Gereformeerde kerk Oranjerivier

in Wikipedia, die vrye ensiklopedie
Jump to navigation Jump to search
Ds. H.W. Schutte, leraar van 2007 tot 2010 (in kombinasie met De Aar en Strydenburg).

Die Gereformeerde kerk Oranjerivier is die jongste en ook die grootste van die twee gemeentes van die GKSA op die Noord-Kaapse dorpie Orania. Die ander, Gereformeerde kerk Orania, is in 2002 gestig.

Lidmate in die omgewing van Orania het eers onder die Gereformeerde kerk Strydenburg en toe onder die Gereformeerde kerk Philipstown geressorteer. Eersgenoemde het in 2014 ontbind toe daar net 13 belydende en drie dooplidmate oorgebly het terwyl laasgenoemde in 2016 die kleinste gemeente in die Klassis Burgersdorp was met 18 belydende maar geen dooplidmate nie. Op Orania is ’n Gereformeerdekerkkommissie gestig tussen die Gereformeerde, Nederduitse Gereformeerde en Hervormde Kerk. Hierdie kommissie het gereël dat elke kerkverband afwissel vir die eredienste verantwoordelik was. Later het die Orania ’n wyk van die Gereformeerde kerk Kimberley geword. Op 22 Mei 2005 het die Gereformeerdes op Orania wat nie tot die Gereformeerde kerk Orania behoort het nie, afgestig as die Gereformeerde kerk Oranjerivier.

Nes die gemeente Orania het Oranjerivier nie ’n eie kerkgebou nie, maar hou eredienste in die plaaslike gemeenskapsentrum. Oranjerivier se belydende lidmate het van 2011 tot 2015 toegeneem van 23 tot 42 en die dooplidmate van 11 tot 23, terwyl Orania se belydende lidmate toegeneem het van 24 tot 26, maar die dooplidmate afgeneem het ses tot vyf.

Predikante[wysig | wysig bron]

  1. Schutte, Hendrik Willem, 2007 – 2010 (in kombinasie met De Aar en Strydenburg)
  2. Le Roux, Jacobus Petrus, 2010 – 2012 (in kombinasie met De Aar, Strydenburg en Philipstown)
  3. De Kock, Jacobus Johannes, 2014 – hede

Bronne[wysig | wysig bron]

  • (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
  • (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.