Gereformeerde kerk Alberton-Wes

in Wikipedia, die vrye ensiklopedie
Gereformeerde Kerk
Alberton-Wes
Sluit in  Alberante
Generaal Albertspark
Meyersdal
New Market
New Redruth (-Wes)
Randhart
Raceview
Southcrest
Suidrand
Klassis  Vaalrivier
Huidige predikant(e)  vakant
Belydende lidmate  214
Dooplidmate  33
Adres H.v. Petersfielde en
Phantomstraat
Raceview
Alberton
Geskiedenis
Stigtingsdatum  26 Junie 1966
Afgestig van  Alberton
Eerste predikant  F.J. van Deventer (1967–'70)
Ds. J.H. Coetzee, leraar van 1971 tot 1981, sy derde gemeente.
Die kerkgebou, einde 2017.
Die kerkgebou.
Ds. Dirk Postma, leraar van 1981 tot 1988, sy vierde gemeente. Hy en sy voorganger het saam afstudeer in 1959.

Die Gereformeerde kerk Alberton-Wes is een van drie gemeentes van die Gereformeerde Kerke van Suid-Afrika op die Randse dorp Alberton. Die Gereformeerde kerk Alberton is op 9 Desember 1939 van Germiston afgestig terwyl Brackenhof in 1996 ontstaan het uit ’n samesmelting van Eikenhof (1946) en Brackenhurst (1982). In die eeufeesjaar van die Gereformeerde Kerk (1959) het Alberton en Eikenhof saam 551 belydende lidmate gehad. Einde 2014 het die belydende lidmate van Alberton, Alberton-Wes en Brackenhof saam 653 getel, van wie 289 (sowat 45 persent) lidmate van Alberton-Wes was.

Vanweë die snelle uitbreiding van die dorp Alberton is besluit ’n tweede gemeente moes gestig word. Op 26 Junie 1966 stig Alberton-Wes af. Eers is eredienste in ’n skoolsaal gehou en die kerkraad besluit om te wag met bouwerk aan ’n eie kerk tot die boufonds op R10 000 staan. Einde 1969 is dié mylpaal bereik. Lidmate het self die bouwerk onderneem en die kerkgebou is op 2 Mei 1970 in gebruik geneem nadat ds. F.J. van Deventer die hoeksteen tydens dieselfde geleentheid onthul het.

Predikante[wysig | wysig bron]

Die gemeente se eerste predikant, van 1967 tot 1970, was ds.Frikkie van Deventer. Hy is later na Middelburg, Kaap beroep en toe na Germiston. Hy is oorlede op 17 September 2011. Sy weduwee, Annamarie, is 'n talentvolle skilder en pianis. Hul tweede seun, Frederik, is tans jeugleraar van Linden. Ds. Van Deventer se opvolger was ds. (Mooi) Hennie Coetzee. Hy was met Wouda van der Walt getroud. Wouda was die Afrikaanse omroeper Johannes van der Walt se dogter. Hennie en Wouda het later 'n beroep na Magol aanvaar.

Predikante[wysig | wysig bron]

  1. Van Deventer, Frederik Johannes, 1967–1970
  2. Coetzee, Johannes Hendrik, 1971–1981
  3. Krüger, dr. Petrus Paulus, 1979–1982
  4. Postma, Dirk, 1981–1988
  5. Laufs, Dirk, 1989–2004 (aanvaar sy emeritaat)
  6. Leuschner, dr. Frederick Wilhelm, 2002–2003 (in kombinasie met Boksburg-Suid)
  7. Kruger, dr. Ferdinand Petrus, 2004–2009
  8. Roets, Cornelius Johannes Christiaan, 2009–2024

Bronne[wysig | wysig bron]

  • (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
  • (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
  • (af) Venter, ds. A.A. (hoofred.) 1957. Almanak van die Gereformeerde Kerk in Suid-Afrika vir die jaar 1958. Potchefstroom: Administratiewe Buro.
  • (af) Venter, ds. A.A. (hoofred.) 1958. Almanak van die Gereformeerde Kerk in Suid-Afrika vir die jaar 1959. Potchefstroom: Administratiewe Buro.
  • (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.

Sien ook[wysig | wysig bron]