Gereformeerde kerk Pretoria-Annlin

in Wikipedia, die vrye ensiklopedie
Spring na: navigasie, soek
Gereformeerde Kerk
Pretoria-Annlin
Embleem van die Gereformeerde Kerke in Suid-Afrika.jpg
Sluit in  Annlin (en uitbreidings)
Cynthiavale
Doornpoort (fase 1 en 2)
Sinoville-Wes
Wonderboom
Wonderboom-hoewes
Klassis  Trans-Magalies/Trans Mogale
Huidige predikant(e)  Attie Venter
Prof. Nico Vorster
Brian de Vries
Belydende lidmate  676
Dooplidmate  178
Adres H.v. Braam Pretoriusstraat
en Kaneelbaslaan
Wonderboom
Pretoria
Geskiedenis
Stigtingsdatum  1965
Afgestig van  Eloffsdal-Wonderboom-Suid
Eerste predikant  J.H. Boneschans (1965–1969)
Ds. P.C. Snyman, leraar van 1969 tot 1975, toe hy die bediening verlaat.
Die kerkraad, datum onbekend. Ds. Andries Myburg sit in die middel.
Ds. Jan Boneschans, leraar van 1965 tot 1969.
Dr. J.L. Venter, leraar van 1984 tot 2008, sy laaste gemeente. Hy is oorlede op 3 Maart 2018.

Die Gereformeerde kerk Annlin is ’n gemeente van die Gereformeerde Kerk (GKSA) in die noorde van Pretoria wat, soos die naam aandui, die voorstad Annlin en sy uitbreidings insluit, asook Cynthiavale, gedeeltes van Doornpoort, Sinoville-Wes, Wonderboom en Wonderboom-landbouhoewes.

Pretoria-Annlin is in 1965 afgestig van die gemeente Eloffsdal-Wonderboom-Suid vanweë die ontwikkeling in Pretoria noord van die Magaliesberg. Al Gereformeerde kerke in dié omgewing wat ouer is as Pretoria-Annlin, is Pretoria-Noord (1942) en Wonderboompoort (1960). ’n Deel van die nuwe gemeente se bruidskat was twee erwe wat die oorspronklike eienaars van die plaas Wonderboom, die familie Van Deventer, op 16 Oktober 1965 vir die oprigting van ’n kerkgebou geskenk het.

Die kerkraad het die argitek Johan de Ridder, lidmaat van die Gereformeerde kerk Pretoria-Sunnyside, gevra om die kerkgebou te ontwerp. Die bouaannemer was ook ’n Gereformeerde, J. Vierbergen. Ds. P.C. Snyman het die gedenkplaat op 20 April 1974 onthul en kort daarna, op 3 Augustus 1974 is die orrel met 800 pype in gebruik geneem. Die Nagmaalservies en doopbak kom uit die Gereformeerde kerk Eldoret in Kenia, wat in 1966 ontbind het.

In 1978 het die kerkraad besluit om die kerkgebou te vergroot vanweë ’n toename in die lidmaattal. Tussen 1998 en 2015 het die getalle as volg gewissel (die jaartal dui op die jaar waarin die syfers in die GKSA se Almanak verskyn het, nie op die jaar waarin dit getel is nie):

Jaartal Dooplidmate Bel. lidmate Sieletal
1998 222 772 994
2002 195 795 990
2012 158 744 902
2015 178 676 854

'n Tragedie het die gemeente op 2 September 2016 getref toe Laurika Venter, 'n maatskaplike werke en ds. Venter se eggenote, saam met haar aanstaande skoonseun, Konrad de Beer, negeuur die aand in 'n motorongeluk op pad na 'n kerkkamp in die Rhemardo-vakansieoord in Limpopo gesterf het. De Beer was van plan om die Venters se dogter, Lausanne, die volgende dag naby Mookgophong die jawoord te vra. Lausanne was ook in die Toyota-bakkie, maar het ongedeerd daarvan afgekom. Die Venter-egpaar was 28 jaar lank getroud en het ook 'n seun gehad, Jac, 'n 20-jarige student aan die Noordwes-Universiteit ten tyde van die ongeluk. Laurika Venter was tot haar dood sewe jaar lank 'n maatskaplike werker by die Suid-Afrikaanse Vrouefederasie. Sy en De Beer is langs mekaar in die Zandfontein-begraafplaas begrawe. Laurika Venter is oorleef deur haar ouers, Willem en Leonie Postma en haar jonger broer en suster, Willem en Martie Postma-Botha.[1]

Predikante[wysig | wysig bron]

  1. Boneschans, Jan Hendrik, 1965 – 1969 (oorgekom van die moedergemeente, Eloffsdal-Wonderboom-Suid, af)
  2. Snyman, Philippus Christoffel, 1969 – 1975 (verlaat die bediening)
  3. Myburg, Andries, 1975 – 2001 (aanvaar sy emeritaat ná 'n beroerteaanval)
  4. Venter, dr. Jan Louis, 1984 – 2008 (aanvaar sy emeritaat)
  5. Venter, Archibald (Attie), 2000 – hede
  6. Vorster, dr. Nicolaas, 2009 – 2011; 2011 – hede (asmede Fakulteit Teologie Potchefstroom)
  7. Zwemstra, dr. Heinrich Martin, 2012 – 2017 (aanvaar beroep na Walvisbaai/Hentiesbaai)
  8. De Vries, dr. Brian, 2013 – hede

Bronne[wysig | wysig bron]

Verwysings[wysig | wysig bron]