Gereformeerde kerk Bloemhof
| Gereformeerde kerk Bloemhof | ||
| ||
| Sluit in | Bloemhof | |
| Klassis | Noordwes | |
| Huidige predikant(e) | Philip Hattingh | |
| In kombinasie met | Christiana | |
| Belydende lidmate | 46 | |
| Dooplidmate | 5 | |
| Adres | H.v. Resident- en Hullstraat Bloemhof Noordwes | |
| Geskiedenis | ||
| Stigtingsdatum | 13 Julie 1950 | |
| Afgestig van | Wolmaransstad | |
| Eerste predikant | M.J. Booysen 1950–1953 | |
Die Gereformeerde kerk Bloemhof is ’n gemeente van die GKSA op die dorp Bloemhof in Noordwes.
Dit is die negende oudste van die 30 gemeentes in die Klassis Noordwes. In 2023 het die gemeente 46 belydende en 5 dooplidmate gehad, vergeleke met 48 en 23 in 1997. Die gemeente is tans in kombinase (die deel van n predikant) met Christiana.
In die 1920's het die destydse Gereformeerde kerk Bloemhof (waarvan die beskikbare bronne nie die stigtingsdatum aangee nie) uit delwers bestaan. ’n Sinkgeboutjie is as kerk gebruik. In 1928 het die delwers weggetrek en die kerkgebou het in onbruik geraak. Die gemeente het toe (weer word die datum nie verstrek nie) ’n wyk van Wolmaransstad geword.
Op 13 Julie 1950 is die Gereformeerde kerk Bloemhof toe opnuut gestig toe die wyke hier van Wolmaransstad afgestig het met 44 belydende lidmate. Van toe tot in 1961 is gebruik gemaak van die kerkgebou van die Nederduitsch Hervormde gemeente. In daardie jaar het die lidmate hul eie kerk in gebruik geneem. Hierdie gebou is ontwerp deur ’n lidmaat, ene J.L. Pretorius. Die boumeester was K.G.E. von Moltke. Ds. Jansen van Vuuren du Plessis het die hoeksteen op 15 April 1961 gelê en in Junie daardie jaar is dit in gebruik geneem.
Predikante
[wysig | wysig bron]- Venter, Jacobus Johannes, 1982 – 1989 (in kombinasie met Schweizer-Reneke)
- De Beer, Dewald Lambertus, 1989 – 2001 (in kombinasie met Schweizer-Reneke; aanvaar sy emeritaat)
- Prinsloo, Daniël Petrus, 2002 – 2003 (in kombinasie met Christiana)
- Van der Walt, Abraham Barend, 2004 – 2009 (in kombinasie met Christiana)
- Van Wyk, dr. Hendrik Francois, 2009 – 2020 (in kombinasie met Christiana)
- Hattingh, Philip, 29 Mei 2021 – hede (in kombinasie met Christiana)
Bronne
[wysig | wysig bron]- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
- (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
- (af) Venter, ds. A.A. (hoofred.) 1957. Almanak van die Gereformeerde Kerk in Suid-Afrika vir die jaar 1958. Potchefstroom: Administratiewe Buro.
- (af) Venter, ds. A.A. (hoofred.) 1958. Almanak van die Gereformeerde Kerk in Suid-Afrika vir die jaar 1959. Potchefstroom: Administratiewe Buro.
- (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
- (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.