- 1940 - Pinocchio, die Oscar bekroonde Disney animasiefilm gegrond op 'n storie deur Carlo Collodi, word vir die eerste keer vrygestel.
- 1984 - NASA ruimtevaarder Bruce McCandless II voer die eerste ongeankerde ruimtewandeling uit deur 'n Bemande-stuureenheid te gebruik.
- 1992 - Die Maastrichtverdrag, wat lei tot die vorm van die Europese Unie, word in Maastricht, Nederland onderteken.
besigtig - bespreek - wysig - geskiedenis
- 1849 - Die Sloweense digter France Prešeren een van die hoofverteenwoordiger van die Romantiek in Slowenië sterf in die dorpie Kranj, Slowenië.
- 1828 - Jules Verne, befaamde skrywer van wetenskapsfiksie word in Nantes, Frankryk gebore.
- 1904 - Die Russies-Japanse Oorlog begin met 'n verrassingstorpedoaanval deur die Japannese op Russiese skepe naby hedendaagse Lüshunkou, Sjina.
- 1971 - Handel begin in die VSA op die NASDAQ, die wêreld se eerste elektroniese effektebeurs.
besigtig - bespreek - wysig - geskiedenis
9 Februarie: Ashurah in Shi'a Islam (2006)
- 1940 - Suid-Afrikaanse skrywer en Nobelprys wenner, J.M. Coetzee word in Kaapstad gebore.
- 1943 – Tweede Wêreldoorlog: die Slag van Guadalcanal in die Solomoneilande eindig, wat aan die Geallieerde magte 'n sleutel oorwinning in die Stille Oseaanoorlog oor die [[Japan-]nese weermag verskaf.
- 1963 - Abdul Karim Kassem Irakese militaris en politikus van gemengde Soennitiese, Sjiïtiese en Koerdiese afkoms sterf in Bagdad.
- 2005 - Die fondament vir die Federatsieja (Federasietoring) wolkekrabber, wat die hoogste kantoorgebou in Europa sal wees wanneer dit in 2008 voltooi word, word in Moscow City in Moskou gelê.
besigtig - bespreek - wysig - geskiedenis
- 1763 – Brittanje en Spanje verdeel Nieu-Frankryk met die Verdrag van Parys. Kanada word aan Brittanje toegeken en Louisiana aan Spanje.
- 1840 - Prins Albert van Sakse-Coburg-Gotha trou met Koningin Victoria van die Verenigde Koninkryk.
- 1996 - Deep Blue, die skaakspelende rekenaar verslaan Internasionale Grootmeester en Wêreldskaakkampioen Garry Kasparov vir die eerste keer in 'n skaakpot.
besigtig - bespreek - wysig - geskiedenis
11 Februarie: Nasionale Stigtingsdag in Japan
- 1650 - René Descartes, Franse filosoof, wetenskaplike en wiskundige sterf in Stockholm, Swede.
- 1665 - Maria Van Riebeeck (Née: de la Quellerie), Jan Van Riebeeck se vrou, sterf op 35-jarige ouderdom in Malakka.
- 1966 - Distrik Ses in Kaapstad word in terme van die groepsgebiedewet tot 'n blanke gebied verklaar waarna sowat 60 000 Swart en Bruin mense tussen 1968 en 1982 na die Kaapse Vlaktes verskuif word.
- 1990 - Anti-apartheid stryder Nelson Mandela, 'n politieke gevangene vir 27 jaar, word uit die Victor-Verstertronk in Paarl buite Kaapstad, Suid-Afrika vrygelaat.
besigtig - bespreek - wysig - geskiedenis
12 Februarie: Darwindag (1809), Lincoln se Verjaarsdag (Arizona, 1892)
- 1818 – Onder leiding van Generaal Bernardo O'Higgins, verklaar Chile formeel onafhanklikheid van Spanje.
- 1832 - Ecuador annekseer die Galápagos-Eilande.
- 1912 - Xuantong keiser van die Manchu Qing dinastie, die laaste Keiser van Sjina, abdikeer.
- 2001 - NEAR Shoemaker land op Eros om die eerste ruimtetuig om op 'n asteroïde te land.
besigtig - bespreek - wysig - geskiedenis
- 1668 - Spanje erken Portugal as 'n onafhanklike nasie.
- 1880 - Thomas Edison neem die Edison Effek waar.
- 1945 - Tweede Wêreldoorlog: Sowjet magte buit Boedapest, Hongarye van die Nazis.
- 1984 - Konstantin Chernenko volg die ontslape Yuri Andropov op as Algemene Sekretaris van die Kommuniste Party van die Sowjetunie.
besigtig - bespreek - wysig - geskiedenis
- 1876 - Elisha Gray en Alexander Graham Bell doen elkeen aansoek om 'n patent vir die telefoon.
- 1879 - Chileense magte beset die Boliviese hawe Antofagasta, en bring die Stille Oseaanoorlog teweeg.
- 1945 - Die RAF Bomkommandoment begin die strategiese bombardering van Dresden in Sakse, Duitsland, wat lei tot 'n noodlottige vuurstorm waarin tiene-duisende burgerlikes sterf.
besigtig - bespreek - wysig - geskiedenis
15 Februarie: Vlagdag in Kanada, Nasionale Dag in Serwië
- 1898 - Die Amerikaanse slagskip USS Maine ontplof en sink in Havana, Kuba - 260 mense sterf in 'n tragedie wat die Spaans-Amerikaanse Oorlog teweeg bring.
- 1942 – Tweede Wêreldoorlog: Generaal Tomoyuki Yamashita lei die Japanse magte om die sogenaamde onneembare fort van Singapoer in te neem.
- 1989 - Die Sowjetunie kondig amptelik aan dat al sy troepe Afghanistan reeds verlaat het.
- 2003 – Miljoene mense die wêreld oor neem deel aan die grootste massabetoging in die geskiedenis teen oorlog in die algemeen en spesifiek die beplande inval in Irak.
besigtig - bespreek - wysig - geskiedenis
16 Februarie: Staatskapdag in Litaue (1918)
- 1838 - 'n Groot aantal Voortrekkers sterf in 'n Zoeloeaanval langs die Blaukraansrivier, naby wat nou Weenen is.
- 1918 - Litaue verklaar onafhanklikheid van Rusland.
- 1923 - Howard Carter ontseël die grafkelder van Tutankhamun, 'n Farao van die agtiende dinastie van Egipte.
- 1950 - Peter Hain, Britse politikus en Anti-Apartheidsaktivis, wat veral betrokke was by die ontwrigting van Suid-Afrikaanse rugby- en kriekettoere na Brittanje, word in Nairobi, Kenia gebore.
besigtig - bespreek - wysig - geskiedenis
17 Februarie: Tanis Diena in Letland
- 1854 - Brittanje erken die onafhanklikheid van die Oranje-Vrystaat in die hedendaagse Vrystaatprovinsie, Suid-Afrika.
- 1895 - Die ballet Swanemeer word vir die eerste keer teen volle lengte met musiek deur Tsjaikowski in Sint Petersburg, Rusland opgevoer.
- 1979 - Ongeveer 120 000 troepe van die Volksbevrydingsleër van die Volksrepubliek van Sjina gaan noordelike Viëtnam binne en begin daarmee die Sjina-Viëtnamoorlog.
- 1981 - Paris Hilton Amerikaanse sosiale persoonlikheid, aktrise, model, outeur en sangeres word gebore.
besigtig - bespreek - wysig - geskiedenis
18 Februarie: Onafhanklikheidsdag in Gambië, (1965)
- 1546 - Maarten Luther Duitse protestantse teoloog en hervormer sterf in sy geboortedorp, Eisleben.
- 1861 – Met Italiaanse unifikasie amper voltooi, neem Koning Victor Emmanuel II van Piedmont, Savoje en Sardinië die titel Koning van Italië aan.
- 1932 - Die Ryk van Japan vestig Mantsjoekwo, 'n marionetstaat in noordoostelike Sjina tydens die Sjina-Japanse Oorlog.
- 1945 - Die term ystergordyn word vir die eerste keer in 'n artikel van die Duitse dagblad Das Reich gebruik om die skeiding tussen die Duitse en Russiese invloedsfere aan te dui.
besigtig - bespreek - wysig - geskiedenis
- 197 - Septimius Severus verslaan Clodius Albinus in die Slag van Lugdunum en verseker daarmee volle beheer oor die Romeinse Ryk.
- 1594 - Koning Zygmunt III Vasa van die Pools-Litauese Gemenebes word gekroon as Koning van Swede.
- 1942 - Die hoofstad van die Northern Territory, Australië word hard getref deur 242 bomwerpers en vegvliegtuie van die Keiserlike Japanse vloot.
- 1986 - Die ruimtestasie Mir van die Sowjet ruimteprogram word lanseer om die eerste langtermyn navorsingsstasie in die ruimte te vestig.
besigtig - bespreek - wysig - geskiedenis
- 1472 - James III van Skotland annekseer die Orkney- en Shetlandeilande van Denemarke-Noorweë.
- 1810 - Sluipmoord op Andreas Hofer, 'n Tiroolse patriot en leier van 'n opstand teen Napoleon se troepe.
- 1959 - Die supersoniese stralerprogram, Avro Arrow, in Kanada word beëindig
- 1965 - Die ruimtetuig Ranger 8 versend met sukses 7137 beelde van die maan in die laatste 23 minute van sy sending voordat dit in Mare Tranquillitatis neerstort.
besigtig - bespreek - wysig - geskiedenis
21 Februarie: Internasionale Moedertaaldag; Presidentsdag in die VSA
- 1613 - Mikhail I word eenparig deur die Zemsky Sobor tot Tsaar verkies en begin daarmee die Romanovdinastie in Keiserlike Rusland.
- 1838 - Samuel Morse demonstreer die telegraaf aan President Martin van Buren en sy kabinet.
- 1888 - Die Nederlandse skilder Vincent van Gogh kom in Arles in die suide van Frankryk aan.
- 1987 - Die leiers van die Action Directe, 'n linksgesinde terreurorganisasie word op 'n plaas naby Orléans, Frankryk deur die polisie betrap.
besigtig - bespreek - wysig - geskiedenis
22 Februarie: Onafhanklikheidsdag in Sint Lucia (1979)
- 1819 - In terme van die Adams-Onís verdrag, verkoop Spanje Florida aan die VSA vir vyf miljoen VSA dollar.
- 1788 - Arthur Schopenhauer, 19de eeuse Duitse filosoof word in Danzig, Pole gebore.
- 1987 - Andy Warhol, Amerikaanse kunstenaar, avant-garde filmmaker, skrywer, en sosiale figuur sterf in New York tydens 'n roetine galblaas operasie.
- 1990 - T.O. Honiball wat bekend staan as die skepper van die Afrikaanse strokiesprent sterf in Montagu.
besigtig - bespreek - wysig - geskiedenis
23 Februarie: Verdedigers van die Moederlanddag in Rusland (1918), Republiekdag in Guiana, (1970), Lanternfees in die Sjinese kalender (2005).
- 1455 - Johannes Gutenberg begin die Gutenberg Bybel in Mainz, Duitsland druk.
- 1574 - Die vyfde heilige oorlog teen die Hugenote begin in Frankryk.
- 1854 - Die Oranje-Vrystaat verkry amptelik onafhanklikheid met die ondertekening van die Konvensie van Bloemfontein met Brittanje.
- 1903 - Guantánamo Baai, Kuba word tot in ewigheid aan die VSA verhuur.
besigtig - bespreek - wysig - geskiedenis
24 Februarie: Onafhanklikheidsdag in Estland (1918)
- 1582 - Pous Gregorius XIII promulgeer die Gregoriaanse kalender om die Juliaanse kalender te vervang.
- 1917 - 'n Spontane volksopstand begin in Moskou nadat tsaar Nikolaas Rusland in die Eerste Wêreldoorlog begewe.
- 1918 - Estland verklaar onafhanklikheid van Rusland
- 2005 - Die krytrotsformasie Wissower Klinken naby Rügen, wat deur die Duitse landskapskilder Caspar David Friedrich in 1818 geskilder is, verbrokkel as gevolg van verwering, en stort in die see.
besigtig - bespreek - wysig - geskiedenis
25 Februarie: Nasionale Dag in Koeweit (1950)
- 1852 - Die Britse troepedraer H.M.S. "Birkenhead" gaan onder onderweg na Port Elizabeth wat aanleiding gee tot die oprigting van die Danger Pointvuurtoring 43 jaar later.
- 1836 - Samuel Colt ontvang 'n patent vir die rewolwer.
- 1912 - Marie-Adélaïde, die oudste van ses dogters van Willem IV, word die eerste heersende Groothertogin van Luxemburg.
- 1921 - Die Demokratiese Republiek van Georgië word deur die Sowjet Rooi Leër beset.
besigtig - bespreek - wysig - geskiedenis
26 Februarie: Vryheidsdag in Koeweit (1991);
.png)
- 1815 - Napoléon Bonaparte ontsnap uit bannelingskap op Elba.
- 1935 - Adolf Hitler herstig die Duitse lugmag en verbreek hiermee die Verdrag van Versailles wat na die Eerste Wêreldoorlog geteken is.
- 1993 – 'n Paneelwa ontplof in die ondergrondse parkeerplek van die Wêreldhandelsentrum in New York Stad, ses mense sterf en meer as 1000 word beseer.
- 1981 - Die Franse sneltrein, die TGV stel 'n nuwe wêreldrekord op wanneer dit 'n snelheid van 381 kilometer per uur bereik op die spoorweglyn naby Tonnerre .
besigtig - bespreek - wysig - geskiedenis
27 Februarie: Onafhanklikheidsdag in die Dominikaanse Republiek (1844)
- 1751 - Rijk Tulbagh neem oor as Goewerneur van die Kaap.
- 1881 - Die Boere van Transvaal behaal 'n deurslaggewende oorwinning in die Slag van Majuba, die laaste militêre botsing met Groot-Brittanje gedurende die Eerste Vryheidsoorlog
- 1900 - Generaal Piet Cronje gee met 4 000 man by Paardeberg oor en word as krygsgevangene in hegtenis geneem en na Sint Helena gestuur.
- 1976 – Die Sahrawi Arabiese Demokratiese Republiek word uitgeroep in die Marokkaans besette Wes-Sahara.
besigtig - bespreek - wysig - geskiedenis
28 Februarie: Pannekoekdag in Brittanje (2006); Vredeherdenkingsdag in Taiwan.
- 364 - Valentininius I word verkies as Romeinse keiser deur amptenare van die Romeinse leër by Nicaea, Bithynia.
- 1784 - John Wesley, 'n predikant van die Anglikaanse Kerk, stig die eerste Metodiste Kerk.
- 1900 - Die Beleg van Ladysmith deur die Boere wat op 2 November 1899 begin het, eindig.
- 1947 - Die 228 Voorval in Taiwan: Burgerlike opstand in Taipei en Keelung word brutaal onderdruk deur die Sjinese Nasionalistiese leër.
besigtig - bespreek - wysig - geskiedenis
29 Februarie: Skrikkeldag in die Gregoriaanse kalender.
- 1704 - Gesamentlike Franse en Inheemse Amerikaanse magte verwoes Deerfield, Massachusetts tydens Koningin Anne se Oorlog.
- 1712 - In Swede word 29 Februarie deur 30 Februarie gevolg in 'n stap om die Sweedse kalender af te skaf.
- 1988 - Suid-Afrika se aartsbiskop Desmond Tutu word saam met 100 geestelikes gearresteer in 'n vyf dae lange anti-apartheid betoging in Kaapstad
- 2004 - Jean-Bertrand Aristide bedank as President van Haïti na 'n populêre rebelleopstand.
besigtig - bespreek - wysig - geskiedenis
