Gereformeerde kerk Duineveld

in Wikipedia, die vrye ensiklopedie
Gereformeerde Kerk
Duineveld
Sluit in  Blackrock
Hotazel
McCarthy's Rus
Severn
Vanzylsrus
omliggend plase
Klassis  Griekwaland-Wes
Huidige predikant(e)  Pierre Cilliers
In kombinasie met  Daniëlskuil
Belydende lidmate  21
Dooplidmate  9
Adres Sharplaan 2
Hotazel
Geskiedenis
Stigtingsdatum  1982
Afgestig van  Kuruman
Eerste predikant  Dr. S.J. van der Merwe 1982–2008

Die Gereformeerde kerk Duineveld is ’n gemeente van die GKSA met sy middelpunt op die Noord-Kaapse dorpie Hotazel. Dit sluit ook die nedersettings Van Zylsrus, Severn en Blackrock in.

Duineveld het in 1982 afgestig van die Gereformeerde kerk Kuruman. Aan die begin is eredienste om vyfuur Sondagmiddae in die kerkgebou van die NG gemeente Kalahari (gestig in 1984) gehou. Later het die Gereformeerdes in die Samancor-gebou byeengekom, die latere BHP Billiton-klubsaal. Die gemeente het toe ’n erf in Sharplaan, Hotazel, gekoop. Dié erf, met ’n huis daarop is groot genoeg sodat ’n veeldoelige saal daarop gebou kan word.

Eers op 22 Augustus 2010 kon die Gereformeerde kerk Duineveld vir die eerste keer in hul eie plekkie erediens en katkisasie hou. Die gemeente het beplan om, tot die saal voltooi is, eredienste in die huis te hou, en laasgenoemde dan weer in ’n woonhuis te omskep.

Lidmaattal[wysig | wysig bron]

In enkele lukrake jare lyk Duineveld se lidmaattal soos volg:

1997 2001 2011 2014 2020
Dooplidmate 48 20 13 6 9
Belydende lidmate 71 41 45 30 21
Sieletal 119 61 58 36 30

Predikant[wysig | wysig bron]

  1. Van der Merwe, dr. Sarel Jacobus, 1982 – 2008
  2. Cilliers, Pierre, 2015 – hede (in kombinasie met Daniëlskuil

Bronne[wysig | wysig bron]