Gereformeerde kerk Komatipoort

in Wikipedia, die vrye ensiklopedie
Gereformeerde Kerk
Komatipoort
Sluit in  Hectorspruit
Kaapmuiden
Komatipoort
Malelane
eSwatini (noorde)
Krugerwildtuin (suide)
Mosambiek (suide)
Klassis  Lydenburg
Huidige predikant(e)  Gerhard van Rhyn
Belydende lidmate  144
Dooplidmate  33
Adres Rissikstraat 94
Komatipoort
Geskiedenis
Stigtingsdatum  1961
Afgestig van  Barberton
Eerste predikant  N.J. Grobler 1961–1962
Die Gereformeerde kerk Komatipoort.

Die Gereformeerde kerk Komatipoort is die sesde jongste gemeente in die GKSA en was einde 2015, toe hier 177 belydende en 44 en dooplidmate was, die agtste grootste van die 16 gemeentes in dié Klassis. Buiten die hoofdorp, Komatipoort waar die kerkgebou is, sluit die gemeentegrense ook Malelane, die noordelike deel van Swaziland, die suide van die Krugerwildtuin, suidelike deel van Mosambiek, Hectorspruit en Kaapmuiden in.

Tot 1961 het Gereformeerde lidmate op en om Komatipoort en Malelane deel uitgemaak van die Gereformeerde kerk Barberton, maar die begeerte om selfstandig ’n gemeente te word, het ál dringender geword al het Barberton in 1960 uit net 87 belydende en 62 dooplidmate bestaan, skaars genoeg om met Komatipoort en Malelane as afsonderlike gemeente te bestaan. So het die Gereformeerde kerk Komatipoort met Malelane as wyk in daardie jaar afgestig van die Gereformeerde kerk Barberton. Die lidmaattal was aan die begin so klein dat eredienste waargeneem is in ’n klaskamer van die plaaslike skool.

Later is wel besluit om ’n kerkgebou op te rig en in 1966 is dié gebou voltooi en op 4 Junie daardie jaar in gebruik geneem. Ds. J.H. van der Walt het die hoeksteen onthul. G.T. de Villiers het die gebou ontwerp en oudl. S.J. Delport het die leiding geneem met die bouwerk. Dié gebou het bestaan uit die kerkie, ablusiegeriewe en ’n klein konsistorie.

In 1990 is ’n saal aangebou, die ou konsistorie uitgebreek en die kerk vergroot. Later is ook ’n moederskamer met twee toiletvertrekke aangebou.

In Oktober 1975 is die eerste, eenvoudige preekstoel vervang deur ’n grotere van kiaat. ’n Lidmaat, A.J.J. (oom At) Potgieter het dit geskenk. Skenkings en bydraes uit die gemeente die bou van die saal moontlik gemaak.

Eers het die gemeente ’n pastorie gehuur, maar later is besluit om ’n eie pastorie te bou. Oudl. S.J. Delport het die leiding geneem met die bou van die pastorie soos hy ook gemaak het met die kerkbou. Dit is in 1982 voltooi.

Predikante[wysig | wysig bron]

  1. Denkema, Francois, 1975 – 1981
  2. Earle, Johannes Matthys, 1982 (verlaat die bediening)
  3. Stoltz, Daniël Cias Petrus, 1983 – 1989 (aanvaar sy emeritaat)
  4. Fick, dr. Paul Hendrik, 1990 – 1995
  5. Muller, dr. Daniel Francois, 1995 – 1999
  6. Fick, dr. Paul Hendrik, 1999 - 2007
  7. Van Rooy, Petrus Cornelius, 2008 – 2012
  8. Erasmus, Gert Jacobus, 2012 – 2018
  9. Van Rhyn, Gerhardus Petrus, 2018 – hede

Bronne[wysig | wysig bron]