Gereformeerde kerk Douglas

in Wikipedia, die vrye ensiklopedie
Jump to navigation Jump to search
Gereformeerde Kerk
Douglas
Embleem van die Gereformeerde Kerke in Suid-Afrika.jpg
Sluit in  Douglas
Klassis  Griekwaland-Wes
Huidige predikant(e)  Vakant
Belydende lidmate  27
Dooplidmate  9
Adres Douglas
Geskiedenis
Stigtingsdatum  10 Februarie 2010
Afgestig van  Kimberley
Op drie ná al die lidmate byeen om die gemeente se 10de verjaardag op 10 Februarie 2020 te vier.

Die Gereformeerde kerk Douglas is die jongste van die 15 gemeentes in die Gereformeerde Kerke in Suid-Afrika se Klassis Griekwaland-Wes, waarin Postmasburg, gestig in 1883, die oudste is. Met ’n sieletal van 36 in 2019 was die gemeente toe die derde kleinste.

Die gemeente se middelpunt is op die Noord-Kaapse dorp Douglas, sowat 100 km suidwes van die provinsiale hoofstad, Kimberley. Die lidmate wat op Douglas woon, het tot 2010 onder die Gereformeerde kerk Kimberley geressorteer. In daardie jaar, toe ds. Hannes Noëth predikant van Kimberley was, het sowat 20 belydende en sowat 10 dooplidmate as die Gereformeerde kerk Douglas afgestig. Die eerste ouderlinge was C. Nel en D.S. Snyders en die eerste diaken N. Richter.

Die Gereformeerde kerk Douglas het in sy meer as dekade lange bestaan nog nie genoeg genoeg lidmate gehad om ’n predikant te beroep nie.

Bronne[wysig | wysig bron]

  • (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
  • (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.

Eksterne skakel[wysig | wysig bron]