Gereformeerde kerk Potgietersrus-Wes

	Gereformeerde kerk; Potgietersrus-Wes
Sluit in	Mokopane (deels) ; Sterkrivier ; Uitkyk
Klassis	Limpopo
Huidige predikant(e)	Vakant
Belydende lidmate	78
Dooplidmate	10
Adres	Ruiterweg 31 ; Mokopane
	Geskiedenis
Stigtingsdatum	Mei 1974
Afgestig van	Potgietersrus
Eerste predikant	D.L. de Beer 1974–1976

Die vyftigjarige bestaansviering van die Gereformeerde Kerk Potgietersrus, 1978. Van links: Mev. R. Venter, ds. P.J. Venter, mev. Van Ryssen, ds. J.W.J. van Ryssen, mev. (ds.) G.B.S Pasch, mev. De Vos, ds. W. de Vos, mev. De Beer en ds. D.L. de Beer.

Dr. D.R. Fouché in sy laaste jaar aan die TSP, 1971. Hy was predikant hier van 1985 tot 1996, sy laaste gemeente.

Die Gereformeerde kerk Potgietersrus-Wes was die tweede gemeente van die GKSA op die dorp Mokopane in die provinsie Limpopo. Einde 2015 het die gemeente 146 belydende en 27 dooplidmate gehad, vergeleke met die moedergemeente se 268 en 64.

Potgietersrus-Suid het in Mei 1974 van die Gereformeerde kerk Potgietersrus afgestig. Dié twee gemeentes deel sedertdien die moedergemeente se siersteenkerk, ontwerp deur Hendrik Vermooten en ingewy op 8 November 1952.

Ontbinding[wysig | wysig bron]

Op die kerkraadsvergadering van 25 Mei 2022 is besluit dat die gemeente as gevolg van verskeie redes nie meer kon voortbestaan nie. Die Klassis Contracta (bestaande uit GK Potgietersrus-Wes, Pietersburg, Laeveld en Pietersburg-Noord) het op 16 Augustus 2022 vergader en ná ’n deeglike ondersoek na alle relevante sake, aanbeveel dat daar voortgegaan kan word met ontbinding. Op 28 Augustus 2022 het die konsulent, ds. Sarel Venter, met advies van die Klassis Contracta, die ontbinding gefasiliteer deur die laaste Nagmaal te bedien, ontslag aan die kerkraadslede toe te staan en al die attestate asook opsê van lidmaatskap te lees.

Predikante[wysig | wysig bron]

De Beer, Dewald Lambertus, 1974 – 1976
Mulder, Pieter Willem Adriaan, 1977 – 1985
Fouché, dr. Daniël Rudolph, 1985 – 1996 (aanvaar sy emeritaat)
Kruger, Leon, 1996 – 2002
Bain, Ronald Alexander, 2003 – 2007
Venter, Maarten Petrus Albertus, 2008 – 2011

Bronne[wysig | wysig bron]

(af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
(af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
(af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
(af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
(af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.