Wikipedia:Uitgesoekte herdenkings/Mei

Januarie - Februarie - Maart - April - Mei - Junie - Julie - Augustus - September - Oktober - November - Desember

Uitgesoekte herdenkings wysigingsriglyne

Vandag is Donderdag, 1 Junie 2023; dit is nou 12:38 (UTC)

1 Mei: Werkersdag; Beltane en Samhain in onderskeidelik die Noordelike en Suidelike Halfrond (Keltiese mitologie); Maharashtra-dag in Maharashtra, Indië (1960); Lojaliteitsdag in die Verenigde State.

1786 – Openingsaand van die opera Die huwelik van Figaro deur Wolfgang Amadeus Mozart in Wene.
1860 – Pretoria word tot hoofstad van die Zuid-Afrikaansche Republiek verklaar.
1956 – Die polio-entstof ontwikkel deur Jonas Salk word aan die publiek beskikbaar gestel.
1994 – Die Formule Een-renjaer Ayrton Senna sterf gedurende die San Marino Grand Prix.
2004 – Estland, Hongarye, Letland, Litaue, Malta, Pole, Siprus, Slowakye, Slowenië en Tsjeggië sluit by die Europese Unie aan.

besigtig - bespreek - wysig - geskiedenis

2 Mei: Vlagdag in Pole.

1670 – Koning Karel II van Engeland stig vir die pelshandel in Noord-Amerika die Hudson's Bay Company.
1933 – Die eerste waarneming van die Loch Ness-monster word in Skotland gerapporteer.
1952 – Die eerste kommersiële straalvliegtuig, die BOAC De Havilland Comet, word in diens geneem.
1997 – Tony Blair word eerste minister van die Verenigde Koninkryk, en beëindig daarmee 18 jaar van Konserwatiewe Party-regering. Op 44 is hy die jongste eerste minister in 185 jaar.
2000 – Bill Clinton kondig aan dat toegang tot die GPS (Global Positioning System), soortgelyk aan die VSA se militêre stelsel, aan die publiek beskikbaar gestel gaan word.

besigtig - bespreek - wysig - geskiedenis

3 Mei: Wêreldpersvryheidsdag; Grondwetgedenkdag in Japan (1947); Grondwetdag in Pole (1791).

996 – Pous Gregorius V volg Pous Johannes XV op.
1469 – Gebore: Niccolò Machiavelli, Italiaanse diplomaat, politiese filosoof, musikant, digter en toneelskrywer.
1494 – Christophorus Columbus ontdek Jamaika.
1971 – Erich Honecker word aangestel as Eerste Sekretaris van die Sentrale Komitee van die Sosialistiese Eenheidsparty van Duitsland.
1991 – Die Verklaring van Windhoek word onderteken.

besigtig - bespreek - wysig - geskiedenis

4 Mei: Star Wars-dag.

1924 – Die Olimpiese Somerspele 1924 open in Parys, Frankryk.
1930 – Britse polisie arresteer Mahatma Gandhi en plaas hom in die Yeravda-gevangenis.
1932 – In Atlanta, Georgia, begin Al Capone sy elf jaar lange gevangenisstraf vir belastingontduiking.
1979 – Margaret Thatcher word beëdig as die eerste vroulike eerste minister van die Verenigde Koninkryk.
1990 – Letland verklaar homself onafhanklik van die Sowjetunie.
2008 – Boris Johnson word verkies tot burgemeester van Londen.

besigtig - bespreek - wysig - geskiedenis

5 Mei: Kinderdag in Japan; Cinco de Mayo in Meksiko en die Verenigde State (1862).

1821 – Gesterf: Napoleon Bonaparte, generaal en heerser van Frankryk.
1835 – In België word 'n treinspoor tussen Brussel en Mechelen geopen, die eerste treinspoor in kontinentale Europa.
1944 – Mahatma Gandhi word uit die gevangenis bevry.
1945 – Die voorwaardelike oorgawe van die Duitse troepe in 'n laaste selfstandige deel van Nazi-Duitsland (die noordweste en Sleeswyk-Holstein), Denemarke en Wes-Nederland.
2000 – Alle tradisionele planete word in 'n reguit lyn gesien vanaf die Aarde, Mercurius, Venus, Mars, Jupiter en Saturnus, asook die Maan en die Son.

besigtig - bespreek - wysig - geskiedenis

6 Mei

1889 – Die Eiffel-toring word amptelik vir die publiek geopen tydens die Wêreldtentoonstelling in Parys.
1937 – Die Duitse lugskip die Hindenburg slaan aan die brand en word verwoes terwyl dit probeer dok by New Jersey en 36 mense sterf.
1954 – Roger Bannister word die eerste persoon wat die myl in minder as vier minute hardloop.
1955 – Wes-Duitsland word die 15de lidland van die Noord-Atlantiese Verdragsorganisasie.
1994 – Koningin Elizabeth II van die Verenigde Koninkryk en die Franse president François Mitterrand open die tonnel by die Engelse Kanaal.

besigtig - bespreek - wysig - geskiedenis

7 Mei

1832 – Griekeland verkry sy onafhanklikheid van die Ottomaanse Ryk en Otto van Wittelsbach, prins van Beiere, word verkies tot koning.
1952 – Die konsep vir die geïntegreerde stroombaan, die basis vir alle moderne rekenaars, word vir die eerste keer deur Geoffrey W.A. Dummer gepubliseer.
1992 – Die ruimtependeltuig Endeavour se eerste ruimtevaart.
1998 – Apple Rekenaars (Apple Computer) se bekendstelling van die iMac.
1998 – Mercedes-Benz koop Chrysler vir VS$40 miljard en vorm DaimlerChrysler in die grootste nywerheidsamesmelting in die geskiedenis.

besigtig - bespreek - wysig - geskiedenis

8 Mei: Wêreldwye Rooi Kruis- en Rooi Halfmaan-dag; Geboortedag van Miguel Hidalgo in Meksiko (1753); Oorwinningsdag in Europa (1945).

1879 – Gebore: Tielman Roos, voormalige Suid-Afrikaanse Minister van Justisie.
1925 – Afrikaans word as amptelike taal aanvaar in Suid-Afrika.
1933 – Mahatma Gandhi begin 'n 21 dae lange eetstaking in protes teen Britse onderdrukking in Indië.
1996 – Die nuwe Grondwet van Suid-Afrika word aanvaar.
1988 – Gesterf: Robert A. Heinlein, Amerikaanse skrywer.
2008 – Wladimir Poetin word aangestel as tiende Premier van Rusland.

besigtig - bespreek - wysig - geskiedenis

9 Mei: Europadag / Schuman-dag in die Europese Unie; Oorwinningsdag in sekere Oos-Europese lande; Bevrydingsdag in die Kanaaleilande (1945).

1408 – Pous Gregorius XII benoem sy neef Gabriele Condulmer tot kardinaal-priester van San Clemente.
1662 – Zacharias Wagenaer volg Jan van Riebeeck op as kommandeur van die Kaap die Goeie Hoop.
1901 – Australië se eerste parlement open in Melbourne.
1953 – Die Liberale Party word in Kaapstad gestig met Margaret Ballinger as eerste leier.
2004 – Gesterf: Brenda Fassie, Suid-Afrikaanse sangeres.

besigtig - bespreek - wysig - geskiedenis

10 Mei

1503 – Christophorus Columbus ontdek die Kaaimanseilande en hy noem dit Las Tortugas as gevolg van die baie seeskilpaaie wat daar gevind word.
1534 – Jacques Cartier ontdek Newfoundland.
1940 – Tweede Wêreldoorlog: Nazi-Duitsland val België, Nederland, en Luxemburg binne.
1945 – Gebore: Koos du Plessis, Suid-Afrikaanse sanger en musikant.
1994 – Nelson Mandela word by die Uniegebou ingehuldig as die eerste president wat deur alle Suid-Afrikaners demokraties verkies is.

besigtig - bespreek - wysig - geskiedenis

11 Mei

330 – Bisantium word tydens 'n seremonie deur keiser Konstantyn die Grote na Konstantinopel herdoop en word die hoofstad van die Romeinse Ryk.
1904 – Gebore: Salvador Dalí, Spaanse surrealistiese skilder.
1928 – Die eerste analoë televisiediens begin in Schenectady, New York.
1949 – Siam verander sy naam na Thailand.
1867 – Luxemburg word onafhanklik van Nederland verklaar.

besigtig - bespreek - wysig - geskiedenis

12 Mei

1870 – Manitoba word 'n provinsie van Kanada.
1881 – Tunisië word 'n Franse protektoraat.
1967 – Pink Floyd hou die eerste kwadrofoniese rock-konsert.
1994 – Oorlede: Erik Erikson, Duitse ontwikkelingsielkundige en skepper van die uitdrukking "identiteitskrisis".
2002 – Die voormalige president van die VSA Jimmy Carter kom in Kuba aan vir 'n vyf dae lange besoek aan Fidel Castro; hy is die eerste Amerikaanse president wat Kuba sedert Castro se 1959-revolusie besoek.

besigtig - bespreek - wysig - geskiedenis

13 Mei

1830 – Ecuador verkry sy onafhanklikheid van Groot-Colombia.
1924 – Gebore: Harry Schwarz, Suid-Afrikaanse politikus en leier van die kortstondige Reformisteparty.
1925 – Die Turkmeense Sosialistiese Sowjetrepubliek (tans Turkmenistan) verkry sy onafhanklikheid van die Sowjetunie.
1940 – Tweede Wêreldoorlog: Nazi-Duitsland se inname van Frankryk begin toe die Duitse weermag die Meuse-rivier oorsteek.
1958 – Velcro se handelsmerk word geregistreer.

besigtig - bespreek - wysig - geskiedenis

14 Mei

1870 – Die eerste rugbywedstryd in Nieu-Seeland word gespeel in Nelson tussen Nelson-kollege en die Nelson Rugby Football Club.
1948 – Israel verklaar hom as 'n onafhanklike staat en 'n voorlopige regering word saamgestel.
1955 – Koue Oorlog: Agt lande van die Kommunistiese Blok, onder meer die Sowjetunie, teken 'n gemeenskaplike beskermingsverdrag, die Warskou-verdrag.
1973 – Skylab, die Verenigde State se eerste ruimtestasie, word gelanseer.
1995 – Tenzin Gyatso, die 14de Dalai Lama, verklaar die ses jaar oue Gedhun Choekyi Nyima as die elfde reïnkarnasie van die Panchen Lama.

besigtig - bespreek - wysig - geskiedenis

15 Mei: Nakba-dag in Palestynse gemeenskappe

1905 – Die Amerikaanse stad Las Vegas word in Nevada gestig.
1917 – Tsaar Nikolaas II doen namens hom en sy seun, Aleksei Romanof, afstand van die Russiese troon en word sodoende die laaste heerser van die Romanof-dinastie.
1940 – Nylon-sykouse word vir die eerste keer in die Verenigde State verkoop.
1957 – Die eerste R7, 'n Sowjetse interkontinentale ballistiese missiel, word vanaf Baikonoer in Kasakstan gelanseer.
2000 – Die Italiaanse tenoor Cesare Valletti sterf aan 'n hartaanval.

besigtig - bespreek - wysig - geskiedenis

16 Mei

1920 – Pous Benedictus XV verklaar Johanna van Arkel tot heilige.
1943 – Sjoa: Die opstand in die Warskou-ghetto kom tot 'n einde.
1948 – Chaim Weizmann word verkies tot die eerste president van Israel.
1969 – Wenera-ruimteprogram: Venera 5, 'n Sowjet-ruimtetuig, land op Venus.
2007 – Nicolas Sarkozy volg Jacques Chirac op as president van Frankryk.

besigtig - bespreek - wysig - geskiedenis

17 Mei: Nasionale Dag van Noorweë; Galiciese Literatuurdag in Galicië, Spanje.

1765 – Oorlede: Alexis Clairaut, Franse wiskundige en denker.
1900 – Tweede Vryheidsoorlog: Die beleg van Mafikeng eindig.
1943 – Die VSA-weermag sluit 'n kontrak met die Universiteit van Pennsilvanië om die ENIAC-rekenaar te ontwikkel; die eerste elektroniese rekenaar wat vir algemene gebruik bedoel was.
1961 – Gebore: Enya, Ierse sangeres.
1995 – Jacques Chirac word president van Frankryk.

besigtig - bespreek - wysig - geskiedenis

18 Mei: Vlag- en Universiteitsdag in Haïti (1803).

1900 – Die Verenigde Koninkryk verklaar 'n protektoraat oor Tonga.
1910 – Die aarde beweeg deur die stert van Halley se Komeet.
1958 – 'n Lockheed F-104 Starfighter stel 'n wêreldspoedrekord van 2 259,82 km/h op.
1969 – Apollo-program: Apollo 10 word gelanseer.
1974 – As deel van projek Smiling Buddha laat Indië sy eerste kernwapen suksesvol ontplof, en word die sesde nasie wat dit doen.

besigtig - bespreek - wysig - geskiedenis

19 Mei: Herdenking van Atatürk, Jeug- en Sportdag in Turkye (1919); Geboortedag van Hồ Chí Minh in Viëtnam.

1536 – Anna Boleyn, die tweede vrou van Hendrik VIII van Engeland, word onthoof vir egbreuk.
1780 – 'n Onverklaarde duisternis oor die ooste van Kanada en die Nieu-Engeland-state begin teen 2 nm.
1848 – Meksikaans-Amerikaanse Oorlog: Verdrag van Guadalupe Hidalgo – Meksiko beëindig die oorlog en verkoop Texas, Kalifornië en die grootste deel van Arizona en Nieu-Meksiko aan die Verenigde State vir $15 miljoen.
1971 – Mars-ruimteprogram: Mars 2 word deur die Sowjetunie gelanseer.
1999 – Star Wars: The Phantom Menace word uitgereik in rolprentteaters in die Verenigde State en stel 'n nuwe rekord vir die openingsdag op met kaartjieverkope van $28,5 miljoen.

besigtig - bespreek - wysig - geskiedenis

20 Mei: Nasionale herdenkingsdag in Kambodja (1976); Nasionale dag in Kameroen (1972).

1884 – Dinuzulu volg sy vader, Cetshwayo, op as koning van die Zoeloes.
1902 – Kuba verkry sy onafhanklikheid van die Verenigde State.
1916 – Die eerste uitgawe van die tydskrif Huisgenoot (toe die maandblad De Huisgenoot) verskyn op Suid-Afrikaanse rakke.
1927 – Saoedi-Arabië word onafhanklik van die Verenigde Koninkryk.
1932 – Amelia Earhart word die eerste vrou wat ononderbroke alleen oor die Atlantiese Oseaan probeer vlieg.

besigtig - bespreek - wysig - geskiedenis

21 Mei

1471 – Gesterf: Hendrik VI van Engeland word in die Londense Tower vermoor.
1932 – Amelia Earhart word die eerste vrou wat alleen oor die Atlantiese Oseaan vlieg.
1956 – Kernwapentoets: in die Stille Oseaan word Bikini-ringeiland amper totaal uitgewis deur die eerste lugontploffing van 'n waterstofbom deur die Verenigde State.
2003 – 'n Aardbewing tref Noord-Algerië. Meer as 2 000 mense sterf.
2007 – Die klipper Cutty Sark word byna geheel en al in 'n brand verwoes.

besigtig - bespreek - wysig - geskiedenis

22 Mei

1859 – Gebore: Arthur Conan Doyle, Skotse skrywer en skepper van Sherlock Holmes.
1884 – Dinuzulu word by Zalflaager deur ondersteunende Boere tot koning van die Zoeloes verklaar.
1939 – Tweede Wêreldoorlog: Duitsland en Italië teken die Verdrag van Staal.
1960 – 'n Aardbewing tref Suid-Chili. Dit is die sterkste aardbewing wat al ooit waargeneem is.
1972 – Ceylon aanvaar 'n nuwe grondwet en verander sy naam na Sri Lanka.

besigtig - bespreek - wysig - geskiedenis

23 Mei: Victoriadag in Kanada (2005)

1568 – Die Tagtigjarige Oorlog breek uit toe Nederlandse rebelle onder leiding van Lodewyk van Nassau Friesland in die Slag van Heiligerlee binneval.
1907 – Gebore: Hergé, strokiesprentkunstenaar en skepper van Kuifie.
1934 – Die Amerikaanse bankrowers Bonnie en Clyde word deur die polisie in 'n lokval gelei en doodgeskiet in Black Lake, Louisiana.
1960 – Die stadjie Hilo, aan die ooskus van Hawaii, word deur 'n aardbewing getref.
1995 – Die Java-programmeertaal word amptelik deur die ontwikkelaar James Gosling en sy kollegas aangekondig.

besigtig - bespreek - wysig - geskiedenis

24 Mei

1822 – Ecuador verklaar sy onafhanklikheid van Spanje.
1844 – Die eerste elektriese telegram word deur Samuel Morse van Baltimore, Maryland, na Washington, D.C. gestuur met die boodkskap "What hath God wrought?".
1870 – Gebore: Jan Christian Smuts, prominente Suid-Afrikaanse politikus en militêre leier.
1900 – Tweede Vryheidsoorlog: Die Verenigde Koninkryk annekseer die Oranje-Vrystaat.
1921 – 34 atlete neem aan die heel eerste Comrades-maraton deel.

besigtig - bespreek - wysig - geskiedenis

25 Mei: Afrikadag (1963); Herdenking van die Eerste Nasionale Regering in Argentinië (1810); Onafhanklikheidsdag in Jordanië (1946).

1810 – Tydens die Mei-rewolusie sit die burgers van Buenos Aires die Spaanse onderkoning af en verklaar die eerste onafhanklike plaaslike regering in Argentinië.
1895 – Die Republiek van Formosa word in Taiwan gestig en sy onafhanklikheid van Qing-China verklaar.
1961 – Die Apollo-program word aangekondig, met as doelwit om 'n "mens op die maan te laat land en veilig terug te bring Aarde toe".
1967 – Oorlede: Johannes Itten, Switserse skilder, kunsteoretikus en kunsonderwyser wat met die Bauhaus in Weimar, Duitsland, geassosieer word.
1995 – Die derde Rugbywêreldbekertoernooi skop in Suid-Afrika af.

besigtig - bespreek - wysig - geskiedenis

26 Mei: Onafhanklikheidsdag in Georgië (1918) en Guyana (1966).

1805 – Napoleon Bonaparte word in Milaan met die Ysterkroon van Lombardye gekroon as koning van Italië.
1918 – Georgië verklaar sy onafhanklikheid tydens die Russiese burgeroorlog en roep die Demokratiese Republiek van Georgië uit.
1966 – Guyana word onafhanklik van die Verenigde Koninkryk.
1972 – Richard Nixon en Leonid Brezjnef teken die Anti-ballistiese Missielverdrag in Moskou en sluit daarmee die SALT I-onderhandelinge af.
1986 – Die Europese Gemeenskap neem die Europese vlag aan.

besigtig - bespreek - wysig - geskiedenis

27 Mei

1199 – Jan van Engeland word as koning van Engeland gekroon.
1564 – Sterfdag van die Frans-Switserse hervormer Johannes Calvyn.
1703 – Tsaar Pieter die Grote stig die stad Sint Petersburg nadat hy die grondgebied van Swede verower het.
1883 – Aleksander III word gekroon as tsaar van Rusland ná die sluipmoord op sy pa, Aleksander II.
1915 – D.F. Malan aanvaar 'n pos as die eerste redakteur van die Afrikaanse koerant Die Burger.
1974 – Jacques Chirac word eerste minister van Frankryk.

besigtig - bespreek - wysig - geskiedenis

28 Mei: Republiekdag in beide Armenië en Azerbeidjan (1918).

640 – Die pontifikaat van die 71ste pous, pous Severinus, begin.
1660 – Koning George I van Groot-Brittanje word gebore in Osnabrück, Duitsland, toe deel van die Heilige Romeinse Ryk.
1918 – Jerewan word die hoofstad van Armenië.
1977 – Die Onafhanklike Verenigde Party verander hul naam na die Suid-Afrikaanse Party.
1999 – Na 'n restourasieprojek van 21 jaar word Leonardo da Vinci se Die Laaste Avondmaal vir die eerste keer weer tentoongestel.

besigtig - bespreek - wysig - geskiedenis

29 Mei: Feesdag van Sint Pous Paulus VI (Rooms-Katolieke Kerk).

1453 – Die Bisantynse hoofstad, Konstantinopel, word deur sultan Mehmet II van die Ottomaanse Ryk verower.
1727 – Pieter II word tsaar van die Russiese Ryk.
1919 – Die waarneming van die verskuiwing van sterposisies gedurende 'n sonsverduistering bevestig Albert Einstein se relatiwiteitsteorie.
1926 – Gebore: Abdoulaye Wade, die derde president van Senegal.
1953 – Sir Edmund Hillary en Sjerpa Tenzing Norgay word die eerste mense wat die piek van Berg Everest bereik.

besigtig - bespreek - wysig - geskiedenis

30 Mei: Staatsdag in Kroasië (1990); Herdenkingsdag aan die Slagting van Lod in Puerto Rico (1972).

1431 – In Rouen, Frankryk, word die 19 jaar oue Johanna van Arkel op die brandstapel verbrand.
1926 – Gebore: Jamie Uys, Suid-Afrikaanse rolprentregisseur.
1942 – Tweede Wêreldoorlog: 1 000 Britse bomwerpers voer 'n 90 minute lange aanval uit op Keulen, Duitsland
1982 – Spanje word die 16de lid van NAVO en die eerste nasie wat by die organisasie aansluit sedert Wes-Duitsland se toelating in 1955.
2007 – Anthe, Saturnus se 60ste natuurlike satelliet, word ontdek danksy foto's deur die Cassini-Huygens-ruimtetuig.

besigtig - bespreek - wysig - geskiedenis

31 Mei: Uniewording (onafhanklikheid van Brittanje) in Suid-Afrika (1910) en Gedenkdag (2004) in die VSA

1678 – Die Godiva-optog begin in Coventry om lady Godiva se naakte rit deur die strate van Coventry in Engeland te gedenk.
1928 – Die Stem van Suid-Afrika word vir die eerste keer in die openbaar gesing.
1961 – Na 'n referendum beperk tot blanke stemgeregtigdes word Suid-Afrika tot Republiek verklaar.
1974 – Sirië en Israel teken 'n onttrekkingsverdrag om die Jom Kippoeroorlog te beëindig.
2003 – Air France staak alle Concorde-vlugte ná 'n noodlottige ramp naby die Paryse lughawe.

besigtig - bespreek - wysig - geskiedenis

Januarie - Februarie - Maart - April - Mei - Junie - Julie - Augustus - September - Oktober - November - Desember

Uitgesoekte herdenkings wysigingsriglyne