Portaal:Sport
Wikipedia-portale: Antieke Egipte · Biologie · Chemie · Fisika · Geografie · Geologie · Geskiedenis · Griekse mitologie · Katte · Krieket · Letterkunde · Musiek · Rugby · Rusland · Skryfstelsels · Sport · Sterrekunde · Tale · Turkye · Vlae en wapens
 Welkom by Wikipedia se portaal vir sport. Sport is 'n fisieke (byvoorbeeld rugby) of denkspel (byvoorbeeld skaak) wat in kompetisieverband gespeel kan word. Sport kan ook vir ontspanning beoefen word. Alle sporte het reëls wat nagekom moet word. Die beoefening van sport kan mens aktief en gesond hou, vandaar die slagspreuk: 'n Gesonde liggaam huisves ‘n gesonde gees. |
Uitgesoekte artikel
Die T20I-wêreldbeker 2024 (Engels: 2024 ICC Men's T20 World Cup) is van 1 tot 29 Junie 2024 in die Verenigde State en Wes-Indië beslis. Dit was die negende T20I-wêreldbekertoernooi in T20I-krieket wat deur die Internasionale Krieketraad (IKR) aangebied word en die eerste kriekettoernooi in die Verenigde State ooit, terwyl Wes-Indië voorheen die 2010-toernooi aangebied het. Daarbenewens was die Verenigde State die eerste medegasheer in die Amerikas buite Wes-Indië. Die vyf Karibiese eilandstate Antigua en Barbuda, Barbados, St. Lucia, St. Vincent en die Grenadine en Trinidad en Tobago, asook Guyana en die Verenigde State het gesamentlik opgetree as gashere van dié toernooi, meer as by enige ander T20I-wêreldbekertoernooi. Dit was ná die Krieketwêreldbeker 2007 en die T20I-wêreldbeker 2010 die derde vername kriekettoernooi in Wes-Indië.
Die T20I-wêreldbeker 2024 was die eerste toernooi met 20 deelnemende nasionale krieketspanne, teenoor die 16 van die vorige vier T20I-wêreldbekertoernooie. Die 20 deelnemende nasionale krieketspanne was: Die twee gashere (die Verenigde State en Wes-Indië), die agt beste spanne van die vorige toernooi (Australië, Engeland, Indië, Nederland, Nieu-Seeland, Pakistan, Sri Lanka en Suid-Afrika), saam met die twee naasbeste spanne op die T20I-ranglys soos op 14 November 2022 (Afghanistan en Bangladesj) en die wenners van die kontinentale kwalifiseringstoernooie. In Julie 2023 het Ierland en Skotland die twee Europese plekke bepreek, terwyl Papoea-Nieu-Guinee die Oos-Asiatiese-Stille-Oseaan-plek bespreek het. In Oktober 2023 het Kanada as Amerikaanse kwalifiseerder gevolg en een maand later Nepal en Oman as Asiatiese kwalifiseerders, asook Namibië en Uganda as Afrikakwalifiseerders. Engeland was die verdedigende wêreldkampioen nadat hulle die T20I-wêreldbeker 2022 gewen het.
Afghanistan, Engeland, Indië en Suid-Afrika het vir die halfeindrondte gekwalifiseer. Suid-Afrika het Afghanistan geklop en Indië vir die verdedigende wêreldkampioen Engeland, waardeur Indië en Suid-Afrika mekaar in die eindstryd ontmoet het. Indië het Suid-Afrika in die eindstryd op die Kensington-ovaal in Bridgetown, Barbados, met sewe lopies verslaan en sodoende ná 2007 sy tweede T20I-wêreldbekertitel ingepalm, waarmee hulle ná Wes-Indië in 2016 en Engeland in 2022 die derde span geword het wat die T20I-wêreldbekertrofee vir ’n tweede keer kon wen. Die gashere die Verenigde State en die tweemalige wenner Wes-Indië is in die Super Agt uitgeskakel. Namibië is ná een oorwinning en drie nederlae reeds in die eerste rondte uitgeskakel.
Voorbladartikels
Amper klaar
Ander artikels
Amper klaar
Ander artikels
Afghaanse nasionale krieketspan - All Blacks - Fernando Alonso - Argentynse nasionale rugbyspan - Australiese nasionale krieketspan - Belgiese nasionale rugbyspan - Bengaalse nasionale krieketspan - Bermudaanse nasionale krieketspan - Brasiliaanse nasionale rugbyspan - Britse en Ierse Leeus - Jenson Button - Chileense nasionale rugbyspan - Duitse nasionale krieketspan - Duitse nasionale rugbyspan - Engelse nasionale krieketspan - Engelse nasionale rugbyspan - Roger Federer - Fidjiaanse nasionale rugbyspan - Franse nasionale rugbyspan - Pierre Gasly - Georgiese nasionale rugbyspan - Lewis Hamilton - Hongkongse nasionale krieketspan - Hongkongse nasionale rugbyspan - Ierse nasionale krieketspan - Ierse nasionale rugbyspan - Indiese nasionale krieketspan - Italiaanse nasionale rugbyspan - Japannese nasionale rugbyspan - Kanadese nasionale krieketspan - Kanadese nasionale rugbyspan - Keniaanse nasionale krieketspan - Keniaanse nasionale rugbyspan - Krieketwêreldbeker 2003 - Krieketwêreldbeker 2007 - Krieketwêreldbeker 2011 - Krieketwêreldbeker 2015 - Krieketwêreldbeker 2019 - Krieketwêreldbeker 2023 - Niki Lauda - Namibiese nasionale krieketspan - Namibiese nasionale rugbyspan - Nederlandse nasionale krieketspan - Nederlandse nasionale rugbyspan - Nepalese nasionale krieketspan - Nieu-Seelandse nasionale krieketspan - Olimpiese Somerspele 2008 - Olimpiese Somerspele 2012 - Omaanse nasionale krieketspan - Pakistanse nasionale krieketspan - Papoea-Nieu-Guinese nasionale krieketspan - Paralimpiese Somerspele 2008 - Portugese nasionale rugbyspan - Proteas - Roemeense nasionale rugbyspan - Rugby - Rugbywêreldbeker 2003 - Rugbywêreldbeker 2007 - Rugbywêreldbeker 2011 - Rugbywêreldbeker 2015 - Rugbywêreldbeker 2019 - Rugbywêreldbeker 2023 - Samoaanse nasionale rugbyspan - Skaak - Skotse nasionale krieketspan - Skotse nasionale rugbyspan - Spaanse nasionale rugbyspan - Springbokke - Sri Lankaanse nasionale krieketspan - T20I-wêreldbeker 2021 - T20I-wêreldbeker 2022 - T20I-wêreldbeker 2024 - Tafeltennis - Tongaanse nasionale rugbyspan - Ugandese nasionale krieketspan - Uruguaanse nasionale rugbyspan - Verenigde Arabiese Emirate se nasionale krieketspan - Verenigde State se nasionale krieketspan - Verenigde State se nasionale rugbyspan - Wallabies - Walliese nasionale rugbyspan - Wes-Indiese nasionale krieketspan - Zimbabwiese nasionale krieketspan - Zimbabwiese nasionale rugbyspan
Algemeen
Vir elke sportsoort is daar 'n beheerliggaam (op nasionale vlak). Die plaaslike, nasionale en internasionale beheerliggame is verantwoordelik vir al die tegniese vrae en beheer die toernooistelsel. Langs die professionele bestuur is die sportklubs ook streeksgebonde in die plaaslike beheerliggame. Die Suid-Afrikaanse Sportkonfederasie en Olimpiese Komitee (SASKOK) is die beheerliggaam van alle sportsoorte van Suid-Afrika en koördineer die verhouding met verskeie internasionale sportfederasies.
Aanhalings
 |
Sport has the power to change the world. It has the power to inspire. It has the power to unite people in a way that little else does. It speaks to youth in a language they understand. Sport can create hope, where once there was only despair. — Nelson Mandela |
 |
Uitgesoekte span
Die Nederlandse nasionale rugbyspan (Nederlands: Nederlands rugbyteam) is die nasionale rugbyspan wat Nederland in internasionale wedstryde (toetswedstryde) verteenwoordig. Rugby word in Nederland geadministreer deur Rugby Nederland (RN) wat in 1932 gestig is. Hulle dra die bynaam Oranje. Nederland word deur Wêreldrugby as ’n vlak drie-span erken. Die Nederlandse rugbyspan is tans (Februarie 2026) 27ste op Wêreldrugby se wêreldranglys gelys.
Nederland het in 1930 sy eerste nieamptelike toetswedstryd teen België gespeel; hul eerste amptelike toetswedstryd het twee jaar later gevolg. In die daaropvolgende jare het albei spanne mekaar gereeld ontmoet. Van die ander opponente in die begintydperk was Duitsland en Roemenië. In 1934 was Nederland een van die stigtingslede van die Fédération internationale de rugby amateur (FIRA; nou Rugby Europa) wat as mededinger tot die destydse eksklusiewe, Angel-Saksies oorheersde Internasionale Rugbyvoetbalraad (IRVR; nou Wêreldrugby) gestig is. Sedert die 2000’s het die rugbysport in Nederland verder ontwikkel en die keurspan lok intussen gereeld skare van sowat 1 000 tydens tuiswedstryde. Nederland speel die meeste van sy toetswedstryde tydens die Europese Rugbykampioenskap, waar hulle met ander opkomende rugbyspanne meeding. Die nasionale span se beste prestasies tot dusver is die promosie na die eerste vlak in 2020. Nederland kon tot dusver nog nie vir ’n rugbywêreldbekertoernooi kwalifiseer nie. Die Nederlandse span speel tradisioneel in oranje truie met blou broeke en blou sokkies.
Uitgesoekte sportsoort
Skaak (Persies: šāh, van Schah, d.i. ‚Koning‘ – dus die naam „die koninklike spel“) is 'n strategiese bordspel vir twee spelers. Die huidige vorm van die spel het in suidelike Europa ontstaan tydens die tweede helfte van die 15de eeu nadat dit ontwikkel het uit soortgelyke en baie ouer spelle met Indiese en Persiese oorsprong. Vandag is skaak een van die gewildste bordspele ter wêreld en word dit deur miljoene mense tuis, in klubs, aanlyn, per pos, en in toernooie gespeel.
Skaak word gespeel op 'n vierkantige bord wat verdeel is in agt rye en agt kolomme, met 64 indiwiduele blokkies wat tradisioneel lig en donker gekleur is. Elke speler het 16 stukke, wat bestaan uit agt pionne, twee torings, twee lopers, twee ruiters, een dame en een koning. Elke stuk skuif op sy eie manier. Die twee kante word onderskei deur kontrasterende kleure. Die doel van die spel is om die koning van die opponent in skaakmat te plaas.
Georganiseerde skaakkompetisies het in die 16de eeu begin en het sedertdien aansienlik ontwikkel. Alhoewel dit nie 'n Olimpiese sport is nie, word skaak wel deur die Internasionale Olimpiese Komitee as 'n sport erken. Die eerste amptelike Wêreldskaakkampioen, Wilhelm Steinitz, het sy titel in 1886 verwerf. Die huidige wêreldkampioen is Magnus Carlsen van Noorweë. Teoretici het sedert die spel se ontstaan uitgebreide skaakstrategieë en taktiek ontwikkel.
Een van die doelstellings van vroeë rekenaarwetenskaplikes was om 'n skaakprogram te ontwikkel. Hedendaagse skaak word sterk beïnvloed deur die vermoëns van skaakprogramme en die vermoë om aanlyn teen ander spelers te speel. In 1997 het Deep Blue die eerste rekenaar geword om 'n heersende skaakkampioen te verslaan in 'n wedstryd waarin dit teen Garri Kasparof gewen het.
Die woord skaak kom van die Persiese woord sjah, wat koning beteken. Ook die woord mat is Persies en beteken hulpeloos.
Sportnuus
_(cropped).jpg)
- Indië en Nieu-Seeland haal die eindstryd van die T20I-wêreldbeker 2026 op die Narendra Modi-stadion in Ahmedabad, Indië, nadat hulle Engeland en Suid-Afrika onderskeidelik in die halfeindrondte verslaan het.
- Van 5 Februarie tot 14 Maart word die 2026-Sesnasies-toernooi tussen die nasionale spanne van Engeland, Frankryk, Ierland, Italië, Skotland en Wallis beslis. Gelyktydig word die Europese Rugbykampioenskap tussen die nasionale spanne van België, Duitsland, Georgië, Nederland, Portugal, Roemenië, Spanje en Switserland beslis.
- Wêreldrugby het die Rugbywêreldbeker 2027 se wedstrydskedule bekend gemaak; dié toernooi sal op 1 Oktober tussen die gasheer Australië en die debutant Hongkong afskop en die eindstryd sal ná ses weke se wedstryde op 13 November op die Stadium Australia in Sydney beslis word.
- Tydens die Australiese Ope het die Kasakse tennisspeler Elena Rybakina haar tweede Grand Slam-toernooi gewen, terwyl die Spaanse tennisspeler Carlos Alcaraz sy sewende toernooi ingepalm het.
- Senegal se sokkerspan wen die CAF se Afrikanasiesbekereindstryd teen die gasheer Marokko en palm sodoende sy tweede titel in. Nigerië eindig in die derde en Egipte in die vierde plek.
Uitgesoekte biografie
Jenson Button OBE (gebore in Frome, Somerset, Engeland op 19 Januarie 1980) is 'n voormalige Formule Een-renjaer van Engeland. Hy het al vir die spanne Williams, Benetton, Renault, BAR, Honda, Brawn GP en McLaren gejaag. Sy laaste F1-wedren was die 2017 Monaco Grand Prix vir die McLaren-Honda-renspan.
Button het op die ouderdom van agt begin kartry en vroeë sukses behaal, voordat hy na motorrenne in die Britse Formule Ford-kampioenskap en die Britse Formule 3-kampioenskap gevorder het. Hy het vir die 2000-seisoen eers in F1 vir Williams gejaag. Die volgende jaar het hy oorgeskakel na Benetton, wat aan die begin van die 2002-seisoen die Renault-span geword het, en toe vir die 2003-seisoen verskuif hy na BAR. Hy het derde in die 2004 Wêreldjaerskampioenskap geëindig, voordat hy tot negende in die 2005-kampioenskap geval het. BAR is daarna herdoop en het die Honda-span geword vir die 2006-seisoen, waartydens Button sy eerste Grand Prix by die Hongaarse Grand Prix gewen het, ná 113 wedrenne.
Het u geweet...
...dat die vyf gewildste televisie-uitsendings almal sportprogramme is? Die Olimpiese Somerspele, Sokker-Wêreldbekertoernooie, Krieketwêreldbekertoernooie, Rugbywêreldbekertoernooie en Formule Een is die vyf programme wat die grootste kykertalle lok.
...dat ’n groot aantal immigrante uit Cornwall in myne in Suid-Afrika kom werk het? Die tinmyners het op die goudmyne in die ZAR gewerk en onder andere 'n rol gespeel in die vestiging van rugby as ’n sport in Suid-Afrika.
...dat die Namibiër Rudie van Vuuren die eerste (en enigste) man is wat in dieselfde jaar in twee sportsoorte, krieket en rugby, aan ’n wêreldbekertoernooi deelgeneem het? Hy het sy land tydens beide die Krieketwêreldbeker 2003 en die Rugbywêreldbeker 2003 verteenwoordig.
...dat die doelhok in sokker 2,44 meter hoog en 7,32 meter wyd is?
...dat daar in toetskrieket sedert 1877 slegs twee gelykopuitslae was en die Australiese nasionale span in albei gespeel het?
Uitgesoekte beeld
Juuso Pykälistö van Finland in sy Peugeot 206 WRC tydens die 2003 Sweedse Tydren.
Sport in hierdie jaar
.jpg)
_-_Canada_vs_England_(1).jpg)
Sport in 2025 – van die hoogtepunte sluit in die Kampioenetrofee 2025, die Wêreldtoetskampioenskap-eindstryd, die Britse en Ierse Leeus se Australiese toer, die Vrouerugbywêreldbeker 2025, die Vrouekrieketwêreldbeker 2025, die T20I-wêreldbeker 2026-kwalifisering en die Rugbywêreldbeker 2027-kwalifisering.
- 31 Januarie–15 Maart – Frankryk wen tydens die Sesnasies-toernooi hul 27ste titel, terwyl Georgië tydens die Europese Rugbykampioenskap hul 17de titel inpalm. Daarbenewens kwalifiseer Georgië, Portugal, Roemenië en Spanje vir die Rugbywêreldbeker 2027 in Australië.
- 2 Februarie – Indië wen die eindstryd van die o/19-T20I-vrouewêreldbeker teen Suid-Afrika met nege paaltjies en palm sodoende hul tweede agtereenvolgende titel in. Australië en Engeland was die ander twee semi-finaliste.
- 19 Februarie–9 Maart – Indië wen die eindwedstryd van die negende Kampioenetrofeetoernooi teen Nieu-Seeland met vier paaltjies en palm sodoende hul derde titel in. Australië en Suid-Afrika was die ander twee semi-finaliste.
- 11–14 Junie – Suid-Afrika verslaan Australië met vyf paaltjies in die eindstryd van die derde Wêreldtoetskampioenskap op Lord’s in Londen.
- 13 Junie–5 Julie – Hongkong beklink die Asiatiese Rugbybeker en kwalifiseer vir die eerste keer vir 'n rugbywêreldbekertoernooi, waarmee hulle die tweede Asiatiese span word wat aan die Rugbywêreldbeker 2027 sal deelneem.
- 15–22 Junie – Kanada bespreek die Amerikaanse plek vir die T20I-wêreldbeker 2026 in Indië en Sri Lanka, hul tweede agtereenvolgende T20I-wêreldbekerdeelname.
- 28 Junie–2 Augustus – Die Britse en Ierse Leeus wen die toetsreeks teen die Wallabies, Australië se nasionale rugbyspan, met 2–1.
- 29 Junie–19 Julie – Die Junior Bokke klop in die Wêreldrugby o/20-kampioenskap-eindstryd die Junior All Blacks en wen sodoende hul tweede titel.
- 5–11 Julie – Italië en Nederland bespreek die Europese plekke vir die T20I-wêreldbeker 2026, vir Italië is dit hul eerste deelname aan ’n krieket- of T20I-wêreldbekertoernooi ooit.
- 8–19 Julie – Zimbabwe klop in die Afrikabekereindstryd Namibië en kwalifiseer daarmee vir die Rugbywêreldbeker 2027, hul eerste rugbywêreldbekerdeelname sedert 1991.
- 19 Julie–6 September – Uruguay beklink die Suid-Amerikaanse Rugbywêreldbeker 2027-kwalifisering.
- 16 Augustus–4 Oktober – Die Suid-Afrikaanse Springbokke wen hul sesde titel tydens die 2025-Rugbykampioenskapreeks.
- 22 Augustus–27 September – Die gasvroue Engeland klop tydens die eindstryd van die tiende Vrouerugbywêreldbekertoernooi Kanada met 33–13 en palm sodoende ná 1994 en 2014 hul derde titel in. Nieu-Seeland eindig in die derde en Frankryk in die vierde plek.
- 23 Augustus–20 September – Fidji klop in die Stille Oseaan-nasiesbekereindstryd Japan met 33–27 en palm sodoende hul agtste titel in; daarbenewens kwalifiseer ook Kanada, Tonga en die Verenigde State vir die Rugbywêreldbeker 2027.
- 20–27 September – Chili klop in die Suid-Amerika-Stille-Oseaan-uitspeelrondte vir die Rugbywêreldbeker 2027 Samoa, gelyk aan hulle tweede agtereenvolgende rugbywêreldbekerdeelname, waardeur dit die tweede agtereenvolgende toernooi sal wees waaraan die drie Suid-Amerikaanse spanne Argentinië, Chili en Uruguay saam deelneem.
- 26 September–4 Oktober – Namibië en Zimbabwe bespreek die Afrikaplekke vir die T20I-wêreldbeker 2026, waarmee dié twee Suider-Afrikaanse spanne saam met Suid-Afrika aan die toernooi deelneem.
- 30 September–2 November – In die eindstryd van die 13de Vrouekrieketwêreldbekertoernooi op die DY Patil-stadion in Navi Mumbai verslaan die medegasheer Indië Suid-Afrika met 52 lopies en palm sodoende sy eerste vrouekrieketwêreldbekertitel in. Die verdedigende kampioen Australië en Engeland was die ander twee semi-finaliste.
- 8–17 Oktober – Nepal, Oman en die Verenigde Arabiese Emirate bespreek die Asië-Stille-Oseaan-plekke vir die T20I-wêreldbeker 2026, waarmee vir die eerste keer agt spanne uit Asië aan ’n internationale kriekettoernooi deelneem.
- 8–18 November – Samoa beklink die internasionale uitspeelrondte om die laaste Rugbywêreldbeker 2027-plek in Doebai teen België, Brasilië en Namibië, waarvolgens laasgenoemde span vir die eerste keer sedert 1999 versuim om vir 'n rugbywêreldbekertoernooi te kwalifiseer.
Sport volgens jaar
2000 •
2001 •
2002 •
2003 •
2004
2005 •
2006 •
2007 •
2008 •
2009
2010 •
2011 •
2012 •
2013 •
2014
2015 •
2016 •
2017 •
2018 •
2019
2020 •
2021 •
2022 •
2023 •
2024
2025 •
2026 •
2027 •
2028 •
2029
Verwante portale
Kategorieë
Ontdek...
Armdruk • Atletiek • Padwedloop • Basketbal • Bofbal • Boks • Ysskaats • Boogskiet • Driekamp • Duik • Fietsry • Ballet • Gewigoptel • Gesinchroniseerde swem • Gholf • Gimnastiek • Handbal • Hokkie • Jag • Judo • Kanovaart • Karate • Kegelbal • Krieket • Motorsport • Muurbal • Netbal • Pluimbal • Roei • Rolbal • Rolstoelrugby • Rugby • Ruitersport • Sagtebal • Seil • Skaak • Skerm • Ski • Skyfskiet • Sneeuplankry • Sokker • Stoei • Swem • Tafeltennis • Taekwondo • Tennis • Vlugbal • Waterpolo